புதன் வக்ர பெயர்ச்சியால் இந்த 3 ராசிக்காரங்க நிறைய பண பிரச்சனையை சந்திக்கப் போறாங்க.. உஷார்...

மிதுனம்

மிதுன ராசியின் 12 ஆவது வீட்டில் புதன் வக்ர நிலையில் பயணிக்கிறார். இந்த வீடு செலவு மற்றும் நஷ்டத்தின் வீடு. எனவே இந்த புதன் வக்ர பெயர்ச்சி காலத்தில் மிதுன ராசிக்காரர்கள் கவனமாக இருக்க வேண்டும். வியாபாரிகள் பண பரிவர்த்தனைகளில் கவனமாக இருக்க வேண்டும். ஆரோக்கியத்தைப் பொறுத்தவரை, ஏற்றத்தாழ்வுகள் நிறைந்திருக்கும். இக்காலத்தில் உங்கள் செலவுகள் அதிகரிக்கலாம். இது உங்களின் மாத பட்ஜெட்டை கெடுக்கும். அதே வேளையில் யாருக்கும் கடன் கொடுத்துவிடாதீர்கள். இல்லாவிட்டால் நீங்கள் அப்பணத்தை திரும்ப பெற முடியாமல் போகும்.

கன்னி

கன்னி ராசிக்காரர்களுக்கு இந்த புதன் வக்ர பெயர்ச்சி வலி நிறைந்ததாக இருக்கும். இந்த கால கட்டத்தில் வெற்றி பெறுவதற்கு எதிலும கடினமாக முயற்சி செய்ய வேண்டியிருக்கும். இக்காலத்தில் அதிர்ஷ்டத்தால் எதையும் பெற முடியாது. போட்டித் தேர்வுகளுக்கு தயாராகும் மாணவர்கள் பெரும் வெற்றி பெற வாய்ப்புள்ளது.

தனுசு

தனுசு ராசிக்காரர்களுக்கும் இந்த புதன் வக்ர பெயர்ச்சி காலம் சற்று தீங்கு விளைவிப்பதாக இருக்கும். புதன் 6 ஆவது வீட்டில் வக்ர பெயர்ச்சியாகிறார். இந்த வீடு எதிரி மற்றும் நோய்களின் வீடு. எனவே இக்காலத்தில் உங்கள் எதிரிகள் மிகவும் சுறுசுறுப்பாக இருப்பார்கள். குடும்பத்தில் மனக்கசப்புகள் அதிகரிக்கும். இக்காலத்தில் சில பழைய நோய்கள் மீண்டும் தோன்றி, பாடாய் படுத்தக்கூடும்.