புதிதாக அறிமுகப்படுத்தியுள்ள டிஜிட்டல் காண்டம் என்றால் என்ன? இது மக்களை எப்படி பாதுகாக்கிறது தெரியுமா?

காண்டம் என்றால் என்னவென்று நம்மில் பெரும்பாலானவர்களுக்குத் தெரியும், ஆனால் டிஜிட்டல் காண்டம் பற்றி நீங்கள் கேள்விப்பட்டுள்ளீர்களா? ஜெர்மன் பாலியல் ஆரோக்கிய பிராண்டான பில்லி பாய், "டிஜிட்டல் ஆணுறை" என்று குறிப்பிடப்படும் கேம்டோம் என்ற புதுமையான மொபைல் செயலியை அறிமுகப்படுத்தியுள்ளது.

புளூடூத் தொழில்நுட்பத்தைப் பயன்படுத்தி, ஸ்மார்ட்ஃபோன் கேமராக்கள் மற்றும் மைக்ரோஃபோன்களை ப்ளாக் செய்து, மக்களின் ப்ரைவசியை பாதுகாப்பதன் மூலம், அந்தரங்க சந்திப்புகளின் போது அங்கீகரிக்கப்படாத ஆடியோ மற்றும் வீடியோ பதிவுகளைத் தடுக்கும் வகையில் இந்த ஆப் வடிவமைக்கப்பட்டுள்ளது.

Photo Credit:

Camdom ஆப் ஆனது அதன் பாதுகாப்பு அம்சங்களை உடைக்கம் முயற்சிகளைக் கண்டறிந்து அதை பயனர்களுக்குத் தெரிவிக்கும் திறனையும் கொண்டுள்ளது. Revenge Porn ஆபாச பிரச்சினையை இலக்காகக் கொண்டு, இந்த செயலி ஏற்கனவே 30 க்கும் மேற்பட்ட நாடுகளில் பிரபலமடைந்துள்ளது மற்றும் விரைவில் iOS-க்கு விரிவுபடுத்தப்பட உள்ளது.

இதுபற்றிய சமீபத்திய அறிக்கையில், செயலியின் டெவலப்பரான ஃபெலிப் அல்மேடா, ஸ்மார்ட்போன்கள் நம் வாழ்வில் ஒரு அங்கமாக மாறிவிட்டன, மேலும் நம்மைப் பற்றிய பெரும்பாலான முக்கியமான தகவல்களை வைத்திருக்கின்றன. நமது அனுமதி இல்லாமல் வீடியோ மற்றும் ஆடியோக்களை பதிவு செய்வதிலிருந்து பயனர்களைப் பாதுகாக்க, புளூடூத் தொழில்நுட்பத்தைப் பயன்படுத்தி கேமராக்கள் மற்றும் மைக்ரோஃபோன்களைத் தடுக்கும் திறன் கொண்ட முதல் செயலியை உருவாக்குவதாக அவர் அறிவித்தார்.

பயனர்களின் பிரைவசி மற்றும் பாதுகாப்பை உறுதி செய்வதற்காக, கேம்டோமின் பயனர்கள் தங்கள் ஸ்மார்ட்ஃபோன்களை அருகில் வைத்து, அந்தரங்க நடவடிக்கைகளில் ஈடுபடும் முன் விர்ச்சுவல் பட்டனை ஸ்வைப் செய்வதன் மூலம் செயலியை எளிதாக செயல்படுத்தலாம். இந்த நடவடிக்கை கேமரா மற்றும் மைக்ரோஃபோன் செயல்பாடுகளில் ஒரு பாதுகாப்புத் தடுப்பை செயல்படுத்துகிறது, அங்கீகரிக்கப்படாத பதிவுகளை திறம்பட தடுக்கிறது.

ஆப்ஸ் வேலை செய்யும் போது கூட்டாளர்களில் ஒருவர் கேமராவை ஆன் செய்து வீடியோவைப் பதிவு செய்ய முயற்சித்தால், அது எச்சரிக்கையை அனுப்பி அலாரத்தைத் தூண்டும். டிஜிட்டல் ஆணுறை பயன்பாட்டின் மூலம், ஒரு பயனர் ஒரே நேரத்தில் பல சாதனங்களில் கேமராக்கள் மற்றும் மைக்ரோஃபோன்களைத் தடுக்கலாம்.

ஒருவேளை இந்த பாதுகாப்பு வளையத்தை உடைக்க முயற்சி செய்யப்பட்டால், கேம்டோமின் மேம்பட்ட தொழில்நுட்பம் ஊடுருவலைக் கண்டறிந்து, உடனடி எச்சரிக்கையைத் தூண்டும். இந்த அலாரம் அனைத்து பயனர்களுக்கும் பதிவு தொடர்பான அச்சுறுத்தலைத் தெரிவிக்கிறது. கூடுதலாக, ஒரே நேரத்தில் பல சாதனங்களைத் தடுக்கும் திறனையும் கொண்டுள்ளது. "ஒரு பயனர் அந்தரங்க நடவடிக்கைகளில் ஈடுபடும் போது, ஒரு அலாரம் தன்னிச்சையாக வீடியோ செய்யும் அபாயத்தை சமிக்ஞை செய்கிறது," என்று நிறுவனத்தின் பிரதிநிதி ஒருவர் விளக்கினார்.

இன்னோசியன் பெர்லினுடன் இணைந்து செயலி உருவாக்கப்பட்டது. இன்னோசியன் பெர்லினின் தலைமை வணிக அதிகாரி கேப்ரியல், "இன்னோசியன் பெர்லினில், எங்கள் வாடிக்கையாளர்களுக்கு மட்டுமல்ல, ஒட்டுமொத்த சமுதாயத்திற்கும் உள்ள பிரச்சனைகளைத் தீர்ப்பதில் எங்கள் கவனம் உள்ளது. அதனால்தான் இந்த செயலியை உருவாக்க நாங்கள் BILLY BOY உடன் இணைத்துள்ளோம், இது தனிப்பட்ட முறையில் தொழில்நுட்பத்தை ஒருங்கிணைத்து, அந்தரங்க வீடியோக்களின் கசிவிலிருந்து பயனர்களைப் பாதுகாப்பதை நோக்கமாகக் கொண்டுள்ளது."

CAMDOM -ன் துவக்கம் ஒரு பயனுள்ள ஆன்லைன் விவாதத்தைத் தூண்டியுள்ளது, ஆச்சரியம், ஒப்புதல் மற்றும் நகைச்சுவை ஆகியவற்றின் எதிர்வினைகளை உருவாக்குகிறது. பெரும்பாலான பயனர்கள் இது நமது சமூகத்திற்கு மிகவும் அவசியம் என்று கூறுகிறார்கள்.