Google-க்கு முதலில் வைக்கப்பட்ட பெயர் என்ன தெரியுமா? Google பற்றி இதுவரை நீங்கள் அறியாத ரகசியங்கள்...!

இன்று உலகத்தை இயக்கும் பெரிய சக்தி எதுவென்றால் அனவைரும் கண்ணை மூடிக்கொண்டு Google என்று கூறுவார்கள். ஏனெனில் நம்முடைய தேவை எதுவென்றாலும் அதற்கான தீர்வைக் கொடுப்பது Google தான். ஒரு நாளைக்கு ஒரு முறையாவது கூகுளை ஓபன் செய்து பார்ப்பவர்கள் கோடிக்கணக்கான மக்கள் இருக்கிறார்கள்.

உலகை இயக்கும் சக்தியாக மாறியுள்ள கூகுள் 1997 இல் தொடங்கப்பட்டது, லாரி பேஜ் மற்றும் செர்ஜி பிரின் என்ற இரண்டு ஸ்டான்ஃபோர்ட் பல்கலைக்கழக மாணவர்கள் உலகின் தலைசிறந்த Search Engine-யை அறிமுகப்படுத்தினர். இணையத்தில் கொட்டிக்கிடக்கும் தகவல்களை வெளிக்கொணர ஒரு மேம்பட்ட முறையை உருவாக்குவதற்கு அவர்கள் இரண்டு வருடங்களை அர்ப்பணித்தனர். தற்போது கூகுளின் நிகர மதிப்பு $223 பில்லியன் ஆகும்.

கூகுளில் தினமும் கோடிக்கணக்கான விஷயங்கள் தேடப்படுவதால், Google இல்லாத வாழ்க்கையை கற்பனை செய்துகூட பார்க்க முடியாது. இன்று, உலகம் முழுவதும் உள்ள பில்லியன் கணக்கான மக்கள் பயன்படுத்தும் நூற்றுக்கணக்கான தயாரிப்புகளை Google உருவாக்குகிறது, YouTube மற்றும் Android முதல் Gmail மற்றும் Google Search வரை அனைத்தும் நம்முடைய வாழ்க்கையை மிகவும் எளிதாக்கியுள்ளது. இப்போது நாம் தினமும் உபயோகப்படுத்தும் Google பற்றிய இந்த விஷயங்கள் உங்களுக்குத் தெரியுமா?

Google-ன் உண்மையான பெயர்

BackRub என்பது பிரபலமான மசாஜ் நுட்பத்தின் பெயர் மட்டுமல்ல, இதுதான் கூகுளின் உண்மையான பெயரும் கூட. கூகுள் கூகுள் Google என்று அறியப்படுவதற்கு முன்பு, இணை நிறுவனர்களான லாரி பேஜ் மற்றும் செர்ஜி பிரின் ஆகியோர் தங்கள் Search Engine-க்கு பல்வேறு பெயர்களை சிந்தித்தனர். 1996 இல் ஸ்டான்போர்ட் பல்கலைக்கழகத்தில் மாணவர்களாக இருந்தபோது அவர்களின் ஆராய்ச்சி திட்டத்தின் பெயர் BackRub.

அவர்களின் Search Engine-ன் ஆரம்ப பதிப்புகள் ஒரு வலைத்தளத்தின் பின்னிணைப்புகளை அதன் முக்கியத்துவத்தை தீர்மானிக்க பகுப்பாய்வு செய்தன, அதனால்தான் BackRub என்று பெயரிடப்பட்டது. ஒரு வருடம் கழித்து, Google க்கான டொமைன் பதிவு செய்யப்பட்டது.

Googol

Google என்பது தற்போது மிகவும் பரிட்சயமான மற்றும் கவர்ச்சியான பெயராக தோன்றினாலும், உண்மையில் இது தவறாக தட்டச்சு செய்யப்பட்ட பெயராகும். Googol என்பதன் அர்த்தம் 'நூறு பூஜ்ஜியங்களுடன் ஒன்று' என்ற கணிதக் கருத்தைக் குறிக்கிறது, இது அனைத்துத் தகவல்களும் அனைவருக்கும் கிடைப்பதை உறுதிசெய்யும் நிறுவனத்தின் இலக்கைக் குறிக்கிறது.

Google-ன் விரிவாக்கம்

கூகுளின் விரிவாக்கம் என்னவெனில் Google is the Global Organization of Oriented Group Language of Earth. கூகுளின் முதல் அலுவலகம் சாண்டா மார்கரிட்டா அவேயில் வாடகைக்கு எடுக்கப்பட்ட கேரேஜ் ஆகும்.

தினசரி தேடல்கள்

கூகுளில் தினமும் சுமார் 8.5 பில்லியன் தேடல்கள் செய்யப்படுகின்றன. 2022 இல் உலகம் முழுவதும் ஒரு வினாடிக்கு 99,000 தேடல்கள் செய்யப்பட்டது இன்றுவரை உடைக்க முடியாத சாதனையாக இருந்து வருகிறது, மேலும், அனைத்து 15% கூகுள் தேடல்கள் மற்ற தேடல்களை விட எப்போதும் தனித்தன்மை வாய்ந்தவை.

Google செயலிழப்பு

Google அடிக்கடி செயலிழக்காது, ஆனால் அப்படி அது செயலிழந்தால் அது உலகம் முழுவதும் மாபெரும் தாக்கத்தை ஏற்படுத்தும். ஆகஸ்ட் 16, 2013 நள்ளிரவுக்கு முன் சில நிமிடங்களுக்கு, Google search, GMail மற்றும் YouTube உட்பட கூகுளின் அனைத்து சேவைகளும் பாதிக்கப்பட்டது. அந்த சில நிமிடங்களில், இணையப் பகுப்பாய்வு நிறுவனமான GoSquared இன் கூற்றுப்படி, உலகளாவிய இணைய போக்குவரத்து 40% குறைந்தது. இதனால் பல இலட்சம் கோடி இழப்பு ஏற்பட்டது. இது Google மற்றும் அதன் சேவைகளை நாம் எவ்வளவு சார்ந்து இருக்கிறோம் உலகிற்கு உணர்த்தியது.

கூகுளை வெறும் 1 மில்லியனுக்கு விற்க முயன்ற நிறுவனர்கள்

1997 ஆம் ஆண்டு கூகுள் பிரபலமடையாத நிறுவனமாக இருந்தபோது, ​​இணை நிறுவனர்களான லாரி பேஜ் மற்றும் செர்ஜி பிரின் Yahoo-க்கு $1 மில்லியனுக்கு விற்க முன்வந்தனர். பின்னர் இந்த சலுகை நிராகரிக்கப்பட்டது. பின்னர் 2002 ஆம் ஆண்டில், கூகிள் மிகவும் வெற்றிகரமானதாக மாறியது, அந்த நேரத்தில் Yahoo அதை வாங்க $3 பில்லியன் வழங்கியது. கூகுள் இந்தச் சலுகையை நிராகரித்து $5 பில்லியனைக் கோரியது, அதை Yahoo நிராகரித்தது. ஆனால் தற்போது Google-ன் நிகர மதிப்பு $2 டிரில்லியன் ஆகும்.