'தீவிரவாதிக்கு டிப்ஸ் தர மாட்டேன்' என ரெஸ்டாரண்டில் அநாகரீகமாக நடந்துக் கொண்ட நபர்!

கஹாலில் காவில்!

அவர் பெயர் கஹாலில் காவில். அமெரிக்காவின் டெக்ஸாஸ் மாகாணத்தில் வாழ்ந்து வருகிறார். இவர் பகுதி நேரமாக ஒரு ரெஸ்டாரண்டில் பணிபுரிந்து வந்தார். அப்போது தான், என்றும் எதிர்ப்பார்த்திடாத விதமாக ஒரு அதிர்ச்சிக்குரிய சம்பவம் நடந்தது. சில உணவகங்களில் பில், சர்வ் செய்த நபரின் பெயரோடு வரும்.

இது, தனிப்பட்ட நபரின் வேலை திறனை கணக்கிட சில நிறுவனங்கள், ரெஸ்டாரன்ட் பின்பற்றும் முறை. கஹாலில் காவில் பணிபுரியும் ரெஸ்டாரண்டும் அப்படியொரு முறையை பின்பற்றுபவர்கள் தான்.

பில்லில் பெயர்!

தான் பகுதி நேர ஊழியராக பணிபுரியும் ரெஸ்டாரண்டுக்கு உணவருந்த ஒரு நபர் வந்திருக்கிறார். அவருக்கு கஹாலில் சர்வ் செய்திருக்கிறார். பில் கொடுத்த போது, கஹாலில் காவிலின் பெயரை பில்லில் பார்த்த அந்த உணவருந்த நபர், "நாங்கள் தீவிரவாதிக்கு டிப்ஸ் தருவதில்லை" என்று எழுதி வைத்துவிட்டு சென்றிருக்கிறார்.

உண்மை என்ன தெரியுமா?

உணவருந்த வந்தவர் கஹாலில் காவில் என்ற பெயரை படித்து, அவர் ஒரு இஸ்லாமியர் என்று கருதி, இப்படியான ஒரு கருத்தை பதிவிட்டு சென்றிருக்கிறார். ஆனால், உண்மையில் கஹாலில் காவில் இஸ்லாமியரே இல்லை. அவர், இந்த சம்பவம் குறித்து முகநூலில் இட்ட பதிவில், All day I've had to remind myself that Jesus died for these people too. என்று குறிப்பிட்டிருக்கிறார். இஸ்லாமியரே அல்லாத ஒரு நபரை, இஸ்லாமியர் என்று கருதி தீவிரவாதி என்று பச்ச்சக்குத்தி சென்று அந்த நபரை கண்டு என்னவென்று வருந்துவது.

வைரல்!

கடந்த திங்களன்று நடந்ததாக கருதப்படும் இந்த சமபவத்தை குறித்து கஹாலில் காவில் தனது முகநூல் முகவரியில் புகைப்படத்துடன் ஒரு பதிவிட்டிருந்தார். அந்த பதிவு மக்களிடையே வைரலாக பரவியது.

இன்று வரையிலும் 21 ஆயிரம் பேர் அதை லைக் செய்திருக்கிறார்கள், 6.5 ஆயிரம் பேர் மற்றவர்களுடன் பகிர்ந்திருக்கிறார்கள்., 16 ஆயிரத்திற்கும் மேற்பட்ட கருத்துக்கள் கமெண்ட்டுகளாக பதிவாகி இருக்கிறது.

நன்றி!

இனவெறி சார்ந்து தான் பதிவிட்டு முகநூல் பதிவு வைரலாக பரவியதை கண்டு, பதிவை பகிர்ந்த அனைவருக்கும் மீண்டும் ஒருமுறை எனது நன்றி மற்றும் அன்பினை வெளிப்படுத்திக் கொள்கிறேன்.

இந்த ஒரு பரபரப்பான வாரத்தில் எனக்கு துணையாக, உறுதுணையாக எனது குடும்பத்தாரும் இருந்தனர். அவர்களுக்கும் நான் எனது நன்றிகளை தெரிவித்துக் கொள்கிறேன் என்று தெரிவித்து மற்றுமொரு முகநூல் பதிவிட்டிருக்கிறார் கஹாலில் காவில்.