உங்க பிறந்த தேதி படி உங்களுக்கு கொஞ்சம் கூட ராசியில்லாத கலர் எது தெரியுமா?

பிறந்த தேதி 1, 10, 19, 28

இந்த தேதிகளில் பிறந்தவர்கள் சூரியனால் ஆளப்படுகிறவர்கள். எனவே இவர்களுக்கு ஆரஞ்சு, மஞ்சள் போன்ற நிறங்கள் மிகவும் ராசியானதாக இருக்கும். இவை தைரியம், நேர்மை மற்றும் துணிச்சலின் அடையாளமாகும். இந்த நிற உடை அவர்களுக்கு அதிக ஆற்றலையும், அதிர்ஷ்டத்தையும் வழங்கும் அதேநேரம் கருப்பு மற்றும் மெரூன் போன்ற நிறங்களை இவர்கள் அணியக்கூடாது. இதனால் அவர்களுக்கு எந்த நன்மையும் ஏற்படாத மாறாக தீமைகள் மட்டுமே ஏற்படும்.

பிறந்த தேதி 2, 11, 20, 29

இந்த தேதிகளில் பிறந்தவர்கள் சந்திரனால் ஆளப்படுபவர்கள். இவர்களுக்கு மிகவும் அதிர்ஷ்டமான நிறம் என்றால் அது பச்சைதான். மெல்லிய பச்சை நிற உடையணிவது இவர்களுக்கு பல நன்மைகளை ஏற்படுத்தும். அதற்கு அடுத்த இடத்தில் இருப்பது மஞ்சள் நிறமாகும். இவர்களுக்கு கொஞ்சம் கூர் ராசியில்லாத நிறம் என்றால் அது சிவப்பும், கருப்பும்தான்.

பிறந்த தேதி 3, 12, 21, 30

இந்த தேதிகளில் பிறந்தவர்கள் வியாழன் அல்லது குருவால் ஆளப்படுகிறார்கள். பேசுவதில் சிறந்து விளங்கும் இவர்களுக்கு ராசியான நிறம் என்றால் அது ஆரஞ்சு மற்றும் பிங்க் ஆகும். சிவப்பு சாயல் உள்ள அனைத்து நிறங்களுமே இவர்களுக்கு நல்ல பலனை தரக்கூடியதாக இருக்கும். இவர்களுக்கு தோல்வியை வழங்கும் நிறங்கள் என்றால் அது கருப்பு, அடர் ஊதா மற்றும் அடர் பச்சை ஆகும்.

பிறந்த தேதி 4, 13, 22, 31

இந்த தேதிகளில் பிறந்தவர்களை ஆள்பவர் ராகுபகவான் ஆவார். இவர்களுக்கு மிகவும் சிறந்த நிறமாக இருப்பது நீலம் ஆகும், அதிலும் மெல்லிய ஊதா நிறம் இவர்களுக்கு வெற்றியை தேடித்தரும். இவர்களுக்கு கொஞ்சம் கூட ராசியில்லாத நிறம் கருப்பு ஆகும். மற்ற அனைத்து நிறங்களும் இவர்களுக்கு சமநிலையான பலன்களைஏற்படுத்தும்.

MOST READ: பெண்களின் இந்த செயல்கள் அவர்கள் குடும்பத்தில் நிரந்தர வறுமையை ஏற்படுத்துமாம் தெரியுமா?

பிறந்த தேதி 5, 14, 23

இந்த தேதிகளுக்கு சொந்தகார கடவுள் புதன் ஆவார். மற்றவர்களை எளிதில் கவரும் இவர்களுக்கு ராசியான நிறம் சாம்பல் ஆகும். இவர்களுக்கு மிகப்பெரிய வெற்றிகளை சாம்பல் நிறம் பெற்றுத்தரும். மெல்லிய எந்த நிறத்தையும் இவர்கள் அணியலாம். இவர்களுக்கு ராசியில்லாத நிறங்கள் அடர் பச்சையும், அடர் சிவப்பும் ஆகும்.

பிறந்த தேதி 6, 15, 24

இந்த தேதிகளில் பிறந்தவர்களுக்கு சொந்தக்காரர் சுக்கிரன் ஆவார். இவர்களுக்கு ராசியான நிறம் என்றால் அது அடர் பச்சையும், அடர் ஊதாவும்தான். சிவப்பு மற்றும் ஊதா சாயல் இருக்கும் ஆடைகள் கூட அவர்களுக்கு ஏற்றதுதான். இவர்களுக்கு துரதிர்ஷ்டத்தை ஏற்படுத்தும் நிறங்கள் வெள்ளை, மஞ்சள் மற்றும் பிங்க் ஆகும்.

பிறந்த தேதி 7, 16, 25

இந்த தேதிகளில் பிறந்தவர்கள் கேதுவால் ஆளப்படுபவர்கள். இவர்கள் பிறந்த தேதியின் படி இவர்களுக்கு ராசியான நிறங்கள் என்றால் அது வெள்ளை, மஞ்சள், மெல்லிய பச்சை மற்றும் மெல்லிய ஊதா நிறம் ஆகும். இவர்களுக்கு அடர் நிறங்கள் எப்பொழுதும் இவர்கள் விரும்பும் முடிவுகளை தராது.

பிறந்த தேதி 8, 17, 26

இவர்களின் பிறந்த தேதியின் படி இவர்களை ஆள்பவர் அனைவரும் பயப்படும் சனிபகவான் ஆவார். இவர்களுக்குராசியான நிற மஞ்சள் ஆகும். எந்த சூழ்நிலையிலும் மஞ்சள் நிறம் இவர்களுக்கு வெற்றியை பெற்றுத்தரும். முக்கியமான காரியங்களுக்கு செல்லும்போது மஞ்சள் நிற ஆடை அணிந்து செல்வது நல்லது. அடர் பச்சையும், அடர் நீலமும் கூட அணியலாம். இவர்கள் சிவப்பு நிறத்தை அணியக்கூடாது, அது இவர்களுக்கு தோல்வியை ஏற்படுத்தும்.

MOST READ: கருட புராணத்தின் படி இறந்தவர்களின் ஆன்மா எத்தனை நாட்கள் அவர்கள் வீட்டை சுற்றியே இருக்கும் தெரியுமா?

பிறந்த தேதி 9, 18, 27

இந்த தேதிகளில் பிறந்தவர்கள் செவ்வாயால் ஆளப்படுபவர்கள். இந்த எண் ஒரு மாயாஜால எண் ஆகும்.இந்த எண்ணில் பிறந்தவர்களுக்கு ராசியான நிறம் எனில் அது சிவப்புதான். வெள்ளை நிறமும், மெல்லிய நிறங்களும் இவர்களுக்கு நல்லதாக அமையாது.