புதன் வக்ர நிவர்த்தி அடைவதால் அக்டோபர் 02 முதல் இந்த 3 ராசிகளுக்கு அதிர்ஷ்ட காலம் ஆரம்பிக்குது...

கன்னி ராசியில் புதன் அக்டோபர் 02 ஆம் தேதி வக்ர நிவர்த்தியாகிறார். இப்படி கன்னி வக்ர நிவர்த்தியாவதால் அதன் தாக்கம் அனைத்து ராசிகளிலும் காணப்பட்டாலும், சில ராசிக்காரர்களுக்கு அதிக நற்பலன்கள் கிடைக்கும்.

Published: Wednesday, September 28, 2022, 14:50 [IST]

ஜோதிடத்தில், ஒரு கிரகம் ஒரு ராசியில் இருந்து மற்றொரு ராசிக்கு செல்லும் போது, அது அனைத்து ராசிகளிலும் பாதிப்பை ஏற்படுத்தும். அந்த வகையில் நவகிரகங்களில் புத்திகாரகன், இளவரசன் புதன். இந்த புதன் கன்னி ராசியில் வக்ர நிலையில் பயணித்து வருகிறார். பொதுவாக கிரகங்கள் வக்ர நிலையில் இருக்கும் போது, அதன் நற்பலன்கள் தாமதமாவதோடு, கெடுபலன்களை அதிகம் பெற நேரிடும்.

Mercury Direct In Virgo On 02 October 2022: These Zodiac Signs Will Get Benefits In Tamil

இந்நிலையில் கன்னி ராசியில் புதன் அக்டோபர் 02 ஆம் தேதி வக்ர நிவர்த்தியாகிறார். இப்படி கன்னி வக்ர நிவர்த்தியாவதால் அதன் தாக்கம் அனைத்து ராசிகளிலும் காணப்பட்டாலும், சில ராசிக்காரர்களுக்கு அதிக நற்பலன்கள் கிடைக்கும். இப்போது அந்த ராசிக்காரர்கள் யார்யார் என்பதைக் காண்போம்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

சிம்மம்

சிம்ம ராசியின் 2 ஆவது வீட்டில் புதன் வக்ர நிவர்த்தியடைவதால், திடீர் லாபம் கிடைக்கும். சிக்கிய பணத்தைத் திரும்பப் பெறுவதற்கான வாய்ப்புள்ளது. வணிகத்தில் புதிய மற்றும் பெரிய ஒப்பந்தம் கிடைக்கும். கூட்டு தொழில் தொடங்க இது சிறந்த காலம். பேச்சு தொடர்பான வேலை மற்றும் மார்கெட்டிங் துறையில் இருப்பவர்களுக்கு இக்காலம் மிகவும் நல்ல காலம் என்பதை நிரூபிக்கும். சூரியனுக்கும் புதனுக்கும் நட்புறவு உள்ளதால், இந்த வக்ர நிவர்த்தி சிம்ம ராசிக்காரர்களுக்கு அதிர்ஷ்டத்தை அதிகரிக்கும் காலமாக இருக்கும்.

விருச்சிகம்

விருச்சிக ராசியின் 11 ஆவது வீட்டில் புதன் வக்ர நிவர்த்தியடைகிறார். இது வருமானம் மற்றும் லாபத்தின் வீடு. எனவே இக்காலத்தில் வருமானத்தில் அதிகரிப்பைக் காணலாம். வாழ்க்கைத் துணையுடனான உறவில் இனிமை அதிகரிக்கும். குடும்ப சூழ்நிலை நன்றாக இருக்கும். வீட்டில் சுப நிகழ்ச்சி நடைபெறும். புதிய வருமான ஆதாரங்கள் கிடைக்கும். அதிர்ஷ்டத்தின் முழு ஆதரவைப் பெறுவீர்கள். நிலுவையில் உள்ள பணிகள் இக்காலத்தில் வெற்றிகரமாக முடிக்கப்படும். பங்குச் சந்தையில் நல்ல லாபம் கிடைக்கும். உங்கள் வணிகம் புதன் மற்றும் செவ்வாய் தொடர்புடையதாக இருந்தால், நீங்கள் நல்ல லாபத்தைப் பெறுவீர்கள்.

தனுசு

தனுசு ராசியின் 10 ஆவது வீட்டில் புதன் வக்ர நிவர்த்தி அடைகிறார். இதனால் இக்காலத்தில் புதிய வேலை வாய்ப்புக்கள் கிடைக்கும். பணிபுரிபவர்கள், பதவி உயர்வு மற்றும் சம்பள உயர்வைப் பெறுவார்கள். வியாபாரம் விரிவடையும் வாய்ப்புள்ளது. வணிகர்களுக்கு இது மிகவும் பயனுள்ளதாக இருக்கும். பணியிடத்தில் உங்களுக்கு நிர்ணயிக்கப்பட்ட இலக்கை அடைவீர்கள். இதனால் நல்ல பாராட்டையும் பெறுவீர்கள். மேலும் உயர் அதிகாரிகள் மற்றும் சக ஊழியர்களின் ஆதரவும் கிடைக்கும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்