29 வருடங்களுக்கு பின் சூரியன்-சனி இணைவதால் இந்த ராசிக்காரங்க எச்சரிக்கையா இருக்கணும்.. உங்க ராசிக்கு எப்படி?

மேஷம்

சனி-சூரியன் சேர்க்கையால் மேஷ ராசிக்காரர்கள் தங்களின் கடின உழைப்புக்கு அங்கீகாரம் கிடைக்க வேண்டுமென்ற எண்ணத்துடன் இருக்கலாம். ஆனால் இது எளிதானது அல்ல. மேலும் இது உங்கள் உயர் அதிகாரிகளுடன் மோதலுக்கு வழிவகுக்கும். திருமணமானவர்கள், தங்கள் மாமியாருடன் பிரச்சனைகளை சந்திக்க நேரிடும். சிலர் தங்களின் தொழில் வாழ்க்கையில் சில குழப்பத்தை சந்திக்க நேரிடும்.

ரிஷபம்

ரிஷப ராசிக்காரர்கள் இக்கால கட்டத்தில் வாழ்வில் வெற்றியைப் பெறுவதற்கு கீழ்படிதலுடனும், ஒழுக்கத்துடனும் இருக்க வேண்டும். சிலர் நீண்ட தூர பயணத்தை மேற்கொள்ளலாம். சிலருக்கு வெளிநாட்டில் குடியேறுவதற்கான வாய்ப்புக்களும் உள்ளன. தந்தையுடனான உறவுகள் மோசமடையலாம். மேலும் தந்தையின் ஆரோக்கியம் பாதிக்கப்படலாம் என்பதால் அவரை கவனித்துக் கொள்ளுங்கள்.

மிதுனம்

மிதுன ராசிக்காரர்களே! இக்காலத்தில் கூட்டுத்தொழிலில் இருப்பவர்களுக்கு திடீர் வெற்றி கிடைக்கும். ஏற்கனவே ஆரோக்கிய பிரச்சனைகளைக் கொண்டவர்கள் இக்காலத்தில் எச்சரிக்கையாக இருக்க வேண்டும். காயங்கள் ஏற்படாமல் பார்த்துக் கொள்ளுங்கள். சிலருக்கு பரம்பரை தொடர்பான விஷயங்களில் ஆதாயம் கிடைக்கலாம்.

கடகம்

கடக ராசிக்காரர்களே, நீங்கள் காதலிப்பவரானால் இக்காலத்தில் உங்கள் துணையுடன் ஈகோ மோதல் ஏற்படலாம். உங்கள் வாழ்க்கைத் துணையின் உடல்நில பாதிக்கப்படலாம். ஒப்பந்த சிக்கல்கள் காரணமாக வணிக கூட்டாண்மை பாதிக்கப்படலாம். மொத்தத்தில் இக்காலத்தில் உங்கள் தனிப்பட்ட மற்றும் தொழில் வாழ்க்கையில் நீங்கள் பொறுப்புடன் செயல்பட வேண்டும்.

சிம்மம்

சிம்ம ராசிக்காரர்களே, உங்களின் தொழில் வாய்ப்புகள் பிரகாசிக்கும் மற்றும் பணியிடத்தில் கூடுதல் பொறுப்புகளுடன் புதிய பதவி உயர்வையும் பெறலாம். இக்காலத்தில் ஒருசில உடல்நல பிரச்சனைகளால் பாதிக்கப்படுவீர்கள். ஆனால் அதிலிருந்து விரைவில் குணமடைவீர்கள். ஆரோக்கியமாக இருக்க, தினமும் உடற்பயிற்சிகளை செய்து வாருங்கள்.

கன்னி

கன்னி ராசிக்காரர்களே! இக்காலத்தில் புதிய விஷயங்களை ஆராயும் எண்ணம் எழும். பங்கு சந்தையில் எந்த ஈடுபாட்டையும் தவிர்க்க வேண்டும். இல்லாவிட்டால் பெரிய இழப்புக்களை சந்திக்க நேரிடும். உங்க்ள குழந்தைகள் உடல்நல பிரச்சனைகளை சந்திக்கலாம். எனவே அவர்களை கவனித்துக் கொள்ளுங்கள். உறவில் இருப்பவர்கள் சில குழப்பங்களை சந்திக்க நேரிடும்.

துலாம்

துலாம் ராசிக்காரர்களே! உங்களின் தனிப்பட்ட வாழ்க்கையில் அதிருப்தியை உணர்வீர்கள். நிலம் தொடர்பான விஷயங்களில் முதலீடு செய்வதைத் தவிர்க்கவும். உங்கள் தாய் உடல்நலப் பிரச்சினைகளை எதிர்கொள்ள வாய்ப்புள்ளதால், அவரை கவனித்துக் கொள்ளுங்கள். உங்கள் தொழிலில் சில எதிர்பாராத மாற்றங்கள் ஏற்படலாம்.

விருச்சிகம்

விருச்சிக ராசிக்காரர்களே! இக்காலத்தில் உங்கள் தனிப்பட்ட வாழ்க்கை அல்லது தொழில் வாழ்க்கையில் சில தேவையற்ற பயணங்களை சந்திக்கலாம். ஆவணங்கள் அல்லது ஒப்பந்தங்களைப் படித்து கையொப்பமிடும்போது கூடுதல் கவனமாக இருங்கள். இளைய உடன்பிறந்தவர்களுடனான உறவுகள் பாதிக்கப்படலாம். எனவே இக்காலத்தில் எதையும் மறைத்து பேசாமல், வெளிப்படையாக பேசுங்கள்.

தனுசு

தனுசு ராசிக்காரர்கள் இக்காலத்தில் பொருள் சார்ந்த ஆதாயங்களைப் பெறுவார்கள். உங்கள் வங்கி கணக்கில் சில எதிர்பாராத பணம் வரலாம். ஆனால் ஆரோக்கியத்தில் கவனமாக இருக்க வேண்டும். கண் அல்லது தொண்டையில் தொற்று ஏற்படாமல் பார்த்துக் கொள்ளுங்கள். தனிப்பட்ட அல்லது தொழில் வாழ்க்கையில் தேவையற்ற வாக்குவாதங்களைத் தவிர்க்கவும். பேசும் போது உங்கள் வார்த்தைகளைக் கவனித்து பேசுங்கள்.

மகரம்

மகர ராசிக்காரர்களே, இக்காலத்தில் உங்கள் குணாதிசயங்களில் சில முரண்பாடுகள் இருக்கலாம். இது மனதில் குழப்பத்தை ஏற்படுத்துவதோடு, மற்றவர்கள் உங்களைப் புரிந்துகொள்வது கடினமாக இருக்கும். உங்கள் தனிப்பட்ட வாழ்க்கையில் தேவையற்ற அலைச்சல்கள் ஏற்படலாம் என்பதால் இக்காலத்தில் கொஞ்சம் கவனமாக இருங்கள்.

கும்பம்

கும்ப ராசிக்காரர்களே, உங்கள் மன அமைதி சீர்குலையும் மற்றும் இக்காலத்தில் உங்களால் சரியாக தூங்க முடியாது. சிலருக்கு தொழில் ரீதியாக வெளிநாடு செல்ல வாய்ப்புகள் கிடைக்கும். கண் சம்பந்தமான நோய்கள் வராமல் கவனமாக இருங்கள். இக்காலத்தில் மருத்துவமனைக்கு அடிக்கடி செல்லக்கூடும். மனதை அமைதியாக வைத்திருக்க முயலுங்கள்.

மீனம்

மீன ராசிக்காரர்களே, நீங்கள் நிதி ஆதாயங்களைப் பெறுவீர்கள். ஆனால் உங்கள் மூத்த சகோதரர்களுடன் கருத்து வேறுபாடுகள் ஏற்படலாம். இக்காலத்தில் யாரையும் கண்மூடித்தனமாக நம்பாதீர்கள். உங்கள் பிள்ளைகள் உயர்கல்வியைத் தேர்ந்தெடுத்துத் தேர்வுகளில் சிறப்பாகச் செயல்படுவார்கள். உங்களின் வருமானம் அதிகரிக்க வாய்ப்புள்ளது.