குரு பெயர்ச்சி 2019 - 20: துலாம் லக்னகாரர்களுக்கு குரு லாபம் தரும் தைரிய குரு

லாபம் தரும் குருபகவான்

இரண்டு மடங்கு அறம் செய்து ஒரு மடங்கு இன்பத்தை அடைவீர்கள். மகிழ்ச்சிகரமான திருமண வாழ்க்கை அமையும் பாக்யங்கள் நிறைய கிடைக்கும். அப்பா வழி நன்மைகள் நடக்கும். ஒன்பதாம் வீட்டில் ஏற்கனவே ராகு இருக்கிறார். வீரிய காரகன் மீது குரு பார்வை விழுவது யோகம். ராகுவை குரு உற்சாகப்படுத்தி விடுவதால் நிறைய பாக்யங்கள் கிடைக்கும். குருவிற்கு பிடித்த வீடு சிம்மம் அந்த வீட்டினை குரு பார்வையிடுவதால் அரசு தொடர்பான லாபங்கள் கிடைக்கும். பெண்களுக்கு சுய தொழில் மூலம் லாபம் கிடைக்கும்.

திருமணம் நடக்கும்

குரு மூன்று ஆறு வீடுகளுக்கு அதிபதி. உங்க லக்னாதிபதிக்கு நன்மை செய்ய மாட்டார். குரு மறைவு ஸ்தானத்தில் அமர்ந்தாலும் அவரது பார்வை குரு பார்வை ஏழாம் வீடான களத்திர ஸ்தானத்தின் மீது விழுவதால் இதுநாள் வரை தடைபட்ட திருமணம் நடக்கும். மனதிற்கு பிடித்த வரன் அமையும், பாக்ய ஸ்தானம் பார்வை விழுகிறது. அப்பாவிற்கு நன்மை, குடும்பத்தில் சந்தோஷம். வெளிநாடு பயணம் அமையும். தெய்வ கடாட்சமும், அதிர்ஷ்டமும் கிடைக்கும்.

லாப ஸ்தானத்தின் மீது பார்வை

லாப ஸ்தானத்தின் மீது குரு பார்வை விழுவதால் நன்மைகள் நடக்கும். எடுத்த காரியங்கள் வெற்றிகரமாக முடியும். குருவின் தசை நன்றாக இருந்தால் இந்த குரு பெயர்ச்சியினால் நன்மைகள் அதிகம் நடக்கும். குருவினால் குடும்பத்திற்கு சுபிட்சங்கள் நடக்கும். இந்த கால கட்டத்தில் வீடு வாங்குவீர்கள். பொருளாதார வரவு அதி அற்புதமாக இருக்கும்.

ஆரோக்கியத்தில் அக்கறை

குரு உடன் கேது ஆண்டு முழுவதும் பயணிப்பதால் நல்லது நடக்கும். குருவின் பார்வையால் முக்கிய முடிவுகள் எடுப்பீர்கள். வெற்றிகள் தேடி வரும். வேலை தொழில் அற்புதமாக அமையும். கவுரவ பதவிகள் கிடைக்கும். தொட்டது வெற்றியாகும். தைரியம் தன்னம்பிக்கை அதிகரிக்கும். வாங்கிய சொத்துக்கள் லாபம் கொடுக்கும். வியாபாரத்தில் நன்மைகள் நடக்கும். வாங்கி வைத்திருந்த பொருட்கள் லாபத்தில் விற்கும். அதே நேரத்தில் உங்க ஆரோக்கியத்தில் கவனம் வையுங்க. இதய நோய், கொழுப்பு தொடர்பான நோய் இருப்பவர்கள் கவனமாக இருங்க. அவசர முடிவுகள் எதையும் எடுக்காதீங்க.