சிம்மத்தில் சூரிய-சுக்கிர சேர்க்கையால் செப்டம்பர் 17 வரை இந்த ராசிக்காரங்க எச்சரிக்கையா இருக்கணும்..

கடகம்

சூரியன் மற்றும் சுக்கிரனின் சேர்க்கையால் கடக ராசிக்காரர்களுக்கு வேதனை நிறைந்த காலமாக இருக்கும். கடக ராசியின் 2 ஆவது வீட்டில் சூரிய சுக்கிர சேர்க்கை நிகழ்ந்துள்ளதால், பண விஷயத்தில் கவனமாக இருக்க வேண்டும். இக்காலத்தில் யாருக்கும் கடன் கொடுத்துவிடாதீர்கள். இல்லாவிட்டால் பெரிய நஷ்டத்தை சந்திப்பீர்கள். பணியிடத்தில் பிரச்சனைகளை தவிர்த்திடுங்கள். செலவுகள் அதிகரிப்பதால் மன அழுத்தத்திற்கு ஆளாவீர்கள். எவ்வளவு கடினமாக உழைத்தாலும் பலன்கள் குறைவாகவே கிடைக்கும்.

விருச்சிகம்

விருச்சிக ராசியின் 11 ஆவது வீட்டில் சூரிய-சுக்கிர சேர்க்கை நிகழ்ந்துள்ளது. இதனால் இக்காலம் சற்று தீங்கு விளைவிக்கக்கூடியதாகவே இருக்கும். குறிப்பாக வியாபாரிகள் குறைவான லாபத்தையே பெறக்கூடும். வணிகர்கள் சற்று சிரமத்தை சந்திக்கலாம். விபத்து ஏற்பட வாய்ப்புள்ளதால், வாகனம் ஓட்டும் போது கவனமாக இருக்க அறிவுறுத்தப்படுகிறது. இக்காலத்தில் பங்குச் சந்தையில் பணத்தை முதலீடு செய்வதை தவிர்த்திடுங்கள். இல்லாவிட்டால் பெரிய நிதி இழப்பை சந்திப்பீர்கள்.

தனுசு

தனுசு ராசியின் 10 ஆவது வீட்டில் சூரிய-சுக்கிர சேர்க்கை நிகழ்ந்துள்ளது. இதனால் இந்த ராசிக்காரருக்கு இந்த சேர்க்கை காலம் கடினமாக இருக்கும். குறிப்பாக பணிபுரிபவர்கள் வேலையில் சில சிக்கல்களை சந்திக்க வேண்டியிருக்கும். உடன் பணிபுரிபவர்கள் அல்லது உயர் அதிகாரிகளுடன் சண்டை வரலாம். வியாபாரிகளுக்கு குறைவான லாபமே கிடைக்கும். திருமணமானவர்களுக்கு வாழ்க்கைத் துணையுடன் மனக்கசப்பு ஏற்படலாம்.

சூரிய-சுக்கிர சேர்க்கையால் சந்திக்கும் பிரச்சனைகளைத் தவிர்ப்பதற்கான பரிகாரங்கள்

* தினமும் துர்கா தேவியை வழிபடுங்கள்.

* பெண்களை எந்த விதத்திலும் காயப்படுத்தாதீர்கள் மற்றும் அவர்கள் மதித்து நடத்துங்கள்.

* தினமும் காலையில் குளித்ததும் சூரிய பகவானை வழிபடுங்கள்.

* உங்கள் தந்தையை மதிக்கவும் மற்றும் அவருடனான உறவை வலுப்படுத்த முயற்சிக்கவும்.

* சுக்கிரனை வலுப்படுத்த தினமும் பசுவிற்கு சப்பாத்தியைக் கொடுங்கள்.