மனிதர்களை போலவே இந்த சிம்பன்சி செய்யும் வேலையை பாருங்களேன்… நீங்களே ஆச்சிரியப்படுவீங்க…

சிம்பன்சி யுஹுய்

சீனா நாட்டின் சோங்கிங்கில் உள்ள லெஹ் லெடு தீம் பூங்காவில் வசித்து வருகிறது 18 வயதான சிம்பன்சி. சிம்பன்சியின் பெயர் யுஹூய். யுஹூயின் பாதுகாப்பாளரான சூ தான் துணிகளைத் துவைக்கும்போது சிம்பன்சி நன்றாகக் கவனித்து பார்க்கும் என்று கூறினார். ஆதலால், தான் செய்த வேலையைச் சிம்பன்சி திரும்பச் செய்கிறதா என்பதை பார்க்கச் சட்டை மற்றும் சோப்பினை வைத்துச் சென்றுள்ளார் சூ.

துணிதுவைத்த சிம்பன்சி

பின்னர், துணிதுவைக்கும் இடத்திற்குச் சென்ற சிம்பன்சி அங்கிருந்த பாதுகாப்பாளரின் வெள்ளை நிற சட்டையை எடுத்து சோப்பு போட்டுத் துவைத்தது. அதைதொடர்ந்து, கைகளால் துணியை நன்றாகத் தேய்த்து தண்ணீரில் அலசி துவைத்தது. இதை மறைவாகப் பார்த்துக்கொண்டிருந்த சூ ஆச்சிரியமான இந்த சம்பவத்தை வீடியோவாக பதிவு செய்தார்.

வைரலான வீடியோ

இந்த வீடியோ காட்சியை சமூக வலைதளங்களில் பதிவிட்டார். பதிவிட்ட சில நேரங்களிலேயே ஆன்லைனில் இந்த வீடியோ வைரலாக பகிரப்பட்டது. இந்த விடியோவை பார்க்கும் அனைவருக்கும் மனிதர்களைப் போல சிம்பன்சி துணி துவைப்பதைப் பார்த்து ஆச்சரியப்பட்டனர். இணையத்தில் பலரையும் மகிழ்வித்துள்ள இந்த வீடியோ சீன சமூக ஊடகங்களில் மில்லியன் கணக்கான முறை பார்க்கப்பட்டுள்ளது.

கற்பிக்கவில்லை

பொதுவாக குரங்கு அல்லது நாய் போன்ற விலங்குகளுக்கு நாம் எதாவது ஒரு செயலை கற்றுக்கொடுத்தால், கற்றுக்கொண்டு செய்யும். இது அனைவரும் அறிந்த விஷயம். ஆனால், "சிம்பன்சிக்கு ஒருபோதும் நான் கற்பிக்கவில்லை. அது நான் செய்வதை இடைவிடாமல் கவனித்தது. பின்னர், அது தானாகத் துணி துவைத்தது. சிம்பன்சி இவ்வாறு செய்ததைப் பார்த்ததும் நான் வியந்து போனேன்." என்று கூறினார் சூ.

மனிதர்களின் நடவடிக்கை

யுஹூய் குரங்கு மிகவும் ஆர்வமிக்க குணம் கொண்டது என்றும் எந்த செயலையும் பார்த்ததும் பின்பற்றக்கூடியது என்று மிருகக்காட்சி சாலையின் செய்தி தொடர்பாளர் தெரிவித்தார். சிம்பன்சிகளும் மனிதர்களும் ஒரே இனத்திலிருந்து உருவானவர்கள்தான் என்று கூறப்படுகிறது. சிம்பன்சியின் டி.என்.ஏவில் சுமார் 96 சதவீதம் மனிதர்களுடைய நடவடிக்கைகள் இருக்கும் என்று ஆராய்ச்சியாளர்கள் கூறுகிறார்கள்.