இந்த வளர்ந்த நாடுகளில் இந்தியாவ விட தங்கத்தின் விலை மிகக்குறைவாம்... இங்க மட்டும் எப்படி விலை குறைவாக இருக்கு?

தங்கத்தின் விலை நடுத்தர மக்களால் நினைத்துக் கூட பார்க்க முடியாத அளவிற்கு விண்ணை முட்டும் அளவிற்கு ஒவ்வொரு நாளும் உயர்ந்து கொண்டே செல்கிறது. தங்கம் இந்தியாவில் ஒரு முதலீடாக மட்டும் பார்க்கப்படுவதில்லை, மாறாக அந்தஸ்து மற்றும் கலாச்சாரத்தின் ஒரு பகுதியாக இருக்கிறது.

இறக்குமதி வரிகள், பிற வரிகள் மற்றும் ஏற்ற இறக்கமான விகிதங்கள் இந்தியாவில் தங்கம் வாங்குவதை மிகவும் ஆடைமாபாரமானதாக மாற்றுகின்றன. இருப்பினும், சாதகமான கொள்கைகள், குறைந்த வரிகள் மற்றும் திறமையான நிர்வாகம் காரணமாக இந்தியாவை விட தங்கத்தை மலிவான விலையில் விற்கும் சில நாடுகள் உள்ளன. இந்த பதிவில் எந்தெந்த நாடுகள் இந்தியாவை விட தங்கத்தை குறைவான விலையில் விற்கின்றன என்று தெரிந்து கொள்ளலாம்.

அமெரிக்கா

இது கேட்பதற்கு மிகவும் ஆச்சரியமாக இருக்கலாம். தங்கத்தை மலிவு விலையில் விற்பதில் அமெரிக்காதான் முதலிடத்தில் உள்ளது. நிலையான பொருளாதாரம், விற்பனையாளர்களிடையே வலுவான போட்டி, உலகளாவிய ட்ரெண்டுகளைப் பின்பற்றும் விலைகள் ஆகியவற்றால், இங்கு தங்கம் பெரும்பாலும் இந்தியாவை விட மலிவான விலையில் விற்கப்படுகிறது. சுங்கக் கட்டணங்கள் இருந்தாலும் கூட, இங்கு விலை இந்தியாவை விட குறைவாகவே உள்ளது, இது சிறந்த முதலீட்டை விரும்புபவர்களுக்கு சரியான தேர்வாக இருக்கிறது.

ஆஸ்திரேலியா

இந்த நாட்டில் தங்கம் சேமித்து மட்டும் வைக்கப்படுவதில்லை, சுரங்கத்திலிருந்து நேரடியாகவே வெட்டியெடுக்கப்படுகிறது. இயற்கையாகவே இங்கு சுரங்கங்கள் அதிகம் இருப்பதால், ஆஸ்திரேலியா தங்கத்தின் நிலையான விநியோகத்தை வைத்திருக்கிறது. வலுவான தேவை மற்றும் நம்பகமான ஆதாரங்களுடன், தங்கத்தை வாங்குபவர்கள் நியாயமான விலையில், அரசாங்கத்தால் நன்கு ஒழுங்குபடுத்தப்பட்ட உண்மையான, உயர்தர தங்கத்தை வாங்குகிறோம் என்று தாராளமாக நம்பலாம்.

சிங்கப்பூர்

திறமையான நிர்வாகத்தின் கீழ் இருக்கும் இந்த குட்டி நாடு, அதன் வரிகள் உட்பட, அனைத்து விஷயங்களையும் சீராக நிர்வகிக்கிறது. முதலீட்டு தர தங்கத்தின் மீது ஜிஎஸ்டி இல்லாததால், இங்கு தங்கத்தின் விலை மற்ற நாடுகளுடன் ஒப்பிடும் போது குறைவாக இருக்கிறது. நிலையான நிதி அமைப்பு மற்றும் வெளிப்படைத்தன்மையுடன், மதிப்பு மற்றும் பாதுகாப்பு இரண்டையும் விரும்புபவர்களுக்கு சிங்கப்பூர் ஒரு சிறந்த தேர்வாக மாறுகிறது.

சுவிட்சர்லாந்து

சுவிட்சர்லாந்து என்றால் அனைவருக்கும் முதலில் ஹனிமூன்தான் நினைவிற்கு வரும். சுவிட்சர்லாந்து உலகின் சிறந்த தங்க சுத்திகரிப்பு இடங்களில் ஒன்றாக உள்ளது. சுவிஸ் சுத்திகரிப்பு நிலையங்களில் தங்கம் வாங்கும்போது, ​​உயர்தரம் வாய்ந்த மற்றும் அதன் தரத்திற்கு ஏற்ற விலைகள் உங்களுக்கு உத்தரவாதம் அளிக்கப்படும்.

துபாய்

இது நாம் அனைவரும் அறிந்த ஒரு நாடுதான். இந்தியாவின் பெரும்பாலான மக்களுக்கு தங்கம் வாங்குவதற்கு விருப்பமான இடமாக இருப்பது துபாய்தான். இங்கு தங்கத்திற்கு எந்தவித கூடுதல் வரியும் விதிக்கப்படாமல் இருப்பதால் தங்கம் வாங்குவது எளிதாகிறது. எளிமையானது முதல் ஆடம்பரமானது வரை பல்வேறு வகையான ஆப்ஷன்கள் இருப்பதால் தங்கம் வாங்குபவர்களுக்கு, இந்த நாடு ஒரு சொர்க்கமாக உள்ளது.

இந்தோனேசியா

இந்த பட்டியலில் பொருளாதாரத்தில் பின்தங்கியிருக்கும் இந்தோனேசியா இருப்பது ஆச்சரியமாக இருக்கலாம். ஆனால் அதன் சொந்த தங்க உற்பத்தி மற்றும் தொடர்ந்து விரிவடையும் சந்தையால், உலகின் மற்ற நாடுகளுடன் தங்கத்தின் விலையில் போட்டி போடுகிறது. வழக்கமான கூட்டத்தைத் தவிர்த்து, கூடுதல் கட்டணம் செலுத்தாமல், தங்கம் வாங்க முயற்சிப்பவர்களுக்கு இந்த நாடு சிறந்த தேர்வாக இருக்கும்.