ஒரு நொடி வேலைக்கு பல கோடி ஊதியம் வாங்கும் விராத் கோலி, ரொனால்டோ!

ஆய்வு!

HopperHQ.com என்பது இன்ஸ்டாகிராமில் ஸ்கெட்யூல் போஸ்ட் பதிவிட உதவும் டூல் ஆகும். இதன் டூல் மூலம் ஆராயாப்பட்ட போது, சமூக தளங்களில் அதிகமாக பணம் சம்பாதிக்கும் பிரபலம் யார் என்பது கண்டறியப்பட்டது. இது, அவர்கள் பதிவுக்கு எத்தனை பேர் லைக் செய்கிறார்கள், எத்தனை பேர் ஷேர் செய்கிறார்கள், அவர்களை பின்தொடரும் ரசிகர் எண்ணிக்கை எவ்வளவு என்பதை எல்லாம் சார்ந்தது ஆகும்.

விராட் கோலி!

இந்திய கிரிக்கெட் அணியின் கேப்டனான விராட் கோலியை இன்ஸ்டாகிராமில் மொத்தல் 23.2 மில்லியன் பேர் பின்தொடர்ந்து வருகிறார்கள். விராட் கோலி ஒரு பிராண்டை குறித்து தனது இன்ஸ்டாகிராமில் ஒரு பதிவிட்டால் அவருக்கு 1,20,000 அமெரிக்க டாலர்கள் கிடைக்கும்.

17வது இடம்!

இப்படி சமூக தளங்களில் பெய்டு ப்ரமோஷன் மூலமாக அதிகம் சம்பாதிக்கும் பிரபலங்கள் பட்டியலில் உலக அளவில் விராட் கோலி 17வது இடத்தை பிடித்திருக்கிறார். இந்த பட்டியலில் இடம் பெற்றிருக்கும் இந்தியர்களில் விராட் கோலி பெயர் தான் முதன்மையாக இருக்கிறார்.

ரியாலிட்டி ஷோ பிரபலம்!

அமெரிக்கன் ரியாலிட்டி டெலிவிஷன் ஷோ பர்சனாலிட்டி, மாடல் மற்றும் தொழிலதிபர் என பன்முகம் கொண்ட கைலி ஜென்னர் ஒரு பதிவுக்கு மில்லியன் டாலர்கள் பெற்று முதன்மை இடத்தை வகிக்கிறார்.

விராட் கோலி NBA சூப்பர்ஸ்டாராக கருதப்படும் ஸ்டீபன் கரியை விட பத்தாயிரம் டாலர்கள் அதிகம் சம்பாதிக்கிறார். அவர் 21.3 மில்லியன் பின்தொடர்பாளர்களுடன் ஒரு பதிவுக்கு 1,10,000 டாலர்கள் சம்பாதிக்கிறார்.

மற்றும் ஓய்வுபெற்ற குத்துசண்டை லெஜண்ட் மேவெதர் 20.7 மில்லியன் பின்தொடர்பாளர்களுடன் 1,07,000 டாலர்கள் பெற்றுவருகிறார்.

ரொனால்டோ, நெயமர்!

கால்பந்தாட்ட முன்னணி வீரர் ரொனால்டோ 136 மில்லியன் பின்தொடர்பாளர்கள் கொண்டிருக்கிறார். இவர் தனது ஒரு பதிவுக்கு 7,50,000 அமெரிக்க டாலர்கள் பெறுகிறார். மற்றும் பிரேசில் அணியின் நட்சத்திர வீரரான நெயமர் ஆறு இலட்சம் டாலர்களும், அர்ஜென்டினா அணியின் நட்சத்திர வீரர் லெஜண்ட் மெஸ்ஸி ஐந்து இலட்சம் டாலர்களும் பெறுகிறார்கள். ஓய்வுபெற்ற முன்னாள் கால்பந்தாட்ட வீரர் டேவிட் பக்கம் ஒரு பதிவுக்கு மூன்று இலட்சம் டாலர்களும் பெறுகிறார்.

தற்சமயம்!

அனுஷ்காவை திருமணம் செய்த பிறகு, இன்ஸ்டாகிராமில் கோலியின் பிரொபைல் மதிப்பு கூடி இருக்கிறது என்று அறியப்படுகிறது.

கோலி தற்சமயம் இங்கிலாந்தில் டெஸ்ட் தொடரில் விளையாட காத்திருக்கிறார். நடந்து முடிந்த இருபது ஓவர் போட்டியில் இந்தியாவும், ஒரு போட்டிகளில் இங்கிலாந்தும் தொடரை கைப்பற்றி இருக்கின்றன.

கடந்த 86 ஆண்டுகளில் நடந்த 17 தொடர்களில் இந்தியா இங்கிலாந்தை அதன் மண்ணில் மூன்று முறை மட்டுமே வென்றுள்ளது. அஜித் வடாகர் (1971), கபில் தேவ் (1986) மற்றும் ராகுல் திராவிட் (2007).

ஐந்து போட்டிகள் கொண்ட இந்த தொடரை விராட் கோலி கைப்பற்றினால் இந்த பட்டியலில் நான்காவது இந்திய டெஸ்ட் கேப்டன் என்ற பெருமையை பெற வாய்ப்புள்ளது.