மலையாளிகளுக்கு உச்சக்கட்ட கோபத்தை வரவழைக்கும் 7 விஷயங்கள்!

செயல் #1

மல்லூ - மலையாளி என்பதை சுருக்கி அழைப்பது தானே மல்லூ என சிலர் எண்ணுவதுண்டு. ஆனால், இது பி - கிரேடு படங்களில் பயன்படுத்தப்படும் சொல்லாடல் என்பதால், பல மலையாளி மக்களுக்கு இவ்வாறு அவர்களை அழைப்பது பிடிக்காது. சிலர் கோவத்தில் எரிமலையாய் வெடிக்கவும் செய்வார்கள்.

செயல் #2

மதராசி - முன்பு தென்னிந்தியாவின் பெரும்பகுதி மதராஸாக இருந்ததால், தென்னிந்தியர்களை பெரும்பாலும் மதராசி என அழைத்து வந்தனர். ஆனால், இப்போது தமிழ்நாடு, தெலுங்கானா, கர்நாடகம், ஆந்திரபிரதேசம், கேரளா என ஐந்து மாநிலங்களாக பிரிந்துவிட்டது. இப்போதும் இப்படி மதராசி என அழைப்பது மலையாளிகளுக்கு மட்டும் அல்ல, இதர மற்ற மாநிலக் காரர்களுக்கும் கூட பிடிக்காது.

செயல் #3

சவுதி வேலை - சவுதியில் வேலை வேண்டும் அன்றால் உடனே அருகில் இருக்கும் மலையாளக் காரர்களிடம் கேட்கும் பழக்கம் இன்றும் நம்ம ஊர் மக்களிடம் இருக்கிறது. ஆனால், எல்லா மலையாளிகளின் உறவினர்களும், தெரிந்தவர்களும் சவுதியில் இல்லை என்பதை மக்கள் புரிந்துக் கொள்ள வேண்டும்.

செயல் #4

மோகன்லால் - மம்முட்டி: மோகன் லால், மம்முட்டி இருவரும் இந்திய சினிமாவின் சிகரங்கள். இவர்களது நடிப்புக்கு எல்லை இல்லை. ஆனால் இவர்களை உடல்வாகு வைத்து மற்ற மாநிலக் காரர்கள் கேலி செய்வார்கள். இது மலையாளிகளுக்கு சுத்தமாக பிடிக்காது. ஏனெனில், இவர்களை போல நடிப்பாற்றலை வெளிப்படுத்த இந்தியாவிலேயே ஒருசில நடிகர்கள் தான் இருக்கின்றனர்.

செயல் #5

பி - கிரேடு படங்கள் - பி கிரேடு படங்கள் என்றாலே தென்னிந்தியாவில் ஏதோ மலையாளிகள் மட்டுமே தயாரிப்பது போல சிலர் நினைத்துக் கொண்டிருக்கிறார்கள். இந்த எண்ணத்தோடு யாராவது அவர்களிடம் அந்த படம் இருக்கா என அணுகினால். கோபம் மட்டும் அல்ல, சில அடிகளையும் அவர்களிடம் நீங்கள் வாங்கிக் கட்டிக்கொள்ள வேண்டியிருக்கும்.

செயல் #6

தேங்காய் - மலையாளிகள் அவர்களது பெரும்பாலான உணவில் தேங்காய் பயன்படுத்துவார்கள். இதை கேலிக் கிண்டல் செய்தால் அவர்களுக்கு பிடிக்காது. அது அவர்களுக்கு உயிர் போன்று பிடித்தமானது.

செயல் #7

கலாச்சாரம் - தங்கள் கலாச்சாரம் பற்றி யாராவது கேலியாக பேசினால் மலையாளிகளுக்கு எக்கச்சக்கமாக கோபம் வரும். இது இவர்களுக்கு மட்டுமல்ல, எல்லாருக்கும் வர வேண்டிய கோபம் தான். யாருக்காகவும், எதற்காகவும் யாரும் தங்கள் கலாச்சாரத்தை விட்டுக் கொடுக்க கூடாது.