சூப்பர்ஸ்டார் ரஜினிகாந்த் பற்றிய சில சுவாரஸ்ய தகவல்கள்!!!

ரசிகர் மீதான அக்கறை

22 ஆண்டுகளுக்கு முன்பு, ரஜினியின் பிறந்தநாள் கொண்டாட்டத்தை முடித்துவிட்டு சென்னையில் வீடு திரும்பிக் கொண்டிருந்த மூன்று ரசிகர்கள் விபத்தின் காரணமாக உயிரிழந்தனர். அந்த சம்பவத்திற்கு பிறகு நகர பகுதிக்குள் தனது பிறந்தநாளைக் கொண்டாடுவதை நிறுத்திவிட்டார் ரஜினி.

அதிக சம்பளம்

ஜாக்கி சானுக்கு பிறகு அதிக சம்பளம் வாங்கும் ஆசிய நடிகர் ரஜினிகாந்த் தான். இவரது ஸ்டைலை யாராலும் இவரைப் போலவே செய்ய முடியாது அது மிகவும் கடினம் என்று இந்தி நடிகர் ஷாருக்கான் கூறியிருக்கிறார்.

ட்விட்டர்

ரஜினி ட்விட்டரில் இணைந்த முதல் நாளிலேயே, 1.5 லட்சம் பேர் இவரை பின்தொடர ஆரம்பித்தனர் என்பது குறிப்பிடத்தக்கது. ஓர் இந்திய நடிகரை ட்விட்டரில் இணைந்த முதல் நாளில் இவ்வளவு பேர் பின்தொடர்ந்தனர் என்றால் அது ரஜினி தான்.

முதல் இந்திய நடிகர்

இந்தியாவில், கருப்பு வெள்ளை, கலர், 3டி, மோஷன் கேப்ச்சரிங் போன்ற அனைத்து வகையிலான படங்களிலும் நடித்த முதல் மற்றும் ஒரே நடிகர் ரஜினி தான்.

பாடப்புத்தகத்தில்

ரஜினியை பற்றிய வாழ்க்கை வரலாறு பாடப்புத்தகத்திள் சேர்க்கப்பட்டுள்ளது. அதுமட்டுமின்றி, ஐ.ஐ.எம்-மில் ஓர் பாட பிரிவில் ரஜினி நடித்த எந்திரன் திரைப்படம், ஆய்வுப் பிரிவில் சேர்க்கப்பட்டுள்ளது.

நடிக்காத மொழி

ரஜினி இதுவரை, தமிழ், ஹிந்தி, மலையாளம், கன்னடம், பெங்காலி, ஆங்கிலம் போன்ற மொழிகளில் நடித்திருந்தாலும். தனது தாய் மொழியான மாராத்தியில் மட்டும் நடித்ததில்லை என்பது குறிப்பிடத்தக்கது.

பெரிய ரசிகர் கூட்டம்

கடந்த 35 ஆண்டுகாலமாக தமிழ் திரையுலகில் மாபெரும் ரசிகர் கூட்டத்தை வைத்திருக்கும் ஒரே நடிகர் ரஜினி தான். வேறு எந்த ஒரு நடிகருக்கும் இவ்வளவு பெரிய ரசிகர் கூட்டம், இவ்வளவு ஆண்டுகள் இருந்ததில்லை என்பது குறிப்பிடத்தக்கது.