மீனத்தில் குரு வக்ர நிவர்த்தி அடைவதால் நவம்பர் 24 முதல் இந்த 5 ராசிக்கு ஜாக்பாட் அடிக்கப் போகுது...

ரிஷபம்

ரிஷப ராசியின் 11 ஆவது வீட்டில் குரு வக்ர நிவர்த்தி அடைகிறார். இதனால் பணிபுரிபவர்கள் பணியிடத்தில் சாதகமான பலன்களைப் பெறுவார்கள். குறிப்பாக உடன் பணிபுரிபவர்கள் மற்றும் உயர் அதிகாரிகளின் ஆதரவு கிடைக்கும். உடன்பிறந்தவர்களுடனான உறவு மேம்படும். தொழிலில் நல்ல முன்னேற்றம் ஏற்படும். தனிப்பட்ட வாழ்க்கையைப் பொறுத்தவரை, வாழ்க்கைத் துணையுடனான உறவு சிறப்பாக இருக்கும்.

கடகம்

கடக ராசியின் 9 ஆவது வீட்டில் குரு வக்ர நிவர்த்தி அடைகிறார். இதனால் இந்த ராசிக்காரர்கள் வாழ்வின் பல விஷயங்களில் நல்ல முடிவுகளைப் பெறுவார்கள். தொழிலில் முன்னேற்றம் ஏற்படும் மற்றும் நல்ல பண பலன்களும் கிடைக்கும். வெளிநாட்டில் வேலை செய்ய விரும்புவோருக்கு இக்காலம் சாதகமாக இருக்கும். தொழிலில் இக்காலத்தில் முதலீடு செய்தால், அதற்கு சாதகமான பலன் கிடைக்கும். கூட்டு வணிகம் செய்பவர்கள் தங்கள் கூட்டாளியின் முழு ஆதரவைப் பெறுவார்கள். குடும்ப உறுப்பினர்களுடனான உறவுகள் மேம்படும்.

கன்னி

கன்னி ராசியின் 7 ஆவது வீட்டில் குரு வக்ர நிவர்த்தி அடைகிறார். எனவே இக்காலத்தில் தொழில் மற்றும் சமூக வாழ்க்கையில் சாதகமான முடிவுகள் கிடைக்கும். வியாபாரத்தை விரிவுபடுத்த நினைத்தால், அதில் சாதகமான பலன்கள் கிடைக்கும். இக்காலத்தில் நிறைய பணத்தை சேமிக்க முடியும். புதிய முதலீடு செய்யும் வாய்ப்புக்களும் கிடைக்கும். தனிப்பட்ட வாழ்க்கையைப் பொறுத்தவரை, வாழ்க்கைத் துணையுடன் அதிக நேரம் செலவிட வாய்ப்புகள் கிடைக்கும். மொத்தத்தில் உறவுகள் மேம்படும்.

விருச்சிகம்

விருச்சிக ராசியின் 5 ஆவது வீட்டில் குரு வக்ர நிவர்த்தி அடைகிறார். எனவே இக்காலத்தில் வேலையில் முன்னேற்றத்திற்கான நிறைய வாய்ப்புக்களைப் பெறுவீர்கள். நண்பர்களின் ஆதரவு கிடைக்கும். தொழிலை மாற்ற நினைத்தால், இக்காலத்தில் பல வாய்ப்புகள் கிடைக்கும். வெளிநாடு செல்லும் வாய்ப்புகள் உருவாகும். நிதி நிலைமை சிறப்பாக இருக்கும். உங்கள் வாழ்க்கைத் துணையுடனான உறவு சிறப்பாக இருக்கும்.

கும்பம்

கும்ப ராசியின் 2 ஆவது வீட்டில் குரு வக்ர நிவர்த்தி அடைகிறார். இதனால் இக்காலத்தில் கடின உழைப்பிற்கான பலனைப் பெறுவீர்கள். உங்களின் விருப்பங்கள் அனைத்தும் நிறைவேறும். உங்களின் செயல்களில் வெற்றி கிடைக்கும். பணியிடத்தில் உங்கள் வேலை பாராட்டப்படும். முன்னேற்றத்திற்கான புதிய வாய்ப்புகள் கிடைக்கும். வெளிநாடு செல்ல நினைப்போருக்கு இக்காலத்தில் நற்பலன்கள் கிடைக்கும். கூட்டுத் தொழில் செய்பவர்களுக்கு இக்காலம் மிகச்சிறப்பாக இருக்கும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)