யாரும் மறக்க முடியாத வகையில் இந்திய அரசியலில் காலடி பதித்த பெண் தலைவர்கள்!

நிர்மலா சீதாராமன்

இந்தியாவின் தற்போதைய நிதி அமைச்சர் தான் நிர்மலா சீதராமன். இவர் இந்திய நாட்டின் பொருளாதாரத்தை மிகவும் சிறப்பாக கையாண்டு வருகிறார். இந்திய நாட்டின் இரண்டாவது பெண் நிதியமைச்சர் இவர் ஆவார். இதற்கு முன் இவர் பாஜக-வின் செய்தித் தொடர்பாளராக இருந்தார் மற்றும் இந்தியாவின் வர்த்தகம் மற்றும் தொழில்துறை மற்றும் நிதி மற்றும் கார்ப்பரேட் விவகாரங்களுக்கான இணை அமைச்சராகவும் பதவி வகித்துள்ளார். திருமதி இந்திரா காந்திக்குப் பிறகு இந்தியாவின் பாதுகாப்பு அமைச்சகத்திற்கு தலைமை தாங்கிய சுதந்திர இந்தியாவின் இரண்டாவது பெண் தலைவர் ஆவார்.

மம்தா பானர்ஜி

மேற்கு வங்க முதல்வரான மம்தா பானர்ஜி அரசியலில் உள்ள மிகச்சிறந்த பெண் தலைவர்களுள் ஒருவராவார். இவரைப் பார்த்தால் முதல்வர் என்றே கூற முடியாத அளவில் மிகவும் எளிமையாக இருப்பார். இவர் மேற்கு வங்க முதல்வராக எட்டு முறை தேர்ந்தெடுக்கப்பட்டுள்ளார். 15 வயதில் அரசியலில் நுழைந்த மம்தா பானர்ஜி, இன்று வரை அந்த மாநிலத்தின் நாயகியாக வலம் வந்து கொண்டிருக்கிறார்.

மாயாவதி

உத்திரபிரதேசத்தின் பெண் தலைவரான மாயாவதி, அந்த மாநிலத்தின் முதல்வராக நான்கு முறை இருந்துள்ளார். இவர் இந்தியாவின் தாழ்த்தப்பட்ட சாதியின் முதல் பெண் முதல்வர் ஆவார். 1989 ஆம் ஆண்டு நாடாளுமன்ற உறுப்பினராக மாயாவதி தேர்ந்தெடுக்கப்பட்டார். 1994-ல் உத்திரபிரதேசத்தில் இருந்து ராஜ்யசபாவுக்கு தேர்ந்தெடுக்கப்பட்டார். 1995 ஆம் ஆண்டில் உத்திரபிரதேசத்தின் முதல் இந்திய தலித் பெண்ணாக முதல்வராக பதவியேற்ற அவர், 2012 ஆம் ஆண்டு வரை 4 முறை முதல்வராக பதவி வகித்துள்ளார்.

ஸ்மிருதி இரானி

நடிகையாக இருந்த ஸ்மிருதி இரானி, தற்போது இந்திய அரசியலில் முக்கிய இடத்தைப் பிடித்துள்ளார். இவர் ஒரு சிறந்த அரசியல்வாதியாகவும், ஜவுளித் துறை அமைச்சராகவும், பெண்கள் மற்றும் குழந்தைகள் மேம்பாட்டுத் துறை அமைச்சராகவும், முன்னாள் மனிதவள மேம்பாட்டுத் துறை அமைச்சராகவும் வெற்றிகரமாகப் பணியாற்றியுள்ளார்.

ஜெ. ஜெயலலிதா

நடிகையாக இருந்து தமிழக முதல்வரானவர் தான் மறைந்த முன்னாள் முதல்வர் டாக்டர் ஜெ. ஜெயலலிதா அவர்கள். இவர் இந்தியாவின் மிகவும் பிரபலமான ஒரு பெண் அரசியல்வாதி ஆவார். அரசியலில் நுழையும் முன், தமிழ், கன்னடம், தெலுங்கு, இந்தி ஆகிய மொழிகளில் 300-க்கும் அதிகமான படங்களில் நடித்துள்ளார். 1982-ல் தனது அரசியல் வாழ்க்கையைத் தொடங்கினார். இவர் 1991 முதல் 1996 வரை தமிழகத்தின் முதல் தேர்ந்தெடுக்கப்பட்ட மற்றும் இளைய முதல்வராவார்.

சுஷ்மா சுவராஜ்

மறைந்த முன்னாள் வெளியுறவுத்துறை அமைச்சர் சுஷ்மா சுவராஜ் இந்தியாவின் மிகவும் பிரபலமான பெண் தலைவராவார். இவரது ஆட்சியில் இவர் பல முக்கிய முடிவுகளை எடுத்தார். அதற்காக உலகமே அவரை தலைவணங்கியது. இவர் தனது 27 வயதில் ஹரியானா ஜனதா கட்சியின் மாநிலத் தலைவராக இருந்தார். தேசிய அரசியல் கட்சியின் செய்தித் தொடர்பாளராக பதவியேற்ற முதல் பெண்மணி இவராவார். இது மட்டுமின்றி, பாஜகவின் முதல் பெண் முதல்வர், மத்திய அமைச்சர், பொதுச் செயலாளர், செய்தித் தொடர்பாளர், வெளியுறவு அமைச்சர் போன்ற பதவிகளையும் பெற்றார்.