பெனும்பிரல் சந்திர கிரகணம் 2020 எப்போது? எங்கு தெரியும்? யாரால் பார்க்க முடியும்?

பெனும்பிரல் சந்திர கிரகணம்

சந்திர கிரகணங்கள் மூன்று வகைப்படும் முழு சந்திரகிரகணம், பகுதி நேர சந்திரகிரகணம், பெனும்பிரல் சந்திர கிரகணம் என மூன்று வகைப்படும். கடந்த சில ஆண்டுகளுக்கு முன்பு நிகழ்ந்த சந்திரகிரகணம் சிவப்பு நிலவாகவும், நீல நிலவாகவும் தெரிந்தது. ஜூன் 5ஆம் தேதி நிகழ உள்ள சந்திர கிரகணம் பெனும்பிரல் சந்திர கிரகணம் அதாவது புறநிழல் நிலவு மறைப்பு சந்திர கிரகணம் ஆகும். இந்த கிரகண காலத்தில் சந்திரன் முற்றிலும் இருட்டாக மாறாது அல்லது சிவப்பாகவும் மாறாது. இந்த சந்திர கிரகணம் கண்களுக்கு எந்தத் தீங்கும் விளைவிக்காது, அதனால் எந்த சிறப்பு உபகரணங்களும் இல்லாமல் பார்க்க முடியும்.

ஓநாய் சந்திர கிரகணம்

2020ஆம் ஆண்டில் நான்கு பெனம்பிரல் சந்திர கிரகணங்கள் நிகழும் என்றும் நாசா அறிவித்திருந்தது. அதன்படி 2020ஆம் ஆண்டு பிறந்த உடன் ஜனவரி 10ஆம் தேதி ஓநாய் சந்திர கிரகணம் நிகழ்ந்தது. இந்த கிரகணம் இந்தியாவில் தெரியவில்லை. ஐரோப்பிய நாடுகள், ஆசியாவின் பெரும்பாலான பகுதி, ஆப்பிரிக்கா மற்றும் ஆஸ்திரேலியா ஆகிய நாடுகளில் வசித்த மக்கள் இந்த சந்திர கிரகணத்தை பார்த்தனர்.

ஸ்ட்ராபெர்ரி மூன் எக்லிப்ஸ்

இந்த ஆண்டின் இரண்டாவது பெனும்பிரல் சந்திர கிரகணம் 'ஸ்ட்ராபெர்ரி மூன் எக்லிப்ஸ்' ஜூன் 5 ஆம் தேதி அன்று இரவு 11:15 மணிக்கு ஆரம்பித்து ஜூன் 6 தேதி காலை 2:34 மணி வரை நீடிக்கும். முழு சந்திர கிரகணத்தை ஜூன் 6 ஆம் தேதி அன்று 12:54 மணிக்கு பார்க்க முடியும் எனத் தகவல்கள் வெளிவந்துள்ளன. மேலும். 2020 ஆம் ஆண்டின் இரண்டாவது சந்திர கிரகணம் மொத்தமாக மூன்று மணி நேரமும் பதினெட்டு நிமிடங்கள் நீடிக்கிறது. இந்தியாவில் குறிப்பாக தென்இந்தியாவில் இந்த கிரகணம் தெரியாது என்பதால் இந்தியாவில் உள்ளவர்களுக்கு எந்த பாதிப்பும் இல்லை என்றே கூறலாம்.

இன்னும் இரண்டு கிரகணங்கள்

இந்த ஆண்டில் ஜூன் 5, ஜூலை 5, நவம்பர் 30ஆம் தேதி சந்திர கிரகணங்கள் நிகழ உள்ளன. இந்த சந்திர கிரகணங்கள் இந்தியாவில் தெரியாது. அமெரிக்கா, ஐரோப்பா, கிழக்காசிய நாடுகள், ஆஸ்திரேலியாவில் இந்த சந்திர கிரகணம் தெரியும் என அறிவிக்கப்பட்டுள்ளது.

ராகு சூரிய கிரகணம்

இந்த நிலையில் ராகு உடன் சூரியன் சந்திரன் சேர்ந்திருக்கும் போது நிகழும் இந்த சூரிய கிரகணம் ராகு கிரகஸ்த சூரிய கிரகணமாகும். 21-06-2020ஆம் நாள் ஞாயிறு கிழமை காலை 9.16 மணிக்கு தொடங்கி பிற்பகல் 3.03 மணிவரை நீடிக்கிறது. இந்த கிரகணத்தை இந்தியா முழுவதும் உள்ள மக்கள் பார்க்க முடியும். இதுவும் நெருப்பு வளைய சூரிய கிரகணம்தான். மிதுனம் ராசியில் இந்த நான்கு கிரகங்கள் கூடியிருக்கும் போது கேதுவின் பார்வை கிடைக்கிறது. இந்த சூரிய கிரகணம் இந்தியாவில் தெரியும் என்பதுதான் சிறப்பம்சம்.