தூங்கத்துல இயர்போனை விழுங்கிட்டு, மலத்தின்வழியே எடுத்து மறுபடி பயன்படுத்துறான்... வேற லெவல்...

காணாமல் போன ஏர்பாட்

ஸு என்பவர் உறங்கி விழித்தார். அவரது ஏர்பாட்-களை தேடினார். இடக்காதுக்கான ஏர்பாட்-ஐ இருந்தது. வலக்காதுக்குரிய ஏர்பாட்-ஐ காணாமல் திகைத்தார். எங்கெங்கோ தேடியும் அவரால் கண்டுபிடிக்க இயலவில்லை. ஆகவே, ஐபோனை தேடக்கூடிய Find My iPhone என்ற செயலியை பயன்படுத்தி, வலப்பக்கத்துக்கான ஏர்பாட்-ஐ தேட முடிவு செய்தார்.

செயலியை பயன்படுத்தி தேடியபோது, ஏர்பாட் இருக்கும் இடத்திலிருந்து சத்தம் வந்தது. ஆனால், எங்கிருந்து வருகிறது என்று அவரால் திட்டமாய் கண்டுபிடிக்க இயலவில்லை.

விழுங்கப்பட்ட ஏர்பாட்

மிகவும் கூர்ந்து கவனித்தபோது, தனது உடலுக்குள் இருந்துதான் சத்தம் வருகிறது என்று கண்டுகொண்டார். அதன்பிறகுதான், தூங்கும்போது, வலப்பக்க ஏர்பாட்-ஐ தான் விழுங்கியிருப்பது ஸுவுக்கு தெரிய வந்தது. வயிற்றுக்குள் ஏர்பாட் இருந்ததால் அவருக்கு உடல்ரீதியாக எந்த பிரச்னையும் எழவில்லை. ஆனாலும், ஏர்பாட் உடலுக்குள் இருப்பது அவருக்கு அச்சத்தைக் கொடுத்தது.

எக்ஸ் ரேயில் தெரிந்த ஏர்பாட்

மருத்துவர் ஒருவரிடம் சென்று தன் பிரச்னையை கூறினார் ஸு. மருத்துவர், எக்ஸ் ரே எடுத்துப் பார்த்ததில், ஸுவின் செரிமான உறுப்புகளுக்குள் ஏர்பாட் இருப்பது தெரிய வந்தது.

வெளியில் வந்த ஏர்பாட்

நிலைமையை உணர்ந்த மருத்துவர், வயிறு கழிவதற்கு மருந்து எழுதினார். மலத்தோடு சேர்ந்து ஏர்பாட் வெளியே வருகிறதா என்பதை கவனிக்குமாறு ஸுவிடம் கூறினார். மறுநாள், ஏர்பாட் மலத்தோடு வெளியே வந்தது.

அட, இப்படியுமா பண்ணுவாங்க?

வயிற்றுக்குள் இருந்து வெளியே வந்த ஏர்பாடை ஸு தூக்கி வீசினாரா? இல்லை. அதை சுத்தப்படுத்தி திரும்ப பயன்படுத்தி வருகிறாராம். விடாகண்டன்தான் அவர்!