இந்த பொருட்கள் வீட்டில் இருந்தால் தீபாவளிக்கு முன்னாடியே தூக்கி போடுங்க.. இல்ல பணப்பிரச்சனை அதிகமா வரும்...

உடைந்த கடிகாரங்கள்

வீட்டில் உடைந்த கடிகாரங்கள் இருப்பது அபசகுணமாக கூறப்படுகிறது. பொதுவாக கடிகாரம் சந்தோஷம் மற்றும் முன்னேற்றத்தின் அறிகுறியாக கருதப்படுகிறது. வீட்டில் உடைந்த கடிகாரம் இருந்தால், அதை இந்த தீபாவாளி பண்டிகைக்கு முன்பே தூக்க எறிந்துவிடுங்கள்.

உடைந்த நாற்காலி

வீட்டில் உடைந்த டேபிள், நாற்காலி போன்றவை இருந்தால், அதை உடனே அப்புறப்படுத்துங்கள். வீட்டில் இருக்கும் நாற்காலிகள், மேஜைகள் போன்றவை நல்ல நிலையில் இருக்க வேண்டும். மோசான நிலையில் அல்லது உடைந்த நிலையில் இருக்கும் நாற்காலிகள், மேஜைகள் வீட்டில் மோசமான விளைவை ஏற்படுத்தும்.

உடைந்த பாத்திரங்கள்

வீட்டில் பயன்படுத்தும் பாத்திரங்கள் உடைந்த நிலையில் இருக்கக்கூடாது. ஒருவேளை உங்கள் வீட்டில் உடைந்த பாத்திரங்கள் இருப்பின், இந்த தீபாவளி வருவதற்கு முன்பே தூக்கி எறிந்துவிடுங்கள். ஏனெனில் உடைந்த பாத்திரங்களை வைத்திருப்பது அபசகுணமாக கருதப்படுகிறது.

உடைந்த சிலைகள்

உங்கள் வீட்டில் உள்ள சிலைகள் ஏதேனும் உடைந்திருப்பின், அதை தூக்கி எறியுங்கள். ஏனெனில் அம்மாதிரியான சிலைகளை வீட்டில் வைத்திருப்பது, துரதிர்ஷ்டத்தை அதிகரிக்கும். ஆகவே வீட்டில் உடைந்த தெய்வ சிலைகள் இருந்தால், அதை கோவிலில் வைத்துவிட்டு, வீட்டில் புதிய தெய்வ சிலைகளை வாங்கி வையுங்கள்.

உடைந்த கண்ணாடிகள்

உடைந்த கண்ணாடிகள் வீட்டில் இருப்பது மிகவும் அபசகுணமாக கருதப்படுகிறது. உங்கள் வீட்டின் ஜன்னல், பல்ப் அல்லது முகம் பார்க்கும் கண்ணாடி போன்றவை லேசாக உடைந்திருந்தால், அதை தீபாவளி பண்டிகைக்கு முன்பே அப்புறப்படுத்துங்கள். உடைந்த கண்ணாடிகள் வீட்டில் எதிர்மறை ஆற்றலை கொண்டு வரும்.

பழுதான மின்சார பொருட்கள்

உங்கள் வீட்டில் உள்ள மின்சார பொருட்கள் ஏதேனும் பழுதடைந்திருந்தால், அதை உடனே பழுது பாருங்கள். இல்லாவிட்டால் அதை தூக்கி எறியுங்கள். பழுதான மின்சார பொருட்களை தீபாவளி அன்று வீட்டில் வைத்திருப்பது, துரதிர்ஷ்டத்தின் அறிகுறி மற்றும் இது வீட்டில் உள்ளோரின் ஆரோக்கியத்தை மோசமாக பாதிக்கும்.

காலணிகள்

உங்களிடம் மிகவும் பழைய, கிழிந்த மற்றும் நீண்ட காலமாக நீங்கள் பயன்படுத்தாத காலணிகள் இருந்தால், தீபாவளிக்கு வீட்டை சுத்தம் செய்யும் போது, அவற்றை தூக்கி எறிய மறந்துவிடாதீர்கள். கிழிந்த காலணிகள் வீட்டில் இருப்பது, வீட்டில் எதிர்மறை ஆற்றலையும், துரதிர்ஷ்டத்தையும் கொண்டுவரும். எனவே இதை உடனே அப்புறப்படுத்துங்கள்.