புதன் வக்ரமாவதால் அக்டோபர் 2 வரை இந்த 5 ராசிக்காரங்க நிறைய பிரச்சனைகளை சந்திப்பாங்களாம்... கவனமா இருங்க..

மேஷம்

மேஷ ராசியின் 6 ஆவது வீட்டில் புதன் வக்ர நிலையில் இருப்பதால், ஆரோக்கியம் மற்றும் நிதி நிலை பாதிக்கப்படும். இக்காலத்தில் எதிரிகள் உங்களின் வேலையில் நிறைய இடையூறுகளை ஏற்படுத்துவார்கள். உயர் அதிகாரிகள் உங்களிடம் நன்றாக நடந்து கொள்ளமாட்டார்கள். யாரையும் இக்காலத்தில் கண்மூடித்தனமாக நம்பாதீர்கள். வேலையை மாற்ற நீண்ட நாட்களாக நினைத்துக் கொண்டிருந்தவர்களுக்கு இக்காலத்தில் நல்ல வேலை வாய்ப்பு கிடைக்கும். தேவையற்ற செலவுகளும் ஏற்படலாம். இதனால் பண பிரச்சனைகளை சந்திக்க வாய்ப்புள்ளது.

சிம்மம்

சிம்ம ராசியின் 2 ஆவது வீட்டில் புதன் வக்ரமாவதால், அனைத்து விஷயங்களிலும் கலவையான முடிவுகளைப் பெறுவீர்கள். அதிக செலவுகளால் நிதி நெருக்கடியை சந்திப்பீர்கள். குடும்ப வாழ்க்கையிலும் இடையூறுகள் ஏற்படும். குடும்ப உறுப்பினர்களிடையே கருத்து வேறுபாடுகள் அதிகரிக்கும். யாரிடமும் கடன் வாங்காரீர்கள். பணத்தை சிக்கனமாக செலவு செய்யுங்கள். தேவையற்ற செலவுகளைத் தவிர்த்திடுங்கள். பணத்தை முதலீடு செய்ய நினைத்தால், இக்காலத்தில் நன்கு யோசித்து முடிவெடுங்கள். பணியிடத்தில் அனைவரையும் மரியாதையுடன் நடத்துங்கள்.

துலாம்

துலாம் ராசியின் 12 ஆவது வீட்டில் புதன் வக்ரமாவதால், வாழ்க்கையில் மிகவும் எதிர்மறையான விளைவுகளை சந்திக்க நேரிடும். அதிக கோபத்தால் மற்றவர்களை காயப்படுத்துவீர்கள். குடும்ப உறுப்பினர்கள் நோய்வாய்ப்படலாம். எந்த வேலையை செய்வதற்கு முன்பும் வீட்டு பெரியோர்களின் கருத்தைக் கேட்டுக் கொள்ளுங்கள். சிலருக்கு இக்காலத்தில் தந்தையுடன் வாக்குவாதம் ஏற்படலாம். நிதியைப் பொறுத்தவரை, பணம் செலவழிக்கும் போது மிகவும் கவனமாக இருக்க அறிவுறுத்தப்படுகிறது.

விருச்சிகம்

விருச்சிக ராசியின் 11 ஆவது வீட்டில் புதன் வக்ரமாவதால், செலவுகள் அதிகரிக்கும் மற்றும் உடன் பிறந்தவர்களுடன் கருத்து வேறுபாடுகள் ஏற்படலாம். இக்காலத்தில் எங்கும் பணத்தை முதலீடு செய்வதைத் தவிர்த்திடுங்கள் மற்றும் எந்த புதிய பொருட்களையும் வாங்காதீர்கள். ஆரோக்கியத்தைப் பொறுத்தவரை, சோம்பலைத் தவிர்த்து சுறுசுறுப்பாக இருக்க முயற்சி செய்யுங்கள்.

கும்பம்

கும்ப ராசியின் 8 ஆவது வீட்டில் புதன் வக்ரமாவதால், நிதி நிலைமை, குழந்தைகளுடனான உறவு மற்றும் வேலை மோசமாக பாதிக்கப்படும். பலருக்கு தங்கள் மீதான நம்பிக்கை குறையும். நிதி நிலைமை பலவீனமாக இருக்கும். பங்குச்சந்தையுடன் தொடர்புடையவர்கள் பெரிய நஷ்டத்தை சந்திக்க நேரிடும். இக்காலத்தில் கடன் வாங்குவதைத் தவிர்த்திடுங்கள். காதலைப் பொறுத்தவரை மோசமாக இருக்கும். ஆனால் வெளிநாட்டில் படிக்க விரும்புபவர்களுக்கு இக்காலத்தில் நல்ல வாய்ப்புகள் கிடைக்கும்.