மீனத்தில் குரு வக்ர நிவர்த்தியடைவதால் இன்று முதல் இந்த 4 ராசிக்கு நல்ல காலம் ஆரம்பிக்குது..

மேஷம்

மேஷ ராசியின் 12 ஆவது வீட்டில் குரு உள்ளார். எனவே இந்த ராசிக்காரர்கள் பயணம் மேற்கொள்ள வேண்டியிருக்கும். பணிபுரிபவர்களுக்கு இக்காலத்தில் இடமாற்றம் ஏற்பட வாய்ப்புள்ளது. வியாபாரிகளுக்கு லாபம் குறைவாக இருந்தாலும், நல்ல பண ஆதாயத்திற்கான வாய்ப்புள்ளது. இருப்பினும், இக்காலத்தில் உங்கள் செலவுகள் சற்று அதிகரிக்கும். வாக்குவாதங்கள் ஏற்படவும் வாய்ப்புள்ளது.

ரிஷபம்

ரிஷப ராசியின் 11 ஆவது வீட்டில் குரு உள்ளார். எனவே இந்த ராசிக்காரர்கள் பல அனுகூலமான பலன்களைப் பெறவுள்ளார்கள். பணியிடத்தில் சிறப்பாக செயல்படுவீர்கள். உங்களின் சம்பளமும் அதிகரிக்கலாம். வியாபாரிகளுக்கு சாதகமான மற்றும் லாபகரமான காலமாக இருக்கும். ஆனால் வரவிற்கு ஏற்ப செலவும் அதிகரிக்கலாம். ஆரோக்கியம் தொடர்பான சில பிரச்சனைகளையும் சந்திக்க வாய்ப்புள்ளது.

கடகம்

கடக ராசியின் 9 ஆவது வீட்டில் குரு உள்ளார். இதனால் தொழிலில் முன்னேற்றம் ஏற்படும். தொழில் வாழ்க்கையில் சில நல்ல மாற்றங்கள் ஏற்படும். நிதி ரீதியாக நன்றாக இருக்கும். ஆரோக்கிய பிரச்சனைகள் அனைத்தும் முடிவுக்கு வந்து, ஆரோக்கியம் மேம்படும்.

சிம்மம்

சிம்ம ராசியின் 8 ஆவது வீட்டில் குரு உள்ளார். இதனால் இக்காலம் சிம்ம ராசிக்காரர்களுக்கு சில பாதகமான பலன்களை அளிக்கக்கூடும். குறிப்பாக நிதி நெருக்கடியை சந்திக்க நேரிடலாம். இருப்பினும், இந்த காலகட்டத்தில் திடீர் பண ஆதாயமும் கிடைக்க வாய்ப்புள்ளது.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)