சிம்மம் செல்லும் சுக்கிரன்: இந்த 4 ராசிக்காரங்க ஆகஸ்ட் 31 முதல் பல பிரச்சனைகளை சந்திக்கப் போறாங்க...

ரிஷபம்

சுக்கிரன் ரிஷப ராசியின் அதிபதி. இந்த சுக்கிரன் ரிஷப ராசியின் 4 ஆவது வீட்டிற்கு செல்கிறார். இதனால் இக்காலத்தில் ஆரோக்கியத்தில் சில ஏற்றத்தாழ்வுகள் ஏற்படும். சுக்கிரனின் நிலை இக்காலத்தில் மகிழ்ச்சியைக் குறைக்கும். செலவுகள் அதிகரிக்கும். ஷாப்பிங் செய்ய நிறைய பணத்தை செலவழிப்பீர்கள். வீட்டைப் புதுப்பிக்க செலவுகளை செய்ய வேண்டியிருக்கும். வாகனத்தில் செல்லும் போது கவனமாக இருக்க அறிவுறுத்தப்படுகிறது.

மிதுனம்

மிதுன ராசியின் 3 ஆவது வீட்டிற்கு சுக்கிரன் செல்கிறார். இதனால் இக்காலத்தில் எதிலும் அவசரத்தையும், பிரச்சனைகளையும் சந்திக்க வேண்டியிருக்கும். இக்காலத்தில் இந்த ராசிக்காரர்கள் சற்று கலவையான பலன்களையே பெறுவார்கள். பணியிடத்தில் உங்களுக்கு கொடுத்த பணிகளை முடிப்பதற்கு மற்றவர்களின் ஆதரவு கிடைக்காமல் போகும். குடும்ப வாழ்க்கையில் உங்கள் தாயின் ஆதரவு கிடைக்கும். ஆனால் வேறு யாரும் உங்களுக்கு உதவி முன்வரமாட்டார்கள். ஆரோக்கியத்தில் கவனம் செலுத்துங்கள். வாகனத்தில் செல்லும் போது விபத்து ஏற்பட வாய்ப்புள்ளதால் கவனமாக இருக்க வேண்டும்.

தனுசு

தனுசு ராசியின் 9 ஆவது வீட்டிற்கு சுக்கிரன் செல்கிறார். இதனால் இக்காலத்தில் பல தடைகளை சந்திப்பார்கள். இது இந்த ராசிக்காரர்களின் வேலையை மெதுவாக்கும் மற்றும் சிக்கல்களை ஏற்படுத்தும். குடும்ப உறுப்பினர்களிடையே கருத்து வேறுபாடுகள் ஏற்படலாம். தொழிலதிபராக இருந்தால், தொழிலில் அதிக பணத்தை முதலீடு செய்வதைத் தவிர்க்க வேண்டும். இல்லாவிட்டால், இழப்பை சந்திக்க வேண்டியிருக்கும். புதிய தொழில் தொடங்க நினைத்தால், கூடுதல் கவனமாக இருக்க வேண்டும்.

மகரம்

மகர ராசியின் 8 ஆவது வீட்டிற்கு சுக்கிரன் செல்கிறார். இதனால் இக்காலத்தில் செலவுகள் அதிகமாக இருக்கும். சேமிப்பு குறைவாக இருக்கும். மேலும் சுக்கிரன் இந்த ராசிக்காரர்களின் திருமண வாழ்க்கையையும் பாதிக்கும். இப்பெயர்ச்சியால் உங்கள் திருமண வாழ்க்கையில் மற்றவர்கள் தலையிடுவார்கள். உங்களின் மகிழ்ச்சி குறையும். ஆரோக்கியத்தில் அக்கறை காட்ட வேண்டும். குறிப்பாக இக்காலத்தில் உடல் சோர்வு மற்றும் சர்க்கரை நோய் தொடர்பான பிரச்சனைகளை சந்திக்க நேரிடும்.