புதன் பெயர்ச்சி: மே 10 முதல் இந்த 3 ராசிக்கு தொழிலில் லாபமும், முன்னேற்றமும் ஏற்படப் போகுது..

Mercury Transit In Aries On 10 May 2024: ஜோதிடத்தில் நவகிரகங்களின் இளவரசனாக கருதப்படுபவர் புதன். இந்த புதன் புத்திசாலித்தனம், பேச்சு, படிப்பு, வியாபாரம் ஆகியவற்றின் காரணியாக கருதப்படுகிறார். கிரகங்களில் புதன் அடிக்கடி தனது நிலைகளில் மாற்றங்களை ஏற்படுத்துவார். தற்போது மீன ராசியில் பயணித்து வரும் புதன், மே 10 ஆம் தேதி செவ்வாய் ஆளும் மேஷ ராசிக்கு செல்லவுள்ளார்.

புதன் மேஷ ராசிக்கு செல்வதால், அதன் தாக்கம் அனைத்து ராசிகளிலுமே காணப்படும். அதில் சில ராசிக்காரர்களுக்கு மிகவும் சிறப்பாகவும், சிலருக்கு மோசமாகவும் இருக்கும். இப்போது மேஷ ராசிக்கு புதன் செல்வதால், எந்த ராசிக்காரர்கள் தொழிலில் நல்ல முன்னேற்றத்தையும், லாபத்தையும் பெறவுள்ளார்கள் என்பதைக் காண்போம்.

தனுசு

தனுசு ராசியின் 5 ஆவது வீட்டிற்கு புதன் செல்லவுள்ளார். இதனால் இந்த ராசிக்காரர்களுக்கு மிகவும் சாதகமாக இருக்கும். அதிர்ஷ்டத்தின் முழு ஆதரவு இருக்கும். குழந்தை தொடர்பான சில நல்ல செய்திளைப் பெறுவீர்கள். நிறைய பணத்தை சம்பாதிப்பதற்கான வாய்ப்புக்கள் கிடைக்கும். வருமானத்தில் உயர்வு ஏற்படும். தன்னம்பிக்கை அதிகரிக்கும். காதல் விஷயங்களில் வெற்றி கிடைக்கும். மாணவர்கள் படிப்பில் சிறந்து விளங்குவார்கள்.

மகரம்

மகர ராசியின் 4 ஆவது வீட்டிற்கு புதன் செல்லவுள்ளார். இதனால் இந்த ராசிக்காரர்களுக்கு மே முதல் சிறப்பாக இருக்கும். அதிர்ஷ்டத்தின் ஆதரவால் அனைத்து வேலைகளிலும் வெற்றி கிடைக்கும். புதிய சொத்து, வாகனம் வாங்குவதற்கான வாய்ப்புக்கள் கிடைக்கும். முன்னேற்றத்திற்கான பல வாய்ப்புக்கள் தேடி வரும். குடும்ப வாழ்க்கை மகிழ்ச்சியாகவும், செழிப்பாகவும் இருக்கும். சிறு பயணங்களை மேற்கொள்ள நேரிடும். மாணவர்கள் படிப்பில் சிறந்து விளங்குவார்கள்.

கடகம்

கடக ராசியின் 10 ஆவது வீட்டிற்கு புதன் செல்லவுள்ளார். இதனால் இந்த ராசிக்காரர்கள் தொழில் மற்றும் வியாபாரத்தில் எதிர்பாராத அளவில் சிறப்பான பலன்களைப் பெறுவார்கள். வேலைகளில் நல்ல வெற்றி கிடைக்கும். பணிபுரிபவர்கள் பதவி உயர்வு, சம்பள உயர்வு போன்றவற்றைப் பெறுவார்கள். நிதி நிலையில் நல்ல முன்னேற்றம் ஏற்படும். வணிகர்கள் நல்ல லாபத்தைத் தரும் பெரிய ஒப்பந்தங்களைப் பெறுவார்கள். இது எதிர்காலத்தில் நல்ல பலனைத் தரும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)