குரு பெயர்ச்சி 2019 - 20: கன்னி லக்னகாரர்களுக்கு ஹம்சயோகம் தரும் குருபகவான்

குருவினானல் யோகம்

நான்குக்கு அதிபன் நான்கில் ஆட்சி பெற்று அமர்வது ஹம்ச யோகம். மனதிற்கு தேவையான மகிழ்ச்சியான சம்பவங்கள் நடக்கும். புதிய வேலை, வெளிநாட்டு யோகம், கல்வியில் முன்னேற்றம் ஆகியவற்றை குரு தருவார். நான்காம் வீட்டில் இருக்கும் சனி கேதுவினால் ஏற்பட்ட தொல்லைகளை முறியடிக்கும். முன்னேற்றத்தையும் மாற்றத்தையும் தருவார் குருபகவான்.

பொற்கால குரு

கன்னி ராசிக்காரர்களுக்கு இது பொற்காலம். நிறைய சொத்துக்கள் வாங்குவீர்கள், வீடு வாங்குவீர்கள் கார் வாங்கும் யோகம் வருகிறது. நல்ல வாகனம் வாங்கும் நேரம் வருகிறது. குரு ஏழாம் பார்வையாக ஜீவன ஸ்தானத்தை பார்க்கிறார். அயன சயன ஸ்தானத்தை ஒன்பதாம் பார்வையாக பார்க்கிறார். வெளிநாட்டில் வேலை கிடைக்கப் போகிறது. வெளிநாடுகளில் சில ஆண்டுகள் தங்கி வேலை செய்வீர்கள். சிலருக்கு புதிய வேலை கிடைக்கும். சிலருக்கு பதவி உயர்வுடன் இடமாற்றம் கிடைக்கும். கடந்த காலங்களில் உங்களை விரும்பியவர்கள் கூட விலகிப்போனார்கள். இனி நல்ல காலம் வரப்போகிறது.

வெற்றி கிடைக்கும் காலம்

வியாபாரத்தில் செய்யும் முயற்சிகளுக்கு வெற்றி கிடைக்கும். ஆபத்துக்கள் கண்டங்கள் நீங்கும். காரணம் எட்டாம் வீட்டினை குரு பார்க்கிறார். பெண்களுக்கு திருமண தடைகள் நீங்கும். மாங்கல்ய தோஷம் நீங்கும். திடீர் அதிர்ஷ்டம் கிடைக்கும். சிலருக்கு புதையல் கிடைக்கும். குடும்ப வாழ்க்கையில் இருந்த சிக்கல்கள் நீங்கும். உடல்நலக்கோளாறுகளில் இருந்த ஆபத்துக்கள் நீங்கும். குருபகவான் உங்க ராசிக்கு நான்காம் வீட்டில் அமர்வதால் தொழிலில் ஏற்பட்ட வம்பு வழக்குகள் முடிவுக்கு வரும்.

வெளிநாடு யோகம்

புதிய தொழில் தொடங்க நல்ல இடம் கிடைக்கும். வீட்டில் இருந்த பிரச்சினைகள் தீரும். வீடு மராமத்து பணிகள் செய்வீர்கள் அழகுபடுத்துவீர்கள். கனவுத்தொல்லை, தூக்கம் இல்லாமல் அவதிப்பட்டவர்களுக்கு நல்ல தூக்கம் வரும். படிக்கும் மாணவர்களுக்கு இது நல்ல காலம். தேர்வுகளை நன்றாக எழுதி பாஸ் செய்வீர்கள். நல்ல முறையில் வேலையும் கிடைக்கும். வெளிநாட்டில் வசிப்பவர்களுக்கு நல்லது நடக்கும். அலுவலகத்தில் இருந்த நெருக்கடிகள் நீங்கும்.

கஷ்டங்கள் தீரும்

சிரமங்கள், கஷ்டங்கள் தீரும் காலம். சுபமான காலம், அவமானங்களில் இருந்து மீண்டு வருவீர்கள். எட்டாம் வீட்டில் சுபகிரகம் பார்ப்பது நல்லது. அதேபோல 12ஆம் வீட்டில் குரு பார்வை படுவது பயணங்களில் வெற்றி கிடைக்கும். பயணங்களினால் ஆதாயம் கிடைக்கும். நல்ல நட்புக்கள் கிடைக்கும். இந்த குருபெயர்ச்சி நிறைய யோகத்தை தராவிட்டாலும் நன்மை தரும் பெயர்ச்சியாகவே அமைகிறது.