Guru Asta 2022: குரு அஸ்தமனமாவதால் அடுத்த ஒரு மாதம் இந்த 3 ராசிக்கு அதிர்ஷ்டம் அடிக்கப் போகுது...

2022 குரு அஸ்தமனம்

குரு தனுசு மற்றும் மீன ராசியின் அதிபதி. 2022 ஆம் ஆண்டு ஏப்ரல் 13 ஆம் தேதி குரு பகவான் தனது சொந்த ராசியான மீன ராசிக்கு மாற்றவுள்ளார். இப்படி ராசியை மாற்றுவதற்கு முன், குரு பகவான் 2022 பிப்ரவரி 19 ஆம் தேதி அஸ்தமனமாகி, 2022 மார்ச் 20 ஆம் தேதி இயல்பு நிலைக்கு திரும்புகிறார். இப்படி குரு அஸ்தமனமாவதால் ஒரு மாத காலம் ஒருசில ராசிக்காரர்களுக்கு மிகவும் நற்பலன்கள் கிடைக்கப் போகின்றன. அந்த ராசிக்காரர்கள் யார்யார், எந்த மாதிரியான நற்பலன்களைப் பெறப் போகிறார்கள் என்பதைத் தொடர்ந்து படித்து தெரிந்து கொள்ளுங்கள். உங்கள் ராசியும் இதில் உள்ளதா என்பதையும் அறிந்து கொள்ளுங்கள்.

துலாம்

துலாம் ராசிக்காரர்களுக்கு இந்த குரு அஸ்தமன காலம் மிகவும் நல்ல காலமாக இருக்கும். சொந்தமாக தொழில் செய்பவர்களுக்கு நல்ல சிறப்பான பலன்கள் கிடைக்கும். நிதி நிலைமை நன்றாக இருக்கும். இருந்தாலும், பணத்தை சேமிப்பது என்பது இக்காலத்தில் சற்று கடினமாக இருக்கும். கடின உழைப்பால் வெற்றி பெறுவீர்கள். அரசு வேலை செய்பவர்களுக்கு இக்காலம் மிகவம் சாதகமாக இருக்கும்.

தனுசு

தனுசு ராசியின் அதிபதி குரு பகவான். எனவே தனுசு ராசிக்காரர்கள் இந்த குரு அஸ்தமன காலத்தில் அதிர்ஷ்டத்தின் ஆதரவைப் பெறுவார்கள். இதுவரை நிலுவையில் உள்ள உங்களின் வேலைகள் இக்காலத்தில் முழுமையாக முடிக்கப்படும். இக்காலத்தில் மேற்கொள்ளும் பயணம் இனிமையாக இருக்கும். புதிய வேலையை ஆரம்பிக்க சிறந்த காலம். ஒன்றிற்கு மேற்பட்ட வழிகளில் இருந்து பணத்தைப் பெறுவீர்கள். உங்களின் ஒவ்வொரு வேலையிலும் வெற்றி கிடைக்கும். பணியிடத்தில் உங்களின் திறமையை வெளிப்படுத்த ஏராளமான வாய்ப்புக்கள் கிடைக்கும்.

மீனம்

மீன ராசியின் அதிபதியும் குரு பகவான் என்பதால், இந்த குரு அஸ்தன காலம் இந்த ராசிக்காரர்களுக்கு சாதகமாக இருக்கும். இக்காலத்தில் உங்களின் தடைபட்ட வேலைகள் அனைத்தும் முடிவடையும். பயணங்கள் இனிமையாக இருக்கும். நண்பர்களின் உதவியுடன் புதிய வேலையை தொடங்கத் திட்டமிடுவீர்கள். இக்காலத்தில் உங்களின் கடின உழைப்பிற்கான பலன்கள் கிடைக்கும். பணியிடத்தில் உங்களின் செயல்பாடு மிகவும் சிறப்பாக இருக்கும். வியாபாரிகளுக்கு இக்காலம் மிகவும் சாதகமான காலமாக இருக்கும்.