நொடியில் மனிதர்களின் உயிரைப் பறிக்கும் கொடிய விஷத்தைக் கொண்ட உயிரினங்கள்!

பாக்ஸ் ஜெல்லிமீன் (Box Jellyfish)

ஜெல்லிமீன் ஆபத்தானது. அதுவும் பாக்ஸ் ஜெல்லிமீன் உயிரினங்களிலேயே மிகவும் கொடியது. உலகின் பல பகுதிகளில் நீச்சல் வீரர்களின் மர்ம மரணங்களுக்கு பாக்ஸ் ஜெல்லிமீன் காரணம். ஏனெனில் இவற்றின் சில இனங்கள் இதயம், நரம்பு மண்டலம் மற்றும் தோல் செல்களைத் தாக்கும் நம்பமுடியாத அளவிற்கு வலிமையான மற்றும் அதிக சக்தி வாய்ந்த நச்சுகளை உருவாக்குகின்றன. இந்த நச்சுக்கள் மிக விரைவாக ஒரே நிமிடத்தில் மரணத்தை ஏற்படுத்தும்.

புனல்-வலை சிலந்தி (Funnel Web Spider)

இந்த வகை சிலந்தி ஆஸ்திரேலியாவை பூர்வீகமாக கொண்டது. இதன் காரணமாக இது ஆஸ்திரேலிய புனல் வலை சிலந்தி என்று அழைக்கப்படுகிறது. இந்த விஷயம் சயனடை விட ஆபத்தானது. இந்த சிலந்தி யாரையாவது கடித்தால், அது 15 நிமிடங்களில் மரணத்தை ஏற்படுத்தும் என்று கூறப்படுகிறது.

இந்திய சிவப்பு தேள்

உலகில் உள்ள தேள்களிலேயே அதிக விஷமுள்ள தேள் தான் 'இந்தியன் ரெட் ஸ்கார்பியன்'. முதலில் இந்தியாவில் மட்டுமே காணப்பட்ட இந்த தேள், தெற்கு ஆசியாவில் உள்ள பாகிஸ்தான், வங்கதேசம், நேபாளம் ஆகிய நாடுகளிலும் காணப்படுகிறது. இந்த தேள் ஒருவரைக் கடித்தால், அவர் 72 மணிநேரத்தில் இறந்துவிடுவார்.

நீல வளைய ஆக்டோபஸ் (Blue Ring Octopus)

ஆக்டோபஸ் பற்றி நாம் அனைவருமே அறிவோம். இதில் சுமார் 300-க்கும் மேற்பட்ட இனங்கள் உள்ளன. அவற்றில் நீல வளையம் கொண்ட ஆக்டோபஸ் மிகவும் ஆபத்தானது. இதன் விஷம் ஒருவரை 30 நொடிகளில் கொல்லும் என்று கூறப்படுகிறது. இந்த ஆக்டோபஸ் இந்திய பெருங்கடல் மற்றும் ஆஸ்திரேலியாவின் கடல்களில் காணப்படுகிறது.

கூம்பு நத்தை (Cone snail)

கூம்பு நத்தை மிகவும் ஆபத்தானது. இது ஒருவரை நொடியில் முடக்கிவிடும் அளவுக்கு ஆபத்தானது. உலகில் சுமார் 600-க்கும் அதிகமான நத்தைகள் உள்ளன. ஆனால் அவற்றில் கூம்பு நத்தை மிகவும் கொடிய விஷத்தைக் கொண்டது.

ஸ்டோன்ஃபிஷ் (Stonefish)

கூம்பு நத்தை போன்றே ஸ்டோன்ஃபிஷ் மற்றொரு கொடிய விலங்கு. இது கடலில் சேற்று அல்லது பாறைகளின் அடிப்பகுதியில் தங்கியிருக்கும். இந்த ஸ்டோன்ஃபிஷ்ஷின் விஷம் நம்பமுடியாத அளவிற்கு வேதனையை தரக்கூடியது மற்றும் உயிருக்கு ஆபத்தானது. ஆனால் இந்த ஸ்டோன்ஃபிஷ் ஆசியாவின் சில பகுதிகளில் மிகவும் பாதுகாப்பான முறையில் சுத்தம் செய்யப்பட்டு, சமைத்து தரப்படுகிறது.

பஃபர் மீன்

பஃபர் மீன், அதன் சக்திவாய்ந்த விஷத்திற்கு பெயர் பெற்றது. ஜப்பான் மற்றும் தென் கொரியாவில் பஃபர் மீன் ஒரு சுவையான உணவாக விளங்குகிறது. இந்த உணவுகள் ஃபுகு மற்றும் போக்-உஹ் என்று அழைக்கப்படுகின்றன. இந்த மீனின் தோல் மற்றும் சில உறுப்புக்களில் மிகவும் கொடிய விஷம் உள்ளது. இந்த விஷம் உணர்வின்மையுடன், நாக்கு மற்றும் தசைகளின் செயல்பாட்டை இழக்கச் செய்து, மீளமுடியாத பக்கவாதத்திற்கு வழிவகுக்கும்.