நோஸ்ட்ராடாமஸின் தீர்க்கதரிசனத்தின் படி 2026-ல் நடக்கப்போகும் ஆபத்தான நிகழ்வுகள் என்னென்ன தெரியுமா?

2025 ஆம் ஆண்டின் கடைசி மாதமான டிசம்பர் மாதத்தில் நாம் இருக்கிறோம். புத்தாண்டு நெருங்கி வருவதால் வரப்போகிற ஆண்டு எப்படி இருக்கப்போகிறது என்பதை தெரிந்து கொள்ள அனைவரும் விரும்புவார்கள். ஜோதிடர்களும், தீர்க்கதரிசிகளும் 2026 ஆம் ஆண்டுக்கான கணிப்புகளை கணிக்க இப்போதே தொடங்கிவிட்டார்கள். தீர்க்கதரிசிகள் என்று வரும்போது அதில் முக்கியமானவர்கள் பாபா வாங்காவும், நோஸ்ட்ரடாமஸும்தான்.

அவர்கள் இருவரும் கடந்த காலங்களில் உலகின் பல முக்கியமான நிகழ்வுகளை முன்கூட்டியே கணித்ததன் மூலம் பெரும் புகழடைந்தனர். பல சந்தர்ப்பங்களில் அவர்கள் இருவரும் கிட்டத்தட்ட ஒரே மாதிரியான கணிப்புகளைச் செய்துள்ளனர். 2026 ஆம் ஆண்டு நடக்கப்போகும் பல அதிர்ச்சியளிக்கும் விஷயங்களைப் பற்றி நோஸ்ட்ரடாமஸ் தனது குவாட்ரெயின்களில் குறிப்பிட்டுள்ளார். இந்த பதிவில் 2026-ல் நடக்கப்போகும் முக்கிய நிகழ்வுகள் பற்றி நோஸ்ட்ரடாமஸ் என்ன கூறியுள்ளார் என்று தெரிந்து கொள்ளலாம்.

யார் இந்த நோஸ்ட்ராமஸ்?

நோஸ்ட்ராடாமஸ் என்று அழைக்கப்படும் மைக்கேல் டி நோஸ்ட்ராடாம், சில முக்கிய உலக நிகழ்வுகளை முன்னறிவித்ததாக நம்பப்படுகிறது. உலகையே நடுங்க வைத்த 9/11 பயங்கரவாதத் தாக்குதல் மற்றும் அதற்கு முன்பு, இளவரசி டயானாவின் மரணம்போன்றவை அவரது முக்கியமான கணிப்புகளாகும். 1555 இல் வெளியிடப்பட்ட லெஸ் ப்ராஃபெட்டீஸ் என்ற புத்தகத்தில் அவர் தனது கணிப்புகளை வெளியிட்டார். லத்தீன் சொற்றொடர்கள் மற்றும் பழைய பிரெஞ்சு மொழியைப் பயன்படுத்தி, அவர் தனது 942 கணிப்புகளைச் செய்தார். அந்த கணிப்புகளை புரிந்துகொள்வது கடினமாக இருந்தாலும், அவரது ஆதரவாளர்கள் உலக நிகழ்வுகளை அவர் முன்னறிவித்தார் என்று நம்பினர், இன்றும் அதை பரப்புகிறார்கள்.

தேனீக்களின் கூட்டம் எழும்

2026 ஆம் ஆண்டைப் பொறுத்தவரை, நோஸ்ட்ராடாமஸ் சில பெரிய கணிப்புகளைச் செய்துள்ளார். அவரது உரையின் 26-வது குவாட்ரெய்ன்கள் 2026 ஆம் ஆண்டைப் பற்றியதாக நம்பப்படுகிறது. அவரது முக்கிய கணிப்புகளில் ஒன்று, "தேனீக்களின் கூட்டம் எழும்... இரவில் பதுங்கியிருந்து..." என்று கூறுகிறது. இது பூச்சிகள் உலகைக் கைப்பற்றுவது பற்றிய நேரடியான தீர்க்கதரிசனமா? நிச்சயமாக இல்லை.

இதில் குறிக்கப்படும் தேனீக்கள் டொனால்ட் டிரம்ப் மற்றும் விளாடிமிர் புதின் போன்ற உலகத் தலைவர்களைக் குறிக்கின்றன என்று அவரது ஆதரவாளர்கள் நினைக்கிறார்கள். இந்த தீர்க்கதரிசனம் 2026 ஆம் ஆண்டில் அவர்களுக்குக் கிடைக்கும் பெரிய வெற்றிகளைப் பற்றியதாக இருக்கலாம். இதன் அர்த்தம் டிரம்ப் காசா ஒப்பந்தத்தை அடைய முடியும், மேலும் உக்ரைன் போர் நான்கு ஆண்டுகளுக்குப் பிறகு ரஷ்யாவின் வெற்றியுடன் முடிவடையும் என்று கணிக்கப்பட்டுள்ளது.

பெரும் போரும் இறந்த மக்களும்

நோஸ்ட்ராடாமஸின் புத்தகத்திலிருந்து ஒரு பகுதி, "Seven months great war, people dead through evil / Rouen, Evreux the King will not fail." என்று கூறுகிறது. இது வெற்றியின் மீது மிகுந்த நம்பிக்கையுடன் இருக்கும் இரண்டு உலகத் தலைவர்களை பங்கேற்கும் ஒரு போரை குறிக்கிறது, அவர்கள் தலைவணங்க மறுக்கிறார்கள். இது ஜெலென்ஸ்கி, புடின், நெதன்யாகு அல்லது டிரம்ப் போன்ற இந்த நேரத்தில் ஒரு போரில் நேரடியாகவோ அல்லது மறைமுகமாகவோ ஈடுபட்டுள்ள எவரையும் பற்றியதாக இருக்கலாம்.

செவ்வாய் கிரகம் ஆட்சி செய்யும் மற்றும் மூன்று நெருப்புகள்

நோஸ்ட்ராடாமஸின் அடுத்த தீர்க்கதரிசனம், "When Mars rules his path among the stars, human blood will sprinkle the sanctuary. Three fires rise from the eastern sides, while the West loses its light in silence"(நட்சத்திரங்களுக்கிடையில் செவ்வாய் தனது பாதையை ஆட்சி செய்யும்போது, ​​மனித இரத்தம் சரணாலயத்தில் தெளிக்கும். கிழக்குப் பக்கங்களிலிருந்து மூன்று நெருப்புகள் எழும்புகின்றன, அதே நேரத்தில் மேற்கு அமைதியாக அதன் ஒளியை இழக்கிறது). இந்த கணிப்பு கிழக்கு நாடுகளுக்கும், மேற்கு நாடுகளுக்கும் இடையிலான மோதலைக் குறிக்கலாம், ஏனெனில் செவ்வாய் பண்டைய ரோமானியராகளின் போர்க் கடவுள். அமெரிக்காவும் சீனாவும் தொடர்ந்து வரி விதிப்பின் மூலம் மறைமுக பொருளாதார போரில் ஈடுபட்டுள்ளன, இது இரு நாடுகளுக்கிடையே பதற்றத்தை ஏற்படுத்தியுள்ளது.

சுவிட்சர்லாந்தில் ஐரோப்பிய மோதல்

நோஸ்ட்ராடாமஸின் மற்றொரு கணிப்பு சுவிட்சர்லாந்தில் உள்ள ஒரு இடத்தைப் பற்றியது. பிரெஞ்சு மொழியில் எழுதப்பட்ட இந்தத் தீர்க்கதரிசனம், "Because of the favour that the city will show... the Ticino will overflow with blood..." (நகரம் காட்டும் தயவின் காரணமாக... டிசினோ இரத்தத்தால் நிரம்பி வழியும்) என்று கூறுகிறது. இது நாட்டின் தெற்குப் பகுதியில் நடக்கும் போரைப் பற்றியதாக இருக்கலாம். கோட்பாடுகளின்படி, 2026 ஆம் ஆண்டில் இந்த பகுதியில் ஒரு ஐரோப்பிய மோதல் வெடிக்கலாம், டிசினோ வடக்கு இத்தாலியை எல்லையாகக் கொண்டிருப்பதால் அண்டை நாடுகளுக்கு இடையே இந்த போர் ஏற்படலாம்.

பிரபலமான நபர் ஒரு நாளில் இடியால் தாக்கப்பட்டார்

26வது வசனத்தின்படி, "பெரிய மனிதர் பகலில் இடியால் தாக்கப்படுவார்." இந்த வரிகள் ஒரு பிரபலமான நபர் அல்லது "பெரிய மனிதர்" என்று அழைக்கப்படும் ஒரு புகழ்பெற்ற ஆளுமையின் படுகொலையைக் குறிப்பது போல் உள்ளது. இது நன்கு அறியப்பட்ட ஒரு ஆண் உலகத் தலைவரைப் பற்றி குறிக்கிறது.

ஒரு புதிய தலைவரின் எழுச்சி

நோஸ்ட்ராடாமஸ் ஆபத்தான கணிப்புகளை மட்டும் கூறவில்லை. 2026 ஆம் ஆண்டிற்கான ஒரு நேர்மறையான தீர்க்கதரிசனத்தையும் நோஸ்ட்ராடாமஸ் கூறியுள்ளார். "Shadows will fall, but the man of light will rise. And the stars will guide those who look within,"(நிழல்கள் விழும், ஆனால் ஒளி மனிதன் உதிப்பான். நட்சத்திரங்கள் உள்ளே பார்ப்பவர்களை வழிநடத்தும்) என்று அவர் எழுதியுள்ளார். இது உலகை ஒரு சிறந்த பாதையில் கொண்டு செல்லும் ஒரு புதிய தலைவரின் எழுச்சியைக் குறிக்கிறது.