சூரியன் சிம்ம ராசிக்கு செல்வதால் ஆகஸ்ட் 17 முதல் இந்த ராசிக்காரங்க எச்சரிக்கையா இருக்கணும்..

மகரம்

சூரியன் சிம்ம ராசியில் இருக்கும் காலத்தில் மகர ராசிக்காரர்கள் சற்று கவனமாக இருக்க வேண்டும். ஏனெனில் சூரியன் மகர ராசியின் 8 ஆவது வீட்டிற்கு செல்கிறார். இந்த வீடு நோய் வீடு. எனவே இந்த ராசிக்காரர்கள் ஆரோக்கியத்தில் சற்று அதிக கவனமாக இருக்க வேண்டும். தொழில் விஷயத்தில் எந்த ஒரு பெரிய முடிவுகளையும் எடுக்காதீர்கள். சொத்துக்களில் முதலீடு செய்வதைத் தவிர்ப்பது நல்லது.

கும்பம்

கும்ப ராசியின் 7 ஆவது வீட்டிற்கு சூரியன் செல்கிறார். இதனால் இந்த சூரிய பெயர்ச்சி காலமானது சற்று தொல்லைகள் நிறைந்த காலமாக இருக்கும். இக்காலத்தில் திருமண வாழ்க்கையில் சில பிரச்சனைகளை சந்திக்கலாம். கூட்டு வேலை செய்து வந்தால், சில இழப்புக்களை சந்திக்க நேரிடும். கூட்டாண்மை வேலையை தொடங்க நினைத்தால், அதற்கு இது சிறந்த காலம் அல்ல. எனவே சற்று அதை நிறுத்தி வையுங்கள்.

ரிஷபம்

ரிஷப ராசியின் 4 ஆவது வீட்டிற்கு சூரியன் செல்கிறார். இதனால் இந்த ராசிக்காரர்கள் சற்று கவனமாக இருக்க வேண்டும். குறிப்பாக உங்கள் தாயின் ஆரோக்கியத்தில் கவனம் செலுத்த வேண்டும். உங்களின் முக்கியமான வேலை இக்காலத்தில் நிறுத்தப்படலாம். குடும்ப உறுப்பினர்களுடன் கருத்து வேறுபாடுகள் ஏற்பட வாய்ப்புள்ளது. பணியிடத்தில் உடன் பணிபுரிபவர்களுடனான உறவுகள் மோசமடையக்கூடும்.

தனுசு

தனுசு ராசியின் 9 ஆவது வீட்டிற்கு சூரியன் செல்கிறார். இதனால் இக்காலம் தனுசு ராசிக்காரர்களுக்கு சற்று வேதனை நிறைந்த காலமாக இருக்கும். இக்கால கட்டத்தில் ரகசிய எதிரிகளால் தொல்லைகளை சந்திப்பீர்கள். அலுவலகத்தில் வாக்குவாதங்களை தவிர்த்திடுங்கள். இல்லாவிட்டால் உங்கள் கௌரவம் பாதிக்கப்படலாம். நீண்ட தூர பயணங்களைத் தவிர்த்திடுங்கள். உங்கள் வாழ்க்கைத் துணையின் ஆரோக்கியம் மோசமடைய வாய்ப்புள்ளது.