ராகு கேது பெயர்ச்சியால் இந்த 5 ராசிக்காரங்க மிகவும் கவனமா இருக்கணும்.. உங்க ராசி இதுல இருக்கா?

ராகு கேது பெயர்ச்சி 2022 எப்போது?

திருக்கணித பஞ்சாங்கத்தின் படி, 2022 ஏப்ரல் 12 ஆம் தேதி மதியம் 1.38 மணியளவில் ராகு மேஷ ராசிக்கும், கேது துலாம் ராசிக்கும் பெயர்ச்சி ஆகின்றனர். வாக்கிய பஞ்சாங்கத்தின் படி, 2022 மார்ச் 21 தேதி திங்கட்கிழமை மதியம் 3.02 மணிக்கு பெயர்ச்சியாகின்றனர்.

மேஷம்

மேஷ ராசிக்கு ராகு வருவதால், இந்த ராசிக்காரர்கள் தங்கள் உறவுகளில் சற்று கவனமாக இருக்க அறிவுறுத்தப்படுகிறது. ஏனெனில் இப்பெயர்ச்சியால் உறவுகளில் சில பிரச்சனைகளை சந்திக்க நேரிடும். அதோடு நிதி பிரச்சனைகளையும் சந்திக்க வாய்ப்புள்ளது. ஆகவே சற்று கவனமாக இருங்கள்.

துலாம்

துலாம் ராசியின் 7 ஆவது வீட்டில் ராகுவும், முதல் வீட்டில் கேதுவும் இருப்பதால், இந்த ராசிக்காரர்கள் பண பரிவர்த்தனைகளில் மிகவும் கவனமாக இருக்க வேண்டும். ஒருவரது ஜாதகத்தில் ராகு மற்றும் கேது சுப ஸ்தானத்தில் இருந்தால், அவர்களின் வாழ்வில் வளர்ச்சியையும், முன்னேற்றத்தையும் காண்பார்கள்.

தனுசு

தனுசு ராசிக்காரர்களுக்கு இந்த ராகு கேது பெயர்ச்சி சாதகமானதாக இருக்காது. இக்காலத்தில் உங்கள் எதிர்காலம் குறித்த பாதுகாப்பின்மை ஏற்படலாம். உங்களின் ஒரு தவறான முடிவு காரணமாக இக்காலத்தில் பண இழப்பை சந்திக்க வாய்ப்புள்ளது. முக்கியமாக இக்காலத்தில் பணம் தொடர்பாக எந்த ஒரு பெரிய முடிவும் எடுக்க வேண்டாம்.

மகரம்

மகர ராசியின் 4 மற்றும் 10 ஆவது வீட்டில் ராகு மற்றும் கேது சஞ்சரிக்கிறார்கள். இதில் கேது பெயர்ச்சி உங்களுக்கு சாதகமான பலன்களைத் தரும். ஆனால் ராகு உங்களுக்கு அசுப பலன்களைத் தரும் இடத்தில் உள்ளார். இதனால் இக்காலத்தில் குடும்பத்தில் பல பிரச்சனைகளை சந்திக்க நேரிடலாம். மேலும் ஆரோக்கியம் தொடர்பான பிரச்சனைகளை சந்திக்கக்கூடும்.

மீனம்

ராகு கேது பெயர்ச்சி மீன ராசிக்காரர்களுக்கு சாதகமற்ற பலன்களைத் தரும். இக்காலத்தில் இந்த ராசிக்காரர்கள் நிதி சிக்கல்களை சந்திக்க வேண்டியிருக்கும். நிதி விஷயத்தில் கவனமாக இருங்கள். அதோடு ஆரோக்கியம் தொடர்பான பிரச்சனைகளையும் சந்திக்க வேண்டியிருக்கும்.