மேஷம் செல்லும் செவ்வாயால் இந்த 4 ராசிக்காரர்களுக்கு அதிர்ஷ்டமானதா இருக்கப் போகுது...

மேஷம்

மேஷ ராசியின் அதிபதியான செவ்வாய் இப்பெயர்ச்சியால் முதல் வீட்டிற்கு செல்கிறார். இதனால் பணியிடத்தில் மிகவும் ஆற்றலுடன் செயல்படுவீர்கள். இக்காலத்தில் நேர்மறை ஆற்றலுடன் நிறைந்திருப்பீர்கள். கூட்டு தொழில் செய்பவர்களுக்கு இக்காலம் மிகவும் நல்ல பலன்களைத் தரும். பணிடத்தில் வெற்றி பெற்று அனைவராலும் பாராட்டப்படுவீர்கள். பலருக்கு பதவி உயர்வு கிடைக்கும் வாய்ப்புள்ளது. ஆனால் இதற்கு சற்று கடினமாக உழைக்க வேண்டும்.

மிதுனம்

மிதுன ராசியின் 11 ஆவது வீட்டிற்கு செவ்வாய் செல்கிறார். இதனால் இப்பெயர்ச்சியால் இந்த ராசிக்காரர்களின் வருமானத்தில் கணிசமான அதிகரிப்பைக் காணலாம். மேலும் இக்காலத்தில் ஒருவித நல்ல லாபமும் கிடைக்கும். உங்களின் பணம் எங்கேனும் சிக்கியிருந்தால், இக்காலத்தில் திரும்பப் பெறுவீர்கள். அதே வேளையில் பணியிடத்தில் எடுக்கும் அனைத்து முயற்சிகளிலும் வெற்றி கிடைக்கும். இது உங்களின் தொழில் வளர்ச்சிக்கும், மேம்பாட்டிற்கும் வழிவகுக்கும்.

கடகம்

கடக ராசியின் 10 ஆவது வீட்டிற்கு செவ்வாய் செல்கிறார். செவ்வாய் பத்தாம் வீட்டில் இருப்பது மகத்தான வெற்றியைத் தரும். அதுவும் இந்த ராசிக்காரர்களுக்கு சம்பள உயர்வைத் தருவதோடு, பதவி உயர்வுக்கான வாய்ப்புக்களையும் அதிகரிக்கும். பணியிடத்தில் உங்களின் பெரிய முக்கியமான வேலைகள் உடன்பணிபுரிபவரகளின் உதவியுடன் முடிப்பீர்கள். உங்களின் கடின உழைப்பு உயர் அதிகாரிகளால் பெரிதும் பாராட்டப்படும். காதலிப்பவர்கள் இக்காலத்தில் தங்கள் உறவை மேலும் வலுப்படுத்துவார்கள்.

சிம்மம்

சிம்ம ராசியின் 9 ஆவது வீட்டிற்கு செவ்வாய் செல்கிறார். இதனால் பொருளாதார நிலை வலுவாகும். பணிபுரிந்தாலும், வியாபாரம் செய்தாலும் மகத்தான வெற்றி கிடைக்கும். இது தவிர இக்காலத்தில் உங்கள் தந்தையின் முழு ஆதரவும் கிடைக்க வாய்ப்புள்ளது. சகோதர சகோதரிகளின் ஆதரவால் எந்த பிரச்சனையில் இருந்தும் விடுபடுவீர்கள். சொத்து வாங்க விரும்புவோருக்கு அல்லது முதலீடு செய்ய நினைப்போருக்கு இந்த நேரம் சிறப்பாக இருக்கும். வருமான உயர்வால் மகிழ்ச்சியடைவீர்கள். சிலர் இக்காலத்தில் நீண்ட தூர பயணம் மேற்கொள்ள வாய்ப்புள்ளது.