இந்த 6 ஆறு ராசிக்காரர்களும் செம்ம அறிவாளிகளாம்! இந்த 6 ராசில உங்க ராசி இருக்க?

துலாம்

துலாம் ராசிக்காரர்கள் பிரச்சனைகளுக்கு தீர்வு அளிப்பதில் மிகச்சிறந்தவர்களாக இருப்பார்கள். ஏதேனும் சந்தேகம் மற்றும் பிரச்சனைகள் என்றால் அனைவரும் இந்த ராசிக்காரர்களிடம் வந்து தங்களது சந்தேகம் மற்றும் பிரச்சனைக்கான தீர்வுகளை கேட்பார்கள்.. இவர்களது பதில் மற்றவர்களை திருப்திப்படுத்தும் விதமாக இருக்கும். ஒவ்வொரு விஷயத்தையும் நடைமுறைக்கு ஏற்றவாறு செயல்படுத்த தெரிந்தவர்கள் இவர்கள்.

ஆலோசனையாளர்

அதே சமயத்தில் இவர்கள் சிறந்த ஆலோசனையாளர்களாகவும் இருப்பார்கள்.. மற்றவர்களின் பிரச்சனைகளுக்கு சிறந்த முறையில் ஆலோசனைகளை வழங்குவார்கள்.. இதனாலேயே மற்றவர்கள் எந்த பிரச்சனை என்றாலும் இவர்களையே தேடி வருவார்கள்.

கும்பம்

இந்த ராசிக்காரர்கள் சிறந்த புரிதல் குணம் கொண்டவர்களாக இருப்பார்கள். இவர்கள் சூழ்நிலைகளையும், அந்த சூழ்நிலையில் இரு தரப்பினர்களும் எப்படி நடந்து கொள்வார்கள் என்பது பற்றி முழுமையான புரிதலுடன் இருப்பார்கள். இவர்கள் மற்றவர்கள் பக்கம் இருக்கும் நியாயங்களை கேட்க கூடிய திறன் கொண்டவர்களாகவும் இருப்பார்கள்.

அறிவு

இவர்கள் புத்திசாலித்தனம் மிகுந்தவர்களாக இருப்பார்கள். இவர்கள் ஒன்றை பற்றி தெரிந்து கொள்ள வேண்டும் என்றால், அது சம்பந்தப்பட்ட அனைத்து விஷயங்களை அலசி ஆராய்ந்து படித்து தெரிந்து கொள்ளும் திறன் கொண்டவர்களாக இருப்பார்கள். இதனால் இவர்களுக்கு ஒவ்வொரு விஷயத்திலும் ஆழமான அறிவு திறமை இருக்கும்.

கன்னி

இந்த ராசிக்காரர்கள் மிகவும் சிக்கலான சூழ்நிலைகளை கூட சுலபமாக கையாழ்வது எப்படி என்பது பற்றி அறிந்து வைத்திருப்பார்கள். இவர்கள் ஒரு முடிவில் ஒரு படி எடுத்து வைக்கும் முன்னர் அதனை சுற்றி உள்ள அனைத்து விஷயங்களையும் அலசி ஆராய்ந்து அதன் பின்னர் தான் முடிவு எடுப்பார்கள்.

தீர்வு காண்பார்கள்

இவர்கள் தங்களது சொந்த பிரச்சனைகளை தாங்களே தீர்த்துக் கொள்ளும் திறமை கொண்டவர்கள். இவர்கள் முதலீடுகள் செய்வதில் திறமைசாலிகளாக இருப்பார்கள். இவர்கள் பயம் அறியாதவர்கள் என்று சொல்லலாம்.

மீனம்

இந்த ராசிக்காரகள் உணர்ச்சிபூர்வமானவர்களாக இருப்பார்கள். இவர்கள் உணர்வு ரீதியாக மற்றவர்களை புரிந்து கொள்பவர்களாக இருப்பார்கள். தங்களது உணர்வுகளை வெளிப்படையாக வெளிக்காட்டுபவர்களாக இருக்க மாட்டார்கள்.

உணர்வுபூர்வமானவர்கள்

இந்த மீன இராசிக்காரர்கள் தங்களை சுற்றி ஏதேனும் ஒரு தவறு நடந்தால் அதை சீக்கிரமாக இனம் கண்டு கொள்பவர்களாக இருப்பார்கள். இவர்களது ஆறாம் அறிவானது இவர்கள் ஒரு சில கடினமான சூழ்நிலைகளை கையாழ்வதற்கும், ஆபத்துக்களில் தப்பிக்கவும் உதவியாக இருக்கும்.

சிம்மம்

சிம்ம ராசிக்காரர்கள் அறிவுத்திறன் அதிகம் கொண்டவர்களாக இருக்கிறார்கள். இவர்கள் மிகவும் வலிமையானவர்களாக இருக்கிறார்கள். தங்களை ஏமாற்றுபவர்கள் மற்றும் மற்றவர்களது மனதில் என்ன தீய குணம் ஓடிக் கொண்டிருக்கிறது என்பதை பற்றி எல்லாம் முழுமையாக அறிந்தவர்களாக இருப்பார்கள்.

சமாதான குணம்

இவர்கள் தங்களது சொந்த அறிவின் படி செயல்பட கூடியவர்களாக இருக்கிறார்கள். அதன் மூலம் என்ன பிரச்சனை வந்தாலும் பரவாயில்லை பார்த்துக் கொள்ளலாம் என்று இருக்கிறார்கள். இவர்கள் மற்றவர்களை எளிதில் சாமதானம் செய்து விடும் மனப்பான்மை உடையவர்களாக இருக்கிறார்கள். சிம்ம ராசிக்காரர்கள் சிறந்த அரசியல்வாதியாக இருப்பார்கள்.

மிதுனம்

இவர்கள் அறிவுத்திறன் வாய்ந்தவர்களாக கருதப்படுகிறார்கள். இவர்கள் பல திறன் கொண்டவர்களாக இருப்பார்கள். இவர்கள் பிரச்சனையின் ஒரு புறம் மட்டுமே பார்க்க கூடியவர்களாக இருப்பார்கள். இவர்கள் பல வேலைகளை ஒரே சமயத்தில் செய்வதில் திறமை வாய்ந்தவர்களாக இருப்பார்கள்.

பல வேலைகளை செய்பவர்கள்

அதுமட்டுமின்றி இவர்களது மிகச்சிறந்த திறமை என்ன என்றால், பல பிரச்சனைகளை ஒரே சமயத்தில் தீர்த்து வைக்கும் திறன் கொண்டவர்களாக இருப்பார்கள். இவர்கள் ஒருவரை பார்த்தே அவர்கள் எப்படி பட்டவர்கள் என்பதை உணர்ந்து கொள்ளும் திறமை கொண்டவர்களாக இருக்கிறார்கள். இவர்கள் சீக்கிரமாக கேள்விகளுக்கு பதிலளிப்பவர்களாக இருக்கிறார்கள்.