சுக்கிர பெயர்ச்சியால் ஆகஸ்ட் 31 வரை இந்த ராசிக்காரங்க கொஞ்சம் நிறைய பிரச்சனையை சந்திப்பாங்களாம்...

மேஷம்

மேஷ ராசியின் 4 ஆவது வீட்டிற்கு சுக்கிரன் செல்வதால், இந்த ராசிக்காரர்களின் காதல் வாழ்க்கையில் சிறு மாற்றம் ஏற்படும். இக்காலத்தில் இந்த ராசிக்காரர்கள் மிகவும் உணர்ச்சிவசப்படுவார்கள். எனவே சிறு விஷயங்களும் இந்த ராசிக்காரர்களை தொந்தரவு செய்யும். மேலும் இக்காலத்தில் உங்கள் அன்புக்குரியவர்களுடனான உறவில் சில சிக்கல்கள் ஏற்படும். ஆரோக்கியத்தில் அக்கறை காட்ட அறிவுறுத்தப்படுகிறது.

கன்னி

கன்னி ராசியின் 11 ஆவது வீட்டிற்கு சுக்கிரன் செல்வதால், இந்த ராசிக்காரர்கள் அதிக பிரச்சனைகளை சந்திக்க நேரிடும். எந்த ஒரு பண அபாயத்தையும் எடுக்காதீர்கள். பணத்தை முதலீடு செய்ய முடிவு செய்தால், புத்திசாலித்தனமாக முதலீடு செய்யுங்கள். முடிந்தால், இக்காலத்தில் முதலீடு செய்யாமல் இருப்பது நல்லது. ஆரோக்கிய விஷயத்தில் கவனமாக இருங்கள்.

துலாம்

துலாம் ராசியின் 10 ஆவது வீட்டிற்கு சுக்கிரன் செல்கிறார். இதனால் குடும்ப வாழ்க்கை சற்று கடினமாக இருக்கும். இக்காலத்தில் பெரியோர்களின் ஆலோசனையைப் பெறுங்கள். குடும்பத்தில் சில சுப காரியங்களை ஏற்பாடு செய்ய முயற்சி செய்யுங்கள். மேலும் பணிபுரிபவர்கள் மற்றும் வணிகர்கள் பல சவால்களை சந்திக்க நேரிடும். ஆரோக்கியத்தில் சற்று கவனமாக இருங்கள்.

தனுசு

தனுசு ராசியின் 8 ஆவது வீட்டிற்கு சுக்கிரன் செல்வதால், தனுசு ராசிக்காரர்கள் கடும் போட்டியை சந்திக்க நேரிடும். யாரிடமும் கடன் வாங்க வேண்டாம். இல்லாவிட்டால் உங்கள் கஷ்டங்கள் அதிகரிக்கும். பண இழப்பு பிரச்சனைகளை சந்திக்க வாய்ப்புள்ளது. பண பரிவர்த்தனைகளை மிகவும் கவனமாக செய்ய வேண்டும். மாணவர்கள் படிப்பில் சில இடையூறுகளை சந்திக்கலாம்.

கும்பம்

கும்ப ராசியின் 6 ஆவது வீட்டிற்கு சுக்கிரன் செல்வதால் வாழ்வில் வெற்றி பெற கடுமையாக உழைக்க வேண்டியிருக்கும். இக்காலத்தில் செலவுகளும் அதிகரிக்க வாய்ப்புள்ளது. எனவே தேவையற்ற செலவுகளை கட்டுப்படுத்த முயலுங்கள். திருமணமானவர்கள் தங்கள் வாழ்க்கைத் துணையுடனான உறவில் சில பிரச்சனைகளை சந்திக்க நேரிடும்.