ராகுவின் நட்சத்திர மாற்றத்தால் இந்த 3 ராசிக்காரர்களின் அதிர்ஷ்டம் பிரகாசிக்கப் போகுது...

ராகு நட்சத்திர பெயர்ச்சி 2022

தற்போது ராகு கிருத்திகை நட்சத்திரத்தில் பயணித்து வருகிறார். கிருத்திகை நட்சத்திரத்தின் அதிபதி அனைத்து கிரகங்களுக்கும் ராஜாவாக கருதப்படும் சூரியன். கடந்த ஆண்டு 2021 அக்டோபர் 05 ஆம் தேதி, ராகு கிருத்திகை நட்சத்திரத்திற்கு வந்தார். தற்போது 9 மாதங்களுக்கு பிறகு ராகு கிருத்திகை நட்சத்திரத்தில் இருந்து பரணி நட்சத்திரத்திற்கு வருகிறார்.

பரணி நட்சத்திரத்தில் ராகு பெயர்ச்சி

பஞ்சாங்கத்தின் படி, 2022 ஜூன் 14 ஆம் தேதி செவ்வாய்க்கிழமை காலை 8.15 மணிக்கு ராகு பரணி நட்சத்திற்குள் நுழைகிறார். ஜோதிடத்தின் படி, பரணி நட்சத்திரத்தின் அதிபதி சுக்கிரன் மற்றும் தெய்வம் எமன். பரணி என்றால் வைத்திருப்பவர் என்று பொருள். ராகு பகவான் பரணி நட்சத்திரத்திற்கு செல்வதால் அதிர்ஷ்டம் பெறும் ராசிக்காரர்கள் யார்யார் என்பதை இப்போது காண்போம்.

மேஷம்

ராகு மேஷ ராசியின் முதல் வீட்டில் உள்ளார். முக்கியமாக சுக்கிரனுடன் முதல் வீட்டில் இணைந்து பயணிக்கிறார். இந்த ராகு, சுக்கிர சேர்க்கையால், மேஷ ராசிக்காரர்களுக்கு சிறப்பான பலன்கள் கிடைக்கும். ஆனால் உறவு விஷயத்தில் கவனமாக இருக்க வேண்டும். பரணி நட்சத்திரத்தின் அதிபதி சுக்கிரன். இதனால் சில சமயங்களில் இக்காலம் உங்களுக்கு சாதகமாக இருக்கும். ஆனால் தவறான விஷயங்களைத் தவிர்க்க அறிவுறுத்தப்படுகிறது. இக்காலத்தில் மூதாதையர் சொத்து, சிக்கிய பணம் போன்றவற்றைப் பெறலாம்.

ரிஷபம்

சுக்கிரன் ரிஷப ராசியின் அதிபதி. மேலும் ராகு மற்றும் சுக்கிரன் நண்பர்கள். ராகு தனது நண்பரின் ராசியில் பிரவேசிக்கப் போகிறார். ஆகவே இந்த நட்சத்திர மாற்றம் ரிஷப ராசிக்காரர்களுக்கு பண விஷயத்தில் கலவையான பலனைத் தருவதாக இருக்கும். ஆனால் பல நல்ல வாய்ப்புக்கள் கிடைக்கும். இந்த வாய்ப்புக்களைப் பயன்படுத்திக் கொண்டால், வாழ்க்கை சிறப்பாகவும், செழிப்பாகவும் இருக்கும்.

துலாம்

ராகு பகவான் பரணி நட்சத்திரத்திற்கு செல்வதால், துலாம் ராசிக்காரர்களின் ஆடம்பர வாழ்க்கை அதிகரிக்கும். விலையுயர்ந்த கேஜெட்டுகள் போன்றவற்றை வாங்க வாய்ப்புள்ளது. திடீர் செலவுகள் அதிகரிக்கும். பயணம் செய்வதற்கான திட்டத்தை தீட்டுவீர்கள். ஆரோக்கியத்தில் அக்கறை காட்டுங்கள். அலட்சியமாக இருந்தால், அதிக மருத்துவ செலவுகளை சந்திக்க வேண்டியிருக்கும்.