எகிப்தில் கிடைத்த 2600 வருட பழமையான ரகசிய புதையல்... இந்த புதையலில் என்ன இருந்தது தெரியுமா?

உலக வரலாற்றில் எகிப்துக்கு எப்போதும் தனியிடம் உண்டு. ஏனெனில் வரலாற்றின் கலாச்சார மாற்றங்கள், நம்ப முடியாத ரகசியங்கள் மற்றும் விலைமதிப்பில்லாத புதையல்களின் பிறப்பிடமாக எகிப்து இருந்தது. பல்லாயிரம் ஆண்டுகளுக்கு முன்பு புதைக்கப்பட்ட அல்லது ரகசியமாக வைக்கப்பட்ட புதையல்கள் கடந்த நூற்றாண்டு தொடக்கத்தின் முதலே கொஞ்சம் கொஞ்சமாக வெளிவரத் தொடங்கியுள்ளது.

பண்டைய எகிப்தில் நகைகள் வெறும் அலங்காரத்திற்காக மட்டும் பயன்படுத்தப்படவில்லை, அது எகிப்திய கலாச்சாரத்தின் ஒருங்கிணைந்த பகுதியாக இருந்தது மற்றும் பாதுகாப்பு குணங்களைக் கொண்டிருந்ததாகக் கருதப்பட்டது. ஏழை விவசாயிகள் முதல் பணக்கார பாரோக்கள் வரை அனைவரும் பாரம்பரிய நகைகளை அணிந்தனர்.

சமீபத்தில், எகிப்தில் தொல்பொருள் ஆராய்ச்சியாளர்கள் ஆயிரக்கணக்கான ஆண்டுகள் பழமையான ஒரு புதையலைக் கண்டுபிடித்தனர், மேலும் பண்டைய எகிப்திய கலாச்சாரத்தில் நகைகளின் பங்கு பற்றி நிறைய தகவல்களை இந்த புதையல் வழங்குகிறது.

கர்னாக் கோவில் வளாகத்தில் எகிப்திய-பிரெஞ்சு கர்னாக் கோயில்கள் ஆய்வு மையம் (CFEETK) சமீபத்தில் ஒரு விலைமதிப்பற்ற புதையலைக் கண்டெடுத்தது, இந்த கண்டுபிடிப்பு Supreme Council of Antiquities and the French National Centre for Scientific Research (CNRS) ஆகியவற்றுடன் இணைந்து செய்யப்பட்டது. எகிப்தின் 26வது வம்ச ஆட்சியின் போது சுமார் 2,600 ஆண்டுகளுக்கு முன்பு தங்க நகைகள், தெய்வங்களின் சிலைகள், மணிகள் மற்றும் ஒரு ப்ரூச் ஆகியவற்றுடன் தொல்பொருள் தளத்தில் தோண்டப்பட்ட உடைந்த பானையை இந்த புதையல் கொண்டுள்ளது.

எகிப்தியர்களுக்கு நகைகள் ஏன் மிகவும் முக்கியமானதாக இருந்தது?

பண்டைய எகிப்தில், நகைகளுக்கு "அபோட்ரோபிக்" சக்திகள் இருப்பதாக நம்பப்பட்டது, அதாவது அது தீமையைத் தடுக்கும். உயிருள்ளவர்களை, இந்த அலங்கார பொருட்கள் நோய் மற்றும் ஆபத்திலிருந்து பாதுகாக்கும் என்று கருதப்பட்டது. இறந்தவர்களுக்கு, நகைகள் நித்தியத்திற்கும் ஒரு பாதுகாப்பாக செயல்பட்டன. இந்த நம்பிக்கை பண்டைய எகிப்தியர்களின் வாழ்க்கையில் நகைகள் கொண்டிருந்த ஆன்மீக முக்கியத்துவத்தைக் காட்டுகிறது.

வரலாற்று மற்றும் கட்டிடக்கலை முக்கியத்துவம் வாய்ந்த கர்னாக் கோயில் வளாகம், பெரும்பாலும் 12 மற்றும் 20 ஆம் வம்சங்களின் போது உருவானது. அதன் மிகவும் சிறப்பு வாய்ந்த அம்சங்களில் ஒன்று அமுன்-ரா கோயில். இந்த இடத்தில் நடந்துள்ள இந்த சமீபத்திய கண்டுபிடிப்பு, பண்டைய எகிப்தின் மத மற்றும் கலாச்சார நம்பிக்கைகள் பற்றிய தகவல்களை வழங்கும் அகழ்வாராய்ச்சி செய்யப்பட்ட கலைப்பொருட்களில் மிகவும் முக்கியமான இடத்தைப் பிடித்துள்ளது.

இந்த புதிய புதையல் எதைக் குறிக்கிறது?

அகழ்வாராய்ச்சி தளத்தில் தோண்டியெடுக்கப்பட்ட புதையல், சீராக தயாரிக்கப்பட்ட தங்க ஆபரணங்களைக் கொண்டுள்ளது, அவற்றின் நீடித்து உழைக்கும் தன்மை மற்றும் தெய்வீக தோற்றம் காரணமாக அவை மிகவும் மதிப்புமிக்கவையாகக் கருதப்படுகிறது. பண்டைய எகிப்திய கைவினைத்திறனில் நிலவிய நுட்பமான தன்மையையும் இந்த கலைப்பொருட்கள் காட்டுகின்றன. இந்த புதையலுடன், பல கடவுள்களின் சிலைகளும் கண்டுபிடிக்கப்பட்டன.

இந்த சிலைகள் அலங்கார பொருட்களாலும் அலங்கரிக்கப்பட்டன, இது பண்டைய எகிப்திய சமுதாயத்தில் ஆன்மீக நம்பிக்கைகளின் முக்கியத்துவத்தை பிரதிபலிக்கிறது. இந்த சிலைகள் பெரும்பாலும் சடங்குகளிலும் காணிக்கைகளிலும் பயன்படுத்தப்பட்டன, இது கடவுள்களின் பாதுகாப்பு மற்றும் நல்ல சக்தியின் மீதான நம்பிக்கையைவலியுறுத்துகிறது.

உடைந்த பானையிலிருந்து மணிகள் மற்றும் ப்ரூச் ஆகியவை பண்டைய எகிப்தின் நகைகளின் பன்முகத்தன்மையையும் விளக்குகின்றன. விலைமதிப்பற்ற உலோகம் மற்றும் கல்லிலிருந்து பெரும்பாலும் வெட்டப்பட்ட மணிகள், சிக்கலான நெக்லஸ்கள் மற்றும் வளையல்களில் கட்டப்பட்டன. ப்ரூச் பண்டைய எகிப்திய காலங்களில் நகைகளின் ஸ்டைலையும், செயல்பாட்டையும் காட்டுகிறது.