இதுல உங்க உள்ளங்கை எப்படி-ன்னு சொல்லுங்க... உங்கள பத்தின ரகசியத்தை சொல்றோம்...

சிறிய உள்ளங்கை

சாமுத்ரிகா சாஸ்திரத்தின் படி, சிறிய உள்ளங்கையைக் கொண்டவர்கள் மகிழ்ச்சியான வாழ்க்கையை நடத்துவார்கள். இவர்கள் தூய்மையான மனதைக் கொண்டவர்கள். பக்திமயமானவர்கள். நிபுணர்களின் கூற்றுப்படி, சிறிய உள்ளங்கையைக் கொண்டவர்கள் வாழ்க்கையின் அனைத்து இன்பங்களையும் பெறுவார்கள். இயற்கையில் மிகவும் ஆர்வம் உள்ளவர்களாக இருப்பவர்கள். புதிய விஷயங்களைக் கற்றுக் கொள்ள விரும்புவார்கள்.

பெரிய உள்ளங்கை

பெரிய உள்ளங்கையைக் கொண்டவர்கள் குறைந்த நிதி திறன் கொண்டவர்கள். இத்தகையவர்கள் வாழ்க்கையில் போதுமான மகிழ்ச்சியைப் பெறுவார்கள். இவர்களுக்கு கவனக்குறைவுடன் இருப்பது பிடிக்காது. தொழில், அலுவலகம் போன்ற இடத்தில் ஒருவர் அலட்சியமாக இருந்தால், உடனே அவர் மீது கோபம் கொள்வார்கள்.

மென்மையான உள்ளங்கை

உள்ளங்கையில் அதிக சதையைக் கொண்டவர்கள் அதிர்ஷ்டசாலிகளாக கருதப்படுகிறார்கள். மேலும் உள்ளகையில் அதிக சதை இருந்தால், அவர்களின் உள்ளங்கை மிகவும் மென்மையாக இருக்கும். முக்கியமாக மென்மையான உள்ளங்கையைக் கொண்டவர்கள் அதிக இன்பத்தைப் பெறுவார்கள் என்பது நம்பிக்கை.

கடினமான உள்ளங்கை

சாமுத்ரிகா சாஸ்திரத்தின் படி, கடினமான உள்ளங்கையைக் கொண்டவர்கள் மகிழ்ச்சிக்காக கடினமாக உழைக்க வேண்டியிருக்கும். அதே வேளையில் இம்மாதிரியான உள்ளங்கையைக் கொண்டவர்கள் கடின உழைப்பாளிகளாகவும், நேர்மையானவர்களாகவும் கருதப்படுகிறார்கள். எந்த ஒரு வேலையையும் சரியான நேரத்தில் முடிக்க வேண்டும் என்று விரும்புவார்கள். அதனால் இவர்கள் எப்போதுமே பிஸியாக இருப்பார்கள்.