வாஸ்துவின் படி சமையலறையில் நீங்கள் செய்யும் இந்த செயல்கள் உங்கள் வாழ்க்கையில் வறுமையை ஏற்படுத்துமாம்

பழைய பாத்திரங்கள்

உங்கள் சமையலறையில் நீங்கள் அதிகமான பழைய பாத்திரங்களை சேர்த்து வைக்கும் பழக்கம் இருந்தால் அந்த பழக்கத்தை கைவிட வேண்டிய நேரமிது. ஏனெனில் இது உங்கள் வீட்டில் வாஸ்து தோஷத்தை ஏற்படுத்துவதுடன் உங்கள் வாழக்கையில் தேக்க நிலையை ஏற்படுத்தும்.

குழாய்களில் கசிவு

உங்கள் சமையலறையில் இருக்கும் குழாய்களில் கசிவு ஏற்பட்டால் அதனை உடனடியாக சரிசெய்து விடுங்கள். ஏனெனில் இது வாஸ்து சாஸ்திரத்தின் படி தோஷத்தின் அடையாளமாகும், இவ்வாறு இருப்பது உங்கள் வீட்டில் பணஇழப்பை ஏற்படுத்தும்.

தரையில் விரிசல்

உங்கள் சமையலறையில் விரிசல்கள் இருந்தால் அதனை உடனடியாக சரிசெய்யுங்கள். ஏனெனில் சமையலறையில் இருக்கும் விரிசல்கள் உங்கள் குடும்பத்தில் உறவுகளுக்குள் விரிசலை ஏற்படுத்தும்.

சேதமடைந்த எலக்ட்ரானிக் பொருட்கள்

வாஸ்து சாஸ்திரத்தின் படி உங்கள் சமையலறையில் இருக்கும் சேதமடைந்த மின்னணு பொருட்கள் உடல்நலம் தொடர்பான பிரச்சினைகளை ஈர்க்கின்றன. வேலை செய்யாத மிக்சி, உடைந்த மின்னனு பொருட்கள், கிரைண்டர், சுவிட்ச் போர்டு போன்றவற்றை உடனடியாக சமையலறையில் இருந்து அப்புறப்படுத்தவும்.

MOST READ: ஆண்கள் காதலில் ஏமாற்றுவதை அவர்களின் இந்த செயல்களே காட்டிக்கொடுத்து விடுமாம் தெரியுமா?

எறும்பு மற்றும் எலி

உங்கள் சமையலறையில் எலி, கரப்பான்பூச்சி, எறும்பு போன்றவை இருப்பது உங்களுக்கு சுகாதார பிரச்சினைகள் மட்டுமின்றி வாஸ்து பிரச்சினைகளையும் ஏற்படுத்தும். உங்கள் சமையலறையில் இவை இருந்தால் அது உங்கள் வீட்டில் வறுமை மற்றும் வீழ்ச்சியை ஏற்படுத்தும்.

எரியாத விளக்குகள்

உங்கள் சமையலறை உபயோகத்தில் இருக்கும் போது அது நிச்சயம் விளக்குடன் இருக்க வேண்டும். சமையலறையில் எப்பொழுதும் போதுமான வெளிச்சம் இருக்க வேண்டும். அவ்வாறு இல்லையெனில் இது உங்கள் வீட்டில் குழப்பத்தையும், மகிழ்ச்சியின்மையையும் ஏற்படுத்தும்.

அழுக்கான சமையலறை துண்டுகள்

உங்கள் சமையலறையில் அழுக்கான துண்டுகள் இருப்பது வாஸ்துவின் படி உங்கள் வீட்டில் நிதி இழப்புகளை ஏற்படுத்தும். எனவே சமையலறையில் உபயோகிக்கும் துணிகளை எப்போதும் சுத்தமாக வைத்திருப்பதை உறுதிப்படுத்திக் கொள்ளுங்கள்.

உடைந்த கண்ணாடி

சமையலறையில் உடைந்த கண்ணாடிகள் அல்லது ஜன்னல்கள் இருந்தால் அது விபத்துக்கள் மற்றும் சுகாதார ஆபத்துக்களை ஏற்படுத்தும் என்று வாஸ்து சாஸ்திரம் கூறுகிறது.

MOST READ: 2020-ல் உங்க ராசிப்படி எந்த மாதம் உங்களுக்கு ஆபத்தான மாதமாக இருக்கப்போகிறது தெரியுமா?

சிலந்தி வலைகள்

நீங்கள் வழக்கமாக சமையலறையைச் சுற்றி சிலந்தி வலைகளைக் கண்டால், அவற்றின் மூல காரணத்தை நீங்கள் அறிந்து கொள்ளுங்கள். வாஸ்து சாஸ்திரத்தின் படி சிலந்தி வலைகள் சட்ட வழக்குகள் மற்றும் நீதிமன்ற அலைக்கழிப்புகளை ஏற்படுத்தும்.