கன்னி செல்லும் புதனால் ஆகஸ்ட் 21 முதல் இந்த 5 ராசிகளுக்கு அதிர்ஷ்ட காலம் ஆரம்பிக்குது...

ரிஷபம்

ரிஷப ராசிக்காரர்களுக்கு இந்த புதன் பெயர்ச்சி காலம் சாதகமாக இருக்கும். இதுவரை சந்தித்து வந்த பிரச்சனைகள் இக்காலத்தில் முடிவுக்கு வரும். புதிய வேலை கிடைப்பதற்கான வலுவான வாய்ப்புள்ளது. காதல் வாழ்க்கையில் இனிமையான மாற்றங்கள் ஏற்படும். நல்ல புத்திசாலித்தனமாக நடந்து கொள்வீர்கள். விவாதத்தில் வெற்றி பெறுவீர்கள். ஆனால் உண்ணும் உணவுகளில் கவனமாக இருங்கள். இல்லாவிட்டால் பிரச்சனையை சந்திப்பீர்கள்.

மிதுனம்

மிதுன ராசிக்காரர்கள் புதன் பெயர்ச்சியால் கணிசமான லாபத்தைப் பெறுவார்கள். அனைத்து வேலைகளும் அதிர்ஷ்டத்தினால் வெற்றிகரமாக நடக்கும். குடும்பத்தினருடன் அற்புதமாக நேரத்தை செலவிடுவீர்கள். வியாபாரிகள் நல்ல லாபத்தைப் பெறுவார்கள். நிதி நிலை சிறப்பாக இருக்கும். புதிய தொழிவ் தொடங்க இது நல்ல காலம். பணிபுரிபவர்களுக்கு நல்ல வெற்றி கிடைக்கும்.

சிம்மம்

சிம்ம ராசியின் இரண்டாவது வீட்டிற்கு புதன் செல்கிறார். இதனால் நல்ல நிதி ஆதாயம் கிடைக்கும். நேர்மையுடன் எதையும் சாதிப்பீர்கள். உங்களின் மரியாதை அதிகரிக்கும். இக்காலத்தில் விரும்பிய பலன்கள் கிடைக்கும். அரசியலில் ஈடுபடுபவர்கள் ஆதாயம் அடைவார்கள். பரம்பரையாக செய்யும் வியாபாரத்தில் அதிக லாபம் கிடைக்கும். பெரியோர் வழங்கும் சரியான அறிவுரைகளை பின்பற்றுவது வாழ்க்கையில் பெரிய மாற்றத்தை ஏற்படுத்தும்.

கன்னி

கன்னி ராசியின் முதல் வீட்டிற்கு புதன் செல்கிறார். இதனால் பல வழிகளில் கன்னி ராசிக்காரர்களுக்கு நன்மைகள் கிடைக்கும். நம்பிக்கை அதிகரிக்கும் இதன் காரணமாக தொழிலில் புதிய உயரங்களை தொடுவீர்கள். சொந்த ராசிக்கு புதன் செல்வதால், கன்னி ராசிக்காரர்கள் அதிகபட்ச நன்மைகளைப் பெறுவார்கள். தேர்வு, இன்டர்வியூ ஆகியவற்றில் சாதகமான முடிவுகள் கிடைக்கும். திருமண வாழ்க்கையில் நன்மைகள் உண்டாகும். வாழ்க்கைத் துணையின் முழு ஆதரவும் இக்காலத்தில் கிடைக்கும்.

விருச்சிகம்

விருச்சிக ராசிக்காரர்கள் இந்த புதன் பெயர்ச்சியால் வாழ்வில் பல நன்மைகளைப் பெறுவார்கள். குடும்பத்தினரின் முழு ஆதரவும் இக்காலத்தில் கிடைக்கும். தொழிலிலும் எதிர்பாராத மாற்றங்கள் ஏற்படும். பணியிடத்தில் சம்பள உயர்வு, பதவி உயர்வு கிடைக்கும் வாய்ப்புள்ளது. வியாபாரத்தில் புதிய யோசனைகளால் வெற்றி பெறுவீர்கள். வாழ்க்கைத் துணையுடனான நெருக்கம் அதிகரிக்கும்.