துலாம் ராசியில் புதன் இருப்பதால் நவம்பர் 13 வரை இந்த 4 ராசிக்காரங்க நிறைய பிரச்சனையை சந்திப்பாங்களாம்..

மேஷம்

புதன் துலாம் ராசியின் லக்ன வீட்டிற்கு சென்றுள்ளதால், மேஷ ராசிக்காரர்களின் நிதி நிலைமை சற்று மோசமாக இருக்கும். இக்காலத்தில் உங்களின் செலவுகள் அதிகரிக்கும். இக்காலகட்டத்தில் சரும பிரச்சனைகளால் அவதிப்பட நேரிடும். எனவே ஆரோக்கியத்தில் கவனத்தை செலுத்துங்கள். உங்களுக்கு விபத்து ஏற்பட வாய்ப்புள்ளதால், வாகனம் ஓட்டும் போது கவனமாக இருங்கள். இந்த காலத்தில் உங்கள் எதிரிகள் பலமாக இருப்பார்கள். எனவே நவம்பர் 13 வரை சற்று கவனமாகவே இருங்கள்.

விருச்சிகம்

விருச்சிக ராசியின் 12 ஆவது வீட்டில் புதன் இருப்பதால், விருச்சிக ராசிக்காரர்கள் நிதி விஷயத்தில் கவனமாக இருக்க வேண்டும். இக்காலத்தில் உங்கள் செலவுகள் அதிகரிக்கலாம். ஆனால் உங்கள் செலவுகளை கட்டுப்படுத்தாவிட்டால், பண பிரச்சனையை சந்திக்க நேரிடும். முக்கியமாக இக்கால கட்டத்தில் எந்த பண பரிவர்த்தனைகளையும் செய்யாதீர்கள்.

கும்பம்

கும்ப ராசியின் 9 ஆவது வீட்டில் புதன் இருப்பதால், இந்த ராசிக்காரர்கள் தங்கள் வேலைகளை முடிக்க வழக்கத்தை விட அதிகமாக உழைக்க வேண்டியிருக்கும். ஆனால் கடினமாக உழைத்தாலும், கடின உழைப்பிற்கான பலன் கிடைக்காமல் போகலாம். மேலும் இக்காலத்தில் செலவுகள் அதிகமாக இருக்கும். அதிக செலவுகளால் சில பிரச்சனைகள் வரலாம்.

மீனம்

மீன ராசியின் 8 ஆவது வீட்டில் புதன் இருப்பதால், இந்த ராசிக்காரர்கள் தங்கள் ஆரோக்கியத்தில் சற்று எச்சரிக்கையுடன் இருக்க வேண்டும். சிலர் கண் தொடர்பான பிரச்சனைகளை சந்திக்கலாம். மேலும் உங்கள் தாயின் ஆரோக்கியத்திலும் கவனம் செலுத்துங்கள். ஏனெனில் அதனாலும் நீங்கள் பிரச்சனைகளை சந்திக்க வாய்ப்புள்ளது.

புதனால் சந்திக்கும் பிரச்சனைகளை குறைக்கும் பரிகாரங்கள்

* புதன்கிழமைகளில் ஏழை மாணவர்களுக்கு பேனா, பென்சில், புத்தகம், நோட் ஆகிய பொருட்களை தானம் செய்யலாம்.

* பசுவிற்கு சாப்பிட புல் கொடுக்கலாம்.

* விநாயகரை வழிபடலாம்.

* உங்கள் பாக்கெட் அல்லது பர்ஸில் பச்சை நிற துணியை வைத்துக் கொள்ளவும்.

* நான்கு முக ருத்ராட்சம் அணிவது அதிர்ஷ்டத்தைத் தரும்.

* மரகத ரத்தினக்கல் அணிவது நல்லது.

* வேலையில் வெற்றி பெற பணியிடத்தில் புதன் யந்திரத்தை வைத்திருங்கள்.