இந்த ராசிகளில் பிறந்த ஆண்களுக்கு ரொமான்டிக்காக காதலிக்கவே தெரியாதாம்...கத்துக்கோங்கப்பா...!

கும்பம்

கும்ப ராசிக்காரர்களைப் பற்றி உங்களுக்கு என்ன தெரியும்? அவர்கள் மிகவும் புத்திசாலித்தனமானவர்கள், ஆக்கபூர்வமானவர்கள், உணர்ச்சிவசப்படாதவர்கள் மற்றும் இவர்கள் ரொமான்ஸ் எளிதில் வரும் நபர்கள் அல்ல. இவர்கள் மற்றவர்களை போல வேடிக்கையாகவோ, ஆக்கப்பூர்வமாகவோ காதலிக்க மாட்டார்கள் அது இவர்களுக்கு என்ன செய்தாலும் வராது. இவர்கள் தங்கள் காதலை வெளிப்படுத்தும் விதம் முற்றிலும் வித்தியாசமானதாக இருக்கும், ஆனால் அது ரொமான்டிக்காக இருக்குமா என்பது சந்தேகமே.

மிதுனம்

காதலை பற்றி வாய்க் கிழிய சொற்பொழிவு ஆற்றுவதில் மிதுன ராசிக்காரர்கள் சிறந்தவர்கள். ஆனால் காதலை வெளிப்படுத்துதல் என்று வரும்போதுதான் இவர்கள் தோல்வியை சந்திக்கின்றனர். இவர்கள் மனதில் காதலை வெளிப்படுத்த பல திட்டங்கள் இருக்கலாம் ஆனால் அதனை செயல்படுத்தும் விதத்தில் இவர்கள் அதிகம் சொதப்புவார்கள். காதல் என்பது சொல்லில் மட்டும் இருக்கக்கூடாது செயலிலும் இருக்க வேண்டும் என்று இவர்களுக்கு புரியாது. இவர்களாக கஷ்டப்பட்டு காதலை வெளிப்படுத்த ஒரு திட்டத்தைத் தயாரித்தாலும் மிகவும் எளிதாக இவர்கள் அதிலிருந்து திசைமாறி விடுவார்கள். இதனால் இறுதியில் இவர்கள் எண்ணம் தோல்வியில்தான் முடியும்.

மேஷம்

மேஷ ராசிக்காரர்கள் பொறுமைசாலிகள் மேலும் ஆர்வமிக்கவர்கள், ஆனால் காதல் விஷயங்களைச் செய்யும்போது அவர்கள் ஆர்வத்தை இழக்க நேரிடும். இந்த விஷயத்தில் இவர்கள் கும்ப ராசிக்காரர்களை போன்றவர்கள் இவர்களுக்கு நாடகத்தனமான, பழமையான காதலை வெளிப்படுத்தும் முறைகள் மீது எப்பொழுதும் நம்பிக்கையோ, ஆர்வமோ இருக்காது. இவர்கள் எல்லோரும் பாராட்டும்படி தன்னுடைய காதலை நிரூபிக்க விரும்புவார்கள். ஆனால் அதற்கு இவர்கள் செய்வது நேர்மையற்றதாகவும், புரியாததாகவும் இருக்கும்.

கன்னி

உங்களுக்கான பிரச்சினைகளை சரி செய்வது, உங்களின் மீது அக்கறையாக இருப்பது போன்ற எதார்த்த செயல்களின் மூலம் கன்னி ராசிக்காரர்கள் தங்களின் அன்பை நிரூபிக்க முயலுவார்கள். இவர்களின் காதல் மொழி வேறுவிதமானது, இவர்களின் ஆக்கிரமிப்பு குணம் சிலசமயம் காதலிப்பவர்களுக்கு எரிச்சலைக் கூட ஏற்படுத்தும். இவர்களின் கண்ணோட்டத்தில் காதல் என்பதே அறிவு சார்ந்ததாக இருக்குமே தவிர உணர்ச்சிகள் சார்ந்தகாக இருக்காது . இவர்கள் ரொமான்ஸ் பண்ணுவதை நேரத்தை வீணடிப்பது இரு என்ன மாட்டார்கள், ஆனால் நேரத்தை வீணடிக்காமல் உபயோகமாக காதலிக்க வேண்டும் என்று நினைப்பார்கள்.

மகரம்

காதல் மற்றும் ரொமான்ஸ் என்று வரும்போது மகர ராசிக்காரர்கள் மிகவும் வினோதமான அனுபவத்தை பெறுவார்கள். தங்கள் துணையின் மீது அதீத அக்கறை செலுத்தும் இவர்கள் அவர்களுக்காக என்ன வேண்டுமென்றாலும் செய்ய துணிவார்கள். ஆனால் இவர்கள் எதார்த்தமாக காதலிக்க நினைப்பவர்கள். பரிசுகள், பூக்கள், வாரமானால் வெளியே செல்வது போன்ற சம்பிரதாய காதல் முறைகள் இவர்க்ளுக்கு பிடிக்காது. தங்கள் மீது அழுத்தம் திணிக்கப்படுவதை இவர்கள் வெறுக்கிறார்கள். எனவே சலிப்பை ஏற்படுத்தும் விஷயங்கள் காதலில் இருந்தால் அவற்றை செய்வதை இவர்கள் தவிர்க்கிறார்கள்.