For Quick Alerts
ALLOW NOTIFICATIONS  
For Daily Alerts

குரு பெயர்ச்சி 2019: குரு நேரடி பார்வை விழும் மேஷம், மிதுனம், சிம்மம் - அதிர்ஷ்டம் தேடி வருது

|

குருபகவான் விருச்சிக ராசியில் இருந்து தனுசு ராசிக்கு இம்மாத இறுதியில் இடப்பெயர்ச்சி அடைகிறார். கால புருச தத்துவப்படி தனுசு ராசி ஒன்பதாம் இடமாகும். குரு இருக்கும் இடத்தை விட பார்க்கும் இடத்திற்கு பலம் அதிகம். எனவேதான் குரு பார்க்க கோடி நன்மை என்பார்கள். தனுசு ராசியில் இருக்கும் குரு ஐந்தாம் பார்வையால் மேஷம் ராசியையும் ஏழாம் பார்வையாக மிதுனம் ராசியையும் ஒன்பதாம் பார்வையாக சிம்மம் ராசிகளைப் பார்க்கிறார். இந்த குரு பெயர்ச்சி குரு பார்வையால் என்ன பலன் என்று பார்க்கலாம்.

குருவின் பார்வையால் சிலருக்கு ஆரோக்கியம் கூடும் ஆயுள் அதிகரிக்கும். குடும்பத்தில் நிம்மதியும் சந்தோஷமும் ஏற்படும். பணவரவும் அதிகமாக கிடைக்கும். திருமணம் கைகூடும் குழந்தை பாக்கியம் கிடைக்கும்.

Guru Peyarchi 2019: Guru Vision For 12 Zodiac Sign

குரு பகவான் புத்திரகாரகன், இவரது பார்வை பட்டாலே அனைத்து தோஷங்களும் நீங்கும் எனவோதான் குரு பெயர்ச்சியை அனைவரும் ஆவலுடன் எதிர்பார்க்கின்றனர். இந்த குரு பார்வையால் மேஷம் முதல் மீனம் வரை எந்த ராசிக்காரர்களுக்கு என்ன பலன்கள் கிடைக்கும் என்று பார்க்கலாம்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
மேஷம்

மேஷம்

செவ்வாய் பகவானை அதிபதியாகக் கொண்ட மேஷம் ராசிக்காரர்களுக்கு தனுசு ஒன்பதாவது ராசி. ஐந்தாம் பார்வையாக குரு உங்க ராசியை பார்க்கிறார். நோய்கள் நீங்கி ஆரோக்கியம் அதிகமாகும். தைரிய ஸ்தானமான மூன்றாம் வீடு, பூர்வ புண்ணிய ஸ்தானமான ஐந்தாம் வீட்டினை பார்க்கிறார். பெயர் புகழ் கிடைக்கும். குடும்பம் குதூகலமாக இருக்கும். பிள்ளைகளால் அதிக நன்மைகள் நடக்கும்.

MOST READ: பிளாக் டீயில இப்படி ஒரு சீக்ரெட் இருக்கா?... தெரிஞ்சிக்கங்க... ட்ரை பண்ணிப் பாருங்க...

ரிஷபம்

ரிஷபம்

சுக்கிரனை அதிபதியாகக் கொண்ட ரிஷப ராசிக்கு குரு எட்டாம் வீடான மறைவு ஸ்தானத்தில் இருந்து உங்க ராசிக்கு இரண்டு, நான்கு, 12ஆம் வீடுகளைப் பார்க்கிறார். இரண்டாம் வீடு குடும்ப ஸ்தானம். தன ஸ்தானம், வாக்கு ஸ்தானம். கையில் பணம் அதிகமாக வரும். நான்காம் வீட்டினை குரு பார்ப்பதால் சொந்தமாக வீடு வாங்கலாம். வண்டி வாகனம் வாங்கலாம். மோட்ச ஸ்தானம் 12ஆம் வீடு மனதில் நிம்மதி ஏற்படும். வெளிநாடு பயணம் செல்ல வாய்ப்பு கிடைக்கும். நிம்மதியாகவும் சந்தோஷமாகவும் இருப்பீர்கள்.

மிதுனம்

மிதுனம்

புதனை ராசி நாதனாகக் கொண்ட மிதுனம் ராசிக்காரர்களே. ஏழாம் வீட்டில் அமரும் குரு உங்க ராசியையும் மூன்றாம் வீடான தைரிய ஸ்தானத்தையும் 11ஆம் வீடான லாப ஸ்தானத்தை பார்க்கிறார். குரு பார்வையால் தன்னம்பிக்கை தைரியம் கூடும். எதையும் வெற்றிகரமாக எதிர்கொண்டு முடிப்பீர்கள். எடுத்த காரியங்களில் வெற்றி கிடைக்கும். உடல் ஆரோக்கியம் அற்புதமாக இருக்கும்.

கடகம்

கடகம்

சந்திரனை ராசி நாதனாகக் கொண்ட கடகம் ராசிக்கு ஆறாம் வீட்டில் குரு அமரப்போகிறார். அங்கிருந்து குரு இரண்டாம் வீட்டை பார்ப்பதால் பணவரவு அதிகமாக இருக்கும். இதுநாள் வரை பட்ட கடன்களை அடைக்க உதவி செய்வார். போட்டி பந்தையங்களில் வெற்றியை தருகிறார். பத்தாம் வீட்டை பார்ப்பதால் தொழிலில் இருந்த நெருக்கடி தீரும். பிரச்சினைகள் முடிவுக்கு வரும். சிலருக்கு அரசு வேலை கிடைக்கும். குரு 12ஆம் வீட்டினை பார்க்கிறார். சுப செலவுகள் ஏற்படும். வெளிநாடு செல்ல விமானத்தில் பறப்பீர்கள்.

சிம்மம்

சிம்மம்

சூரியனை ராசி நாதனாகக் கொண்ட சிம்மம் ராசிக்காரர்களுக்கு குரு அற்புத பலன்களை தரப்போகிறார். குருவின் பார்வை உங்க ராசி லக்னத்தின் மீது விழுகிறது. தைரியம் அதிகரிக்கும் ஆரோக்கியம் கூடும். சுறுசுறுப்பு அதிகரிக்கும். பாக்ய ஸ்தானமான ஒன்பதாம் வீட்டை குரு பார்ப்பது அதிர்ஷ்டம். வெளிநாட்டு யோகம் வரப்போகுது. மாணவர்களுக்கு வெளிநாட்டு கல்வி அமையும். உங்க லாப ஸ்தானத்தை குரு பார்க்கிறார். காரியங்களில் வெற்றி கிடைக்கும். லாபம் அதிகரிக்கும். மூத்த சகோதரர்கள் ஆதரவு கிடைக்கும்.

கன்னி

கன்னி

புதனை ராசி நாதனாகக் கொண்ட கன்னி ராசிக்காரர்களே நான்காம் வீட்டில் இருந்து குரு எட்டாம் வீடு, பத்தாம் வீடு, 12ஆம் வீடுகளை பார்க்கிறார்.

பணவரவும் அதிகம் இருக்கும். செலவுகள் கட்டுப்படும். எட்டாம் வீட்டினை குரு பார்ப்பதால் ஆரோக்கியம் அதிகமாகும் கண்டங்கள் விலகும். அவமானங்கள் தீரும் இதுநாள்வரை பட்ட கஷ்டத்திற்கு பலன் கிடைக்கும். சிலருக்கு புதிய வேலை கிடைக்கும். 12ஆம் வீட்டினை பார்ப்பதால் சுப விரையங்கள் ஏற்படும். வீட்டிற்கு தேவையான அழகு பொருட்களை வாங்கி வீடுகளை அழகுபடுத்துவீர்கள். நன்மை தரும் குரு பார்வை இதுவாகும்.

MOST READ: ஆண்மை குறைவு நீங்கணுமா? - நவகிரகங்களுக்கு பிடித்த உணவுகளை சாப்பிடுங்க

துலாம்

துலாம்

சுக்கிரனை ராசி அதிபதியாகக் கொண்ட துலாம் ராசிக்கு குரு மூன்றுக்கு உடையவன் மூன்றாம் வீட்டில் அமரப்போகும் குருவின் நேரடி பார்வை உங்க ஏழாம் வீட்டின் மீது விழுகிறது. தடைபட்ட திருமணம் நடைபெறும். குரு பார்வை பாக்ய ஸ்தானத்தின் மீது விழுவதால் ஆரோக்கியமும் சுபிட்சமும் அதிகரிக்கும். அப்பாவிற்கு நன்மை கிடைக்கும். ஆலயங்களுக்கு புனித பயணங்கள் செல்வீர்கள். லாப ஸ்தானத்தை குரு பார்ப்பதால் நல்ல நண்பர்கள் தேடி வருவார்கள். செய்யும் தொழிலில் லாபம் அதிகரிக்கும். அதிர்ஷ்டம் வீட்டு கதவைத் தட்டப்போகிறது. பயப்பட வேண்டாம்.

விருச்சிகம்

விருச்சிகம்

செவ்வாயை அதிபதியாகக் கொண்ட விருச்சிகத்திற்கு ஜென்ம குரு இப்போது இரண்டாம் வீட்டிற்குப் போகிறார். குரு பார்வை உங்க ராசிக்கு ஆறாம் வீட்டின் மீது விழுகிறது. கடன் நோய்கள் தீரும். உடல் வலிமையை அதிகரிக்கும். நோயற்ற வாழ்க்கையாகவும் ஆரோக்கியமாகவும் இருக்கும். கடன் தொந்தரவு, எதிரிகள் தொந்தரவுகள் நீங்கும். எட்டாம் வீடான ஆயுள் ஸ்தானத்தை குருபார்ப்பதால் தடைகள் விலகும் கண்டங்கள் நீங்கி ஆயுள் கூடும். பத்தாம் வீட்டினை குரு பார்ப்பதால் நிரந்தர வேலை கிடைக்கும். சிலருக்கு புரமோசன் கிடைக்கும்.

தனுசு

தனுசு

தனுசு ராசிக்காரர்களுக்கு குரு அதிபதி. ஜென்ம குரு தனது ராசியில் அமர்ந்து ஐந்து, ஏழு, ஒன்பதாம் வீடுகளை பார்க்கிறார். குரு பார்வையால் திருமண தடை ஏற்பட்டவர்களுக்கு திருமணம் நடைபெறும். குழந்தை பாக்கியம் கிடைக்கும். பூர்வ புண்ணிய ஸ்தானத்தை குரு பார்க்கிறார். வேலையில் புரமோசன் கிடைக்கும். புகழும் கிடைக்கும். ஏழாம் வீட்டை குரு பார்ப்பதால் திருமண தடைகள் நீங்கும். தனிப்பட்ட வாழ்க்கையில் ஏற்பட்ட பிரச்சினைகள் நீங்கும் உற்சாகம் சந்தோஷம் ஏற்படும். ஒன்பதாம் வீட்டை குரு பார்ப்பதால் வெளிநாடு பயணம் செல்வீர்கள். அப்பாவிற்கு உடல் நலத்தில் ஏற்பட்டிருந்த பாதிப்புகள் நீங்கும்

மகரம்

மகரம்

சனியை அதிபதியாகக் கொண்ட மகரத்திற்கு 12ஆம் வீட்டு அதிபதி குருபகவான். மோட்ச ஸ்தான அதிபதி குரு நான்கு, ஆறு, எட்டாம் வீடுகளை பார்க்கிறார். நான்காம் வீடு சுகஸ்தானம், உயர் கல்வி, தாய் ஸ்தானம் இந்த வீட்டினை குரு பார்ப்பதால் புதிய வண்டி வாகனங்கள் வாங்கலாம். ஆறாம் வீட்டினை குரு பார்ப்பதால் கடன்கள் தீரும் நோய்கள் விலகி ஆரோக்கியம் அதிகரிக்கும். தொட்ட காரியங்களில் வெற்றி கிடைக்கும். எட்டாம் வீட்டினை குரு பார்ப்பதால் கண்டங்கள் நீங்கும் ஆயுள் கூடும் நிம்மதி ஏற்படும்.

கும்பம்

கும்பம்

சனி பகவானை ஆட்சி நாதனாகக் கொண்ட கும்பத்திற்கு லாப குருவாக 11ஆம் வீட்டில் பலமான குருவாக அமர்கிறார். திருப்புமுனையை ஏற்படுத்தும் குரு பெயர்ச்சி. உங்க ராசிக்கு மூன்றாம் வீடு, ஐந்தாம் வீடு, ஏழாம் வீடுகளை குரு பார்க்கிறார். நீங்கள் செய்யும் முயற்சிகளுக்கு வெற்றி கிடைக்கும். தைரியம் கூடும், முக்கிய முடிவுகளை எடுப்பீர்கள். குடும்பத்தில் சந்தோஷம் ஏற்படும். பிள்ளைகளால் நன்மைகள் நடக்கும். திருமணம் தட்டிப்போனவர்களுக்கு நல்ல முறையில் திருமணம் நடக்கும். சமூகத்தில் நல்ல பெயர் கிடைக்கும்.

MOST READ: நீங்க ரொம்ப ஸ்டிராங்கான ஆளா இருக்கணுமா? இந்த 10 விஷயத்த மனசுல வெச்சிக்கங்க...

மீனம்

மீனம்

குருபகவான் உங்க ராசிக்கு அதிபதி. குரு பத்தாம் வீட்டிற்கு வருவதால் நல்ல வேலை கிடைக்கும். குருவின் பார்வை உங்க ராசிக்கு இரண்டாம் வீடு, நான்காம் வீடு, ஆறாம் வீடுகளின் மீது விழுகிறது. நிறைய பணவரவு கிடைக்கும். வண்டி வாகனம் வாங்கும் யோகம் வருகிறது. நிறைய பணவரவு இருக்கும். கடன்கள் அடைபடும். நோய் நொடிகள் தீரும் ஆரோக்கியம் அதிகரிக்கும். குடும்பத்தில் குதூகலமும் உற்சாகமும் இருக்கும் வீடு சொத்துக்களை வாங்குவீர்கள்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

Read more about: zodiac
English summary

Guru Peyarchi 2019: Guru Vision For 12 Zodiac Sign

All planets watch 7th house from its own house.Guru also watches 5th and 9th house from its own house.Benefits of guru vision for 12 Zodiac signs.Guru peyarchi from Viruchigam to Dhanusu rasi on October 29 Vakkiya panchangam November 5th for Tirukanitha panchangam.
Story first published: Friday, October 18, 2019, 14:46 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more