ரிஷப ராசியில் செவ்வாய் இருப்பதால் அக்டோபர் 16 வரை இந்த 4 ராசிக்காரங்க உஷாரா இருக்கணும்..

மேஷம்

மேஷ ராசியின் 2 ஆவது வீட்டிற்கு செவ்வாய் சென்றிருப்பதால், இக்காலத்தில் மேஷ ராசிக்காரர்களுக்கு எதிர்பார்த்த பலன் கிடைக்காது. வழக்கத்தை விட அதிக கோபம் வரும். இதன் விளைவாக சிலருடன் சண்டைகள் வரலாம். தனிப்பட்ட வாழ்க்கையிலும் பிரச்சனைகளை சந்திப்பார்கள். பணம் தொடர்பான பிரச்சனைகளை சந்திக்க வாய்ப்புள்ளது. முக்கியமாக வாழ்க்கைத் துணையுடன் அடிக்கடி வாக்குவாதங்கள் ஏற்படும்.

மிதுனம்

மிதுன ராசியின் 12 ஆவது வீட்டிற்கு செவ்வாய் சென்றிருப்பதால், இப்பெயர்ச்சி காலம் இந்த ராசிக்காரர்களுக்கு மிகவும் சாதகமாக இருக்காது. இந்த காலகட்டத்தில் அதிக பணம் செலவு செய்ய வேண்டியிருக்கும். ஆரோக்கியத்திலும் சில பிரச்சனைகளை சந்திக்க நேரிடும். சிலருக்கு இரத்தம் தொடர்பான பிரச்சனைகள் ஏற்பட வாய்ப்புள்ளது. திருமண வாழ்க்கையில் வாழ்க்கைத் துணையுடன் சில தகராறு ஏற்படலாம்.

துலாம்

துலாம் ராசியின் 8 ஆவது வீட்டிற்கு செவ்வாய் சென்றிருப்பதால், இக்காலம் இந்த ராசிக்காரர்களுக்கு சற்று சவால் நிறைந்ததாக இருக்கும். இந்த காலகட்டத்தில் நீங்கள் எதிர்பாராத விஷயம் ஒன்று நடந்து, அது மன உளைச்சலை ஏற்படுத்தும். தனிப்பட்ட வாழ்க்கையில் அதிக கவனம் செலுத்த வேண்டும். இக்காலத்தில் உங்கள் பேச்சிலும், மொழியிலும் நிதானத்தை கடைப்பிடிக்க அறிவுறுத்தப்படுகிறது. ஏனெனில் உங்களின் பேச்சு மற்றவர்களை காயப்படுத்தலாம்.

மீனம்

மீன ராசியின் 3 ஆவது வீட்டிற்கு செவ்வாய் சென்றிருப்பதால், இக்காலத்தில் மீன ராசிக்காரர்கள் கவனமாக இருக்க வேண்டும். உங்கள் செலவுகளைக் கட்டுப்படுத்த வேண்டும். இல்லாவிட்டால், அது உங்கள் நிதி நிலையை மோசமாக பாதித்துவிடும். இக்காலத்தில் உங்கள் உடன்பிறப்புகளுடனான உறவு மோசமடையும். பேசும் போது கொஞ்சம் கவனமாகவும் நிதானமாகவும் இருங்கள். உங்கள் தந்தையுடனான உறவு மோசமடைவதற்கான வலுவான வாய்ப்புள்ளது. பணியிடத்தில் கூட உடன் பணிபுரிபவர்களின் முழு ஆதரவு கிடைக்காது.