சனி பகவானின் கோபத்தைக் குறைக்க சனி ஜெயந்தி அன்று ஒவ்வொரு ராசிக்காரரும் செய்ய வேண்டியவைகள்!

மேஷம்

மேஷ ராசிக்காரர்கள், சனி ஜெயந்தி நாளில் சுந்தர காண்டம் படிப்பது அல்லது அனுமன் சாலிசாவை சொல்வது மிகவும் நல்லது. இதனால் சனி பகவானை குளிர்விக்கலாம்.

ரிஷபம்

ரிஷப ராசிக்காரர்கள் சனி அஷ்டோத்ரம் அல்லது சனி அஷ்டோத்திர சதனமாவளியை சனி ஜெயந்தி நாளில் சொல்லுங்கள். மேலும் ஏழை எளியோருக்கும் தானம் செய்யுங்கள்.

மிதுனம்

மிதுன ராசிக்காரர்கள் சனி ஜெயந்தி அன்று கருப்பு உளுத்தம் பருப்பை படைத்து வழிபடுவதனால், சனி தொடர்பான பிரச்சனைகளில் இருந்து விடுபடலாம்.

கடகம்

கடக ராசிக்காரர்கள் சனி பகவானின் அருளைப் பெறுவதற்கு ராஜா தசரத சனி ஸ்தோத்திரத்தை சனி பகவான் பிறந்த நாளான சனி ஜெயந்தி நாளில் சொல்லுங்கள்.

சிம்மம்

சனி பகவானின் தந்தையான சூரியனை அதிபதியாக கொண்ட சிம்ம ராசிக்காரர்கள், சனி ஜெயந்தி அன்று அனுமனை வணங்கிய பின் எந்த ஒரு செயலையும் செய்யுங்கள். இதனால் சனி பகவானின் அருள் மட்டுமின்றி, அனுமனின் அருளும் கிட்டும்.

கன்னி

கன்னி ராசிக்காரர்கள், சனி ஜெயந்தி நாளில் விரதமிருந்து சனி பீஜ மந்திரத்தை உச்சரித்து வந்தால், சனிபகவானின் அருள் கிடைக்கும்.

துலாம்

துலாம் ராசிக்காரர்கள் நோயால் அவதிப்படும் மக்களுக்கு சேவை செய்வது நல்லது. அதோடு சனி பகவானுக்கு எள்ளு பொட்டலம் கொண்டு கடுகு எண்ணெயால் தீபமேற்றி வழிபடுவது நல்லது.

விருச்சிகம்

விருச்சிக ராசிக்காரர்கள் சனி ஜெயந்தி நாளில் காகம், ஆடு, மாடு, எறும்பு போன்ற உயிரினங்களுக்கு உணவளிப்பது நல்லது. அதோடு அனுமன் சாலிசாவை சொல்வதன் மூலமும், சனி பகவானின் அருளைப் பெறலாம்.

தனுசு

தனுசு ராசிக்காரர்கள் சனி ஜெயந்தி அன்று அரச மரத்தின் கீழ் 11 எள்ளு விளக்கேற்றி சனி பகவானின் மந்திரத்தை உச்சரித்து வழிபடுவதனால், சனி பகவானின் அருள் கிட்டும்.

மகரம்

மகர ராசிக்காரர்கள் சனி ஜெயந்தி நாளில் ஏழை மக்களுக்கு உணவை வாங்கி கொடுப்பதுடன், சனி மந்திரத்தை செல்வதன் மூலம், சனி பகவானைக் குளிர்வித்து அருளைப் பெறலாம்.

கும்பம்

கும்ப ராசிக்காரர்கள் ஏழரை சனியால் சந்திக்கும் பிரச்சனைகளைத் தீர்க்க, சனி ஜெயந்தி நாளில் அனுமனை வழிபடுங்கள். இதனால் சனி தொடர்பான பிரச்சனைகள் குறையும்.

மீனம்

மீன ராசிக்காரர்கள் சனி ஜெயந்தி நாளன்று விரதம் இருந்து பஜ்ரங் பானை படிப்பதன் மூலம், சனி பகவானின் அருளைப் பெறலாம்.