47 ஆண்டுகளுக்கு பின் ரிஷப ராசியில் வக்ர செவ்வாய் உருவாக்கிய அசுப யோகம்: இந்த 4 ராசிகளின் கஷ்டம் அதிகரிக்கும்!

மேஷம்

செவ்வாயின் வக்ர நிலை மேஷ ராசிக்காரர்களுக்கு சிரமங்களை அதிகரிக்கும். குடும்பத்தில் சண்டைகளை வரவழைக்கும். நிதி ரீதியாக, பண இழப்பு ஏற்பட வாய்ப்புள்ளது. பண பரிவர்த்தனைகள் மற்றும் முதலீடுகள் விஷயத்தில் சற்று கவனமாக இருக்க வேண்டும். தொழில் ரீதியாக இக்காலம் அவ்வளவு நன்றாக இருக்காது. மாணவர்கள் வெற்றி பெற அதிகம் உழைக்க வேண்டியிருக்கும். திருமண வாழ்வில் மனக்கசப்புகள் அதிகரிக்கும்.

மிதுனம்

வக்ர செவ்வாயால் மிதுன ராசிக்காரர்களுக்கு செலவுகள் அதிகரிக்கும். இளைய சகோதரர்களுடன் கருத்து வேறுபாடுகள் ஏற்படலாம். பயணங்களால் நஷ்டங்கள் ஏற்படும் வாய்ப்புள்ளது. முதலீடு செய்ய நினைத்தால், அதை இக்காலத்தில் செய்வதைத் தவிர்த்திடுங்கள். இல்லாவிட்டால் இழப்பை சந்திக்க நேரிடும். திருமண வாழ்க்கையில் கருத்து வேறுபாடுகள் ஏற்படலாம். இக்காலத்தில் உங்கள் ஆணவம் தான் உங்களுக்கு தீங்கு விளைவிக்கும்.

துலாம்

செவ்வாய் வக்ரமாக இருப்பது துலாம் ராசிக்காரர்களுக்கு சவாலானதாக இருக்கும். இக்காலத்தில் வெற்றி பெற கடினமாக உழைக்க வேண்டியிருக்கும். மன அழுத்தத்தால் கஷ்டப்பட வேண்டியிருக்கும். நிதியைப் பொறுத்தவரை ஏற்றத்தாழ்வுகளை சந்திக்க நேரிடும். இக்காலத்தில் உங்களின் நடத்தையில் பெரிய மாற்றம் இருக்கும். இதனால் பணியிடத்தில் உடன் பணிபுரிபவர்களுடனான உறவு மோசமடையும் வாய்ப்புள்ளது. முக்கியமாக பேசும் போது கவனமாக இருங்கள். ஏனெனில் உங்களின் பேச்சு பல பிரச்சனைகளை உருவாக்கக்கூடும்.

மகரம்

வக்ர செவ்வாய் மகர ராசிக்காரர்களின் குழந்தைகள், நடத்தை மற்றும் நெருங்கிய உறவுகளில் மோசமான தாக்கத்தை ஏற்படுத்தும். குழந்தைகளின் ஆரோக்கியம் பாதிக்கப்படலாம். திருமண வாழ்வில் கசப்புகள் அதிகரிக்கும். நெருங்கிய நண்பவர்கள் மற்றும் உறவினர்களுடனான உறவுகள் மோசமடையலாம். முதலீட்டு விஷயங்களில் மிகவும் கவனமாக இருக்க வேண்டும். யாருக்கும் கடன் கொடுக்காதீர்கள். ஏனெனில் இக்காலத்தில் கடனாக கொடுத்த பணம் திரும்ப கிடைக்காது. பேங்க்கில் உங்களின் இருப்பு குறையும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)