கிறிஸ்துவர்கள் புனித வெள்ளி கொண்டாடுவதற்கு பின்னால் இருக்கும் வரலாற்று காரணம் என்ன தெரியுமா?

புனித வெள்ளி அல்லது பெரிய வெள்ளி அல்லது ஆண்டவருடைய திருப்பாடுகளின் வெள்ளி (Good Friday) என்பது கிறிஸ்தவர்கள் இயேசு கிறித்து அனுபவித்த துன்பங்களையும் சிலுவைச் சாவையும் நினைவுகூர்ந்து ஒவ்வொரு ஆண்டும் கொண்டாடுகின்ற ஒரு விழா ஆகும். கிறித்தவ வழிபாட்டு ஆண்டில் முக்கியமான இந்த நாள் இயேசு உயிர்பெற்றெழுந்த ஞாயிறு கொண்டாட்டத்திற்கு முந்திய வெள்ளிக்கிழமை நிகழும். இயேசு கல்வாரி மலையில் சிலுவையில் அறையப்பட்டதை நினைவுகூர்கின்ற இவ்விழாவின்போது கிறித்தவக் கோவில்களில் சிறப்பு வழிபாடுகள் நடைபெறும்.

இந்த நாள் உலகம் முழுவதும் பரவலாக அனுசரிக்கப்படுகிறது. இது கிறிஸ்தவர்களுக்கு முக்கியமான நாட்களில் ஒன்றாக கருதப்படுகிறது. இந்த ஆண்டு புனித வெள்ளி 2020 நாளை (ஏப்ரல் 10) கொண்டாடப்படுகிறது. புனித வெள்ளி பற்றிய சில விவரங்களை இக்கட்டுரையில் கொடுத்துள்ளோம்.