52 கோடிக்கு விற்கப்படும் உலகின் காஸ்ட்லியான மதுபானம் இதுதான்... இதன் ஒரு பெக் விலை எவ்வளவு தெரியுமா?

உலகில் பெரும் பணம் புரளும் துறைகளில் மதுபானத்துறை மிகவும் முக்கியமான ஒன்று. கோடிக்கணக்கான மக்கள் தங்கள் வருமானத்தின் ஒரு பகுதியை மதுவுக்கு செலவழிக்கிறார்கள். அதற்கு நம் தமிழநாடே பெரிய உதாரணமாகும். கோடிக்கணக்கான ரூபாய் மதுவுக்காக செலவைக்கப்பட்டாலும் ஒரு பாட்டிலின் விலையே கோடிக்கணக்கில் இருக்கும் மது பாட்டில் எதுவாக இருக்கும் என்று யோசித்திருக்கிறீர்களா?

உலகின் மிக விலையுயர்ந்த விஸ்கியின் பட்டம் sabella's Islayவுக்கு வழங்கப்பட்டுள்ளது, அதன் விலை சாதாரண மக்களுக்கு மயக்கத்தையே ஏற்படுத்தலாம், இதன் விலை சுமார் 6 மில்லியன் அமெரிக்க டாலர்கள், அதாவது இந்திய மதிப்பில் கிட்டத்தட்ட ரூ. 52 கோடி. இதிலுள்ள விஸ்கி மட்டும் சிறப்பு வாய்ந்தது அல்ல, இந்த பாட்டிலுமே அதன் நம்ப முடியாத விலைக்குக் காரணமாக உள்ளது.

இந்த பாட்டிலுக்குள் உள்ளே இருக்கும் விஸ்கி ஒரு பிரீமியம் மற்றும் பழமையான ஸ்காட்ச், அதன் உயர் தரத்திற்கு பெயர் பெற்றது. ஆனால் இந்த ஒரு பாட்டில் விலையில் ஒருவர் இந்தியாவில் ஆடம்பர வில்லாக்கள் மற்றும் ஆடம்பர கார்கள் என கனவிலும் நினைத்துக் கூட பார்க்க முடியாத வாழ்க்கையை வாழலாம்.

விலைக்கான உண்மையான காரணம்

இந்த விஸ்கி இவ்வளவு விலை உயர்ந்ததாக இருப்பதற்கு உண்மையான காரணம் அதன் பாட்டில்தான். இது English crystal-ஆல் ஆனது மற்றும் ஒரு உண்மையான கலைப்படைப்பு. இந்த பாட்டில் 8,500-க்கும் மேற்பட்ட வைரங்கள், 300 ரூபிகள் மற்றும் வெள்ளை தங்கத்தால் அலங்கரிக்கப்பட்டுள்ளது. இந்த பாட்டிலில் உள்ள எழுத்துக்கள் கூட வைரங்களால் ஆனவை, மேலும் வாங்குபவரின் பெயர் அல்லது முதலெழுத்துக்களுடன் அவர் வடிவமைத்துக் கொள்ளலாம். முன்பக்கத்தில் உள்ள சிவப்பு எழுத்து ரூபிகளைப் பயன்படுத்தி வடிவமைக்கப்பட்டுள்ளது, மேலும் பாட்டிலில் ஒரு முறை அல்ல, இரண்டு முறை வெள்ளை தங்கப் பூச்சு பூசப்பட்டுள்ளது.

ஒவ்வொரு பாட்டிலும் ஒரு ஆடம்பரமான மரப் பெட்டியில் வருகிறது, இது அதன் ஆடம்பரத்தை மேலும் அதிகப்படுத்துகிறது. அதனால்தான் இசபெல்லாவின் அசல் விஸ்கியின் விலை 6 மில்லியன் அமெரிக்க டாலர்களுக்கு விற்கப்படுகிறது. இதன் விலை அதிலுள்ள ப்ரீமியம் விஸ்கியை விட அதன் ஆடம்பரத்திற்காகத்தான்.

ஒரு பெக்-ன் விலை எவ்வளவு?

Isabella's Islay Original-ன் ஒரு பாட்டிலின் விலை சுமார் ரூ. 52 கோடி,இந்த பாட்டிலில் 750 மில்லி விஸ்கி உள்ளது. இந்த விஸ்கியின் ஒரு 30 மில்லி பெக் வாங்கவே ரூ. 2 கோடிக்கு மேல் செலவாகும். இவ்வளவு பெரிய தொகைக்கு நாம் சென்னையில் ஒரு ஆடம்பர பிளாட் அல்லது பங்களாவையே வாங்கி விடலாம்.

Isabella's Islay Original விஸ்கி, Luxury Beverage Company என்ற இங்கிலாந்து நிறுவனத்தால் தயாரிக்கப்படுகிறது. இது மால்ட் செய்யப்பட்ட பார்லி மாஷிலிருந்து தயாரிக்கப்படுகிறது மற்றும் மிகவும் அரிதானது. இந்த விஸ்கி அதன் மென்மையான மற்றும் தனித்துவமான சுவைக்கு பெயர் பெற்றது. மேலும் வெண்ணெய் மற்றும் வறுக்கப்பட்ட மர புகை சுவை , ப்ரெஷான பார்லி மற்றும் மென்மையான உணர்வை இதை அருந்துபவர்கள் அனுபவிப்பார்கள்.

Isabella's Islay சிறப்பு பதிப்பு விஸ்கி

இசபெல்லா சிறப்பு பதிப்பு விஸ்கி மென்மையான, வெல்வெட் அமைப்பைக் கொண்ட ஒரு லேசான மற்றும் புத்துணர்ச்சியூட்டும் பானமாகும். சுமார் USD 740,000 (இந்திய மதிப்பில் 6 கோடிக்கு மேல்) விற்கப்படும், இந்த விஸ்கி முழுக்க முழுக்க ஆடம்பரமானது. இது கையால் செய்யப்பட்ட English crystal decanter-ல் வருகிறது மற்றும் வெள்ளை தங்கத்தால் மூடப்பட்டு வைரங்களால் அலங்கரிக்கப்பட்டுள்ளது. பாட்டிலின் கழுத்தும் வைரங்களால் அலங்கரிக்கப்பட்டுள்ளது. அதன் ஆடம்பரத்தையும், ராயல் தோற்றத்தையும் முழுமையாக்கும் வகையில், திறமையான பிரிட்டிஷ் கைவினைஞர்களால் தயாரிக்கப்பட்ட அழகாக செதுக்கப்பட்ட மரப் பெட்டியில் இது வைக்கப்படுகிறது.

Isabella's Islay விஸ்கியை எங்கு வாங்கலாம்?

Isabella's Islay பாட்டில்கள் சந்தையில் மிகவும் அரிதானவை. வழக்கமான மதுபானக் கடைகளில் அவற்றை எளிதாகக் கண்டுபிடிக்க முடியாது, ஏனெனில் பெரும்பாலான விற்பனையாளர்கள் இவ்வளவு விலையுயர்ந்த பாட்டில்களை கடையில் வைத்திருக்க முடியாது. இதை வாங்குவதற்கான சிறந்த வழி, அதை தயாரிக்கும் டிஸ்டில்லரியை நேரடியாகத் தொடர்புகொள்வதாகும்.