உங்கள் WhatsApp அக்கவுண்ட்டை ஹேக் செய்யாமல் தடுக்கணுமா? அப்ப இந்த டிப்ஸை பாலோ பண்ணுங்க...!

இப்போது டிஜிட்டல் இந்தியாவில் டெக்னலாஜியைப் பயன்படுத்தி திருடுபவர்களின் எண்ணிக்கை வேகமாக அதிகரித்து வருகிறது. குறிப்பாக வாட்ஸ்அப் பயனர்களைக் குறிவைக்கும் ஹேக்கர்களின் எண்ணிக்கை அதிகரித்து வருகிறது. உலகளவில் 2 பில்லியனுக்கும் அதிகமான பயனர்களைக் கொண்ட வாட்ஸ்அப், சைபர் குற்றவாளிகளுக்கு ஒரு முக்கிய இலக்காக மாறியுள்ளது.

பயனர்களின் கணக்குகளுக்கு சட்டவிரோத அணுகலைப் பெறவும், முக்கியமான தகவல்களைத் திருடவும் ஹேக்கர்கள் ஃபிஷிங் மோசடிகள், வைரஸ் தாக்குதல்கள் மற்றும் ஊடக ஆர்வமுள்ள ஸ்பைவேர் போன்ற பல்வேறு ஏமாற்று தந்திரங்களையும் பயன்படுத்துகின்றனர்.

சமீபத்திய ஹேக்கிங் சம்பவங்களின் அதிகரிப்பு, தனிப்பட்ட தகவல்களின் பாதுகாப்பு மற்றும் பயனர்கள் தங்களைப் பாதுகாத்துக் கொள்ள கடுமையான நடவடிக்கைகளை எடுக்க வேண்டிய அவசியத்தை வலியுறுகிறது. நிபுணர்கள் பயனர்கள் தங்களின் வாட்ஸ்அப் அக்கவுண்ட்டை பாதுகாக்க சில பயனுள்ள வழிகளை பகிர்ந்துள்ளனர். அவை என்னென்ன என்று இந்த பதிவில் தெரிந்து கொள்ளலாம்.

2-Step Verification

உங்கள் WhatsApp கணக்கிற்கு கூடுதல் பாதுகாப்பை சேர்க்க 2-Step Verification-யை இயக்குவது சிறந்த வழியாகும். இந்த வழியில், யாராவது உங்கள் தொலைபேசி எண்ணைப் பெற்றாலும், உங்கள் மின்னஞ்சலுக்கு அனுப்பப்படும் சரிபார்ப்புக் குறியீடு இல்லாமல் அவர்களால் உங்கள் கணக்கில் உள்நுழைய முடியாது. உங்கள் OTP-யையோ அல்லது 2-Step Verification PIN-யையோ யாருடனும் பகிர்ந்து கொள்ளாமல் இருப்பது மிகவும் முக்கியம். இந்தத் தகவலை ரகசியமாக வைத்திருப்பதன் மூலம், அங்கீகரிக்கப்படாத பயன்பாடு மற்றும் சாத்தியமான ஹேக்கிங் முயற்சிகளிலிருந்து உங்கள் அக்கவுண்ட்டை திறம்பட பாதுகாக்க முடியும்.

உங்கள் வாட்ஸ்அப்பை தொடர்ந்து Update செய்யவும்

பாதுகாப்பை உறுதி செய்வதற்கு உங்கள் WhatsApp செயலியை தொடர்ந்து Update செய்வது முக்கியம். ஒவ்வொரு Update-ம் புதிய பாதுகாப்பு இணைப்புகள் மற்றும் அம்சங்களுடன் வருகிறது, அவை புதிய ஹேக்கிங் முறைகளை எதிர்த்துப் போராட உதவுகிறது. App-யைப் புதுப்பித்த நிலையில் வைத்திருப்பது, அச்சுறுத்தல்கள் மற்றும் அங்கீகரிக்கப்படாத அணுகலில் இருந்து உங்கள் அக்கவுண்ட்டை அதிகபட்ச பாதுகாப்பைப் பெறுவதை உறுதி செய்கிறது.

முன்பின் தெரியாத Link மற்றும் மெசேஜ்களிடம் எச்சரிக்கையாக இருங்கள்

உங்கள் Contact லிஸ்ட்டில் இல்லாதவர்களிடமிருந்து அனுப்பப்படும் Link மற்றும் Message-களைக் கிளிக் செய்வதைத் தவிர்க்கவும். அவை உங்கள் தனிப்பட்ட விவரங்களைத் திருட அல்லது உங்கள் போனில் வைரஸ்களை நிறுவ முயற்சிக்கும் மோசடி நடவடிக்கைகளாக இருக்கலாம். இதுபோன்ற சூழ்நிலையில் எச்சரிக்கையாக இருப்பது உங்கள் டிஜிட்டல் சாதனத்தைப் பாதுகாக்கவும், எதிர்காலத்தில் உங்கள் தனிப்பட்ட தகவல்களைஉங்கள் அனுமதி இல்லாமல் பயன்படுத்துவதைத் தவிர்க்கவும் உதவும்.

நீங்கள் WhatsApp கனெக்ட் செய்த சாதனங்களை தொடர்ந்து சரிபார்க்கவும்

உங்கள் Account பாதுகாப்பாக இருப்பதை உறுதிசெய்ய, இணைக்கப்பட்ட சாதனங்களைத் தொடர்ந்து சரிபார்க்கவும். உங்கள் WhatsApp உடன் இணைக்கப்பட்ட அனைத்து சாதனங்களையும் பார்க்க, WhatsApp Settings > Linked Devices ஆப்ஷனைத் தேர்ந்தெடுக்கவும். இணைக்கப்பட்ட சாதனத்தை நீக்க, சாதனத்தைத் செலெக்ட் செய்து "Log Out" என்பதைத் தேர்ந்தெடுக்கவும். வழக்கமான கண்காணிப்பு அங்கீகரிக்கப்படாத அணுகலைத் தடுக்க உதவுகிறது.