Father's Day 2024: தந்தையர் தினத்தில் உங்கள் தந்தைக்கு இந்த கிஃப்டை வழங்குங்கள்.. பாதுகாப்பாக உணர்வார்..!

Father's Day 2024:
அனைவரும் தந்தையர் தினத்தன்று தங்கள் தந்தையை சிறப்புற பார்க்க விரும்புகிறார்கள். எந்தப் பரிசைக் கொடுத்து ஆச்சரியப்படுத்தலாம் என யோசித்துக்கொண்டிருக்கின்றனர். நீங்களும் இந்த தந்தையர் தினத்தை சிறப்பிக்க விரும்பினால்.. உங்கள் தந்தைக்கு ஒரு தனித்துவமான, பரிசை வழங்க விரும்பினால்.. இதை ட்ரை பண்ணுங்கள்..

இவை பரிசுகள் மட்டுமல்ல, தேவைப்படும் நேரத்தில் உதவும் நண்பன்.. பாதுகாவலன்.. அந்த பரிசுகள் என்னவென்றால் சேமிப்புதான்.. அது என்னென்ன சேமிப்பு திட்டம் என்று இப்போது பார்க்கலாம்.

1. தபால் அலுவலக மாதாந்திர வருமானத் திட்டம்

உங்கள் தந்தைக்கு இந்த பயனுள்ள பரிசை வழங்கலாம். நீங்கள் ஒரு மொத்த தொகையை டெபாசிட் செய்தால், மாதாந்திர ஓய்வூதியம் போன்ற நிலையான தொகையைப் பெறுவீர்கள். இந்த திட்டத்தின் கீழ், வட்டி விகிதம் 7.1 சதவீதம். இது தவிர, மூத்த குடிமக்களுக்கு வங்கிகள் கூடுதல் வட்டி விகித பலன்களை வழங்குகின்றன. எனவே நீங்கள் நிலையான வைப்புத்தொகையையும் பெறலாம். அத்தகைய சூழ்நிலையில், இந்த தந்தையர் தினத்தில் உங்கள் தந்தைக்காக வங்கியில் நிலையான வைப்புத்தொகையை நீங்கள் செய்யலாம்.

2. ஓய்வூதியத் திட்டம்

உங்கள் தந்தைக்கு ஏற்ற ஓய்வூதியத் திட்டத்தைத் தேர்ந்தெடுத்து அதில் முதலீடு செய்யலாம். தந்தையின் ஓய்வுக்குப் பிறகு, எதிர்காலத்தில் பொருளாதாரச் சிக்கல்கள் மற்றும் வாழ்க்கைச் செலவுகளும் ஏற்படும். அதில் மருத்துவ செலவுகள் அதிகமாகும்.. அதற்கு இந்த ஓய்வூதிய திட்டம் நல்ல கிஃப்ட்டாக இருக்கும்.. எனவே கடினமான காலங்களில் உங்கள் தந்தை உழைத்து சம்பாதித்த பணத்தை செலவழிப்பதைத் தவிர்க்க முறையான உடல்நலக் காப்பீடு செய்வதும் நல்லது. இந்த பரிசு உங்கள் தந்தைக்கு சரியானதாக இருக்கலாம்.

3. மியூச்சுவல் ஃபண்டுகளில் முதலீடு

மியூச்சுவல் ஃபண்டுகளில் முதலீடு செய்வது மிகவும் எளிதானது. மியூச்சுவல் ஃபண்ட் என்பது பல முதலீட்டாளர்கள் தங்கள் பணத்தை முதலில் ஒரே இடத்தில் டெபாசிட் செய்து, பின்னர் பத்திரங்கள் மற்றும் பங்குச் சந்தை உள்ளிட்ட பல இடங்களில் நிதியின் பணத்தை முதலீடு செய்வது. பரஸ்பர நிதிகள் சொத்து மேலாண்மை நிறுவனங்களால் நிர்வகிக்கப்படுகின்றன. மியூச்சுவல் ஃபண்டுகளில் முதலீடு செய்வதால் பல நன்மைகள் உள்ளன. நீங்கள் SIP முறையில் மாதத்திற்கு ஒரு சிறிய தொகையை முதலீடு செய்தாலும் அல்லது ஒரே நேரத்தில் பெரிய தொகையை முதலீடு செய்தாலும், அதிலிருந்து நல்ல பலன்களைப் பெறலாம்.

4. மருத்துவ காப்பீடு

ஒரு விரிவான மருத்துவ காப்பீட்டுத் திட்டம் ரொக்கமில்லா மருத்துவமனை உள்ளிருப்புச் சிகிச்சை, OPD செலவுகள், தினசரி ரொக்கம், நோய் கண்டறிதல் செலவுகள் மற்றும் பலவற்றை வழங்குகிறது. இது காப்பீடு செய்யப்பட்ட தொகை வரை திட்டத்தில் சேர்க்கப்பட்ட தனிநபர் அல்லது குடும்ப நபர்களுக்கு காப்பீட்டை வழங்குகிறது. அதனால் இந்த காப்பீடு திட்டம் உங்கள் தந்தைக்கு வயதான காலத்தில் நல்ல உதவிகரமாக இருக்கும்..

5. நிலையான வைப்பு தொகை

ரிஸ்க் எடுக்க தயங்குபவர்களுக்கு இந்த நிலையான வைப்பு தொகை (Fixed deposit ) கணக்குகள் சிறந்த தேர்வாக இருக்கும். இதில் நீங்கள் செலுத்தும் தொகைக்கான வட்டி விகிதம் முன்கூட்டியே தீர்மானிக்கப்படுகிறது. வங்கிகள் அல்லது NBFC-க்களால் வழங்கப்படும் நிதி திடமான இது முதலீட்டாளர்களுக்கு கொடுக்கப்பட்ட மெச்சூரிட்டி தேதி வரை வழக்கமான சேவிங்ஸ் அக்கவுண்ட்டை விட அதிக வட்டி விகிதத்தை வழங்குகிறது. இந்த திட்டத்தின் கீழ் நீங்கள் ஒரே முறைதான் பணத்தை போடுவீர்கள். மெச்சூரிட்டியின் முடிவில் நீங்கள் செலுத்தியுள்ள மொத்த முதலீட்டு தொகையுடன் சேர்த்து குறிப்பிட்ட அளவிலான வட்டி தொகையையும் பெறுவீர்கள். அதனால் இந்த சேமிப்பு திட்டம் உங்களது தந்தைக்கு சிறந்த சேமிப்பு திட்டமாக அமையும்...