இவர் ஜெட் வேகத்தில் செல்லும் ஹோவர்பேர்டை கண்டுபிடிச்சிருக்காரு... எவ்ளோ வேகம் தெரியுமா?

கடல் வழி பயணம்

அவர் கண்டறிந்த அந்த விமான பலகையின் மூலம் வடக்கு கடற்கரையில் உள்ள சங்கட்டேவிலிருந்து இங்கிலாந்தின் தெற்கு கடற்கரையில் டோவரில் உள்ள செயின்ட் மார்கரெட் விரிகுடா வரை பறந்தே சென்று ஆச்சர்யத்தை ஏற்படுத்தியுள்ளார். 35 கி. மீ தூரத்தை வெறும் 20 நிமிடங்களில் கடந்ததோடு மட்டுமில்லாமல் மணிக்கு சராசரியாக 140 கி. மீ வேகத்தில் 15 - 20 மீ உயர்த்தில் பறந்தார் என்பது குறிப்பிடத்தக்கது.

சாதனை

அதிகாலையிலேயே ஜபாடா சாதனைக்கு தயாராகி விட்டார். மூன்று ஹெலிகாப்டர் மூலம் சென்று வளைகுடாவில் தண்ணீருக்கு நடுவே தன் பயணத்தை தொடங்கலானார். அவரது சாதனையை கண்டு களிக்க அங்கே ஏராளமான மக்களும் டஜன் கணக்கில் பத்திரிக்கைக்காரர்களும், பார்வையாளர்களும் காத்திருந்தனர்.

சாதனைக்கு ஊனம் ஒரு குறையல்ல

அவர் தனது இரண்டு விரல்களை இழந்த போதிலும், கடந்த மூன்று வருடங்களாக விடாமுயற்சியுடன் இந்த ஹோவர்போர்டை உருவாக்கி வந்துள்ளார். ஏப்ரல் 2016 இல் மத்தியதரைக் கடலில் 2.2 கி.மீ பயணம் கொண்ட தொலைதூர ஹோவர் போர்டு விமானத்திற்கான கின்னஸ் சாதனையை அவர் ஏற்கனவே தட்டிச் சென்றுள்ளார்.

இதுவரை மத்திய தரைக்கடலை பலூன், மோனோஸ்கி, கோண்டோலா, ஹோவர்க்ராப்ட், கிளைடர், பாராசூட் மற்றும் பெடலோ கொண்டு தான் கடக்கப்பட்டது. ஹோவர்போர்டை கொண்டு பறப்பது இதுவே முதல் முறை.

இதுபோன்ற சாதனை மனிதர்களுக்கு நாம் உறுதுணையாக இருந்தாலே போதும் உலகம் வளர்ச்சி பெறும்.