சிம்மத்தில் இருக்கும் புதனால் ஆகஸ்ட் 21 வரை பிரச்சனைகளை சந்திக்கப் போகும் ராசிக்காரர்கள் யார்யார் தெரியுமா?

மேஷம்

மேஷ ராசியின் 5 ஆவது வீட்டிற்கு புதன் சென்றிருப்பதால், வேலை மற்றும் பண விஷயங்களில் சற்று பிரச்சனைகளை சந்திப்பீர்கள். குடும்ப உறுப்பினர்களின் மீதான உங்களின் நம்பிக்கை அதிகரிக்கும். உங்கள் முயற்சிகள் பாராட்டப்படும். பிள்ளைகளால் மகிழ்ச்சியான செய்திகளைப் பெறுவீர்கள். ஆனால் இக்காலத்தில் உங்களின் செலவுகளைக் கட்டுப்பாட்டில் வைத்திருக்க வேண்டும். இல்லாவிட்டால் பிரச்சனையை சந்திப்பீர்கள்.

கடகம்

கடக ராசியில் இருந்து சிம்மத்திற்கு புதன் சென்றிருப்பதால், அதிக செலவுகளை சந்திக்க வேண்டியிருக்கும். குடும்பத்தினருக்காக அதிக செலவுகளை செய்ய வேண்டியிருக்கும். வியாபாரிகள் கடினமாக உழைக்க வேண்டியிருக்கும். வெற்றி கிடைக்காமல் ஏமாற்றமடைய வாய்ப்புள்ளது. ஆரோக்கியத்தைப் பொறுத்தவரை சற்று மோசமாக இருக்கும்.

கன்னி

புதன் கன்னி ராசியின் அதிபதியாக இருந்தாலும், 12 ஆவது வீட்டில் இருப்பதால், நிறைய பெரிய செலவுகளை செய்ய வேண்டியிருக்கும். மாணவர்கள் தோல்வியை சந்திப்பார்கள். திருமண வாழ்க்கையில் சண்டைகள் மற்றும் பிரச்சனைகள் ஏற்பட வாய்ப்புள்ளது. காதல் வாழ்க்கை பாதிக்கப்படும்.

மகரம்

மகர ராசிக்காரர்களுக்கு இந்த புதன் பெயர்ச்சி காலம் சாதகமற்றதாக இருக்கும். வாழ்வின் அனைத்து விஷயங்களிலும் சிரமங்களை சந்திக்க நேரிடும். வியாபாரத்தில் கடினமான சூழ்நிலைகளை சந்திப்பீர்கள். மாணவர்கள் படிப்பைத் தொடர சிரமப்பட வேண்டியிருக்கும். ஆராய்ச்சியில் ஈடுபடுபவர்களுக்கு கடின உழைப்பு எவ்வித நல்ல பலனையும் அளிக்காது.

மீனம்

மீன ராசியின் 6 ஆவது வீட்டில் புதன் இருப்பதால், எல்லா விஷயங்களிலும் மிகவும் கவனமாக இருக்க வேண்டும். தொழிலில் பல சவால்களை சந்திக்க நேரிடும். தனிப்பட்ட வாழ்க்கையில் ஏற்றத்தாழ்வு அதிகரிக்கும். வேலைக்கும் குடும்பத்திற்கும் இடையே சமநிலையைப் பராமரிப்பது கடினமாக இருக்கும். வேலையில் மன அழுத்தம் ஏற்படலாம் மற்றும் உங்கள் கோபமும் அதிகரிக்கும். இக்காலத்தில் சர்ச்சைகளில் இருந்து விலகி வேலையில் மட்டும் கவனம் செலுத்துவது நல்லது.