For Quick Alerts
ALLOW NOTIFICATIONS  
For Daily Alerts

பூனையை விட ஏன் நாய்களே சிறந்தது என்பதற்கான காரணங்கள்!!!

By Srinivasan P M
|

நாய்கள் பூனைகளை விட சிறந்ததா அல்லது பூனைகள் சிறந்தவையா? இந்த விவாதம் எப்போதும் இருந்து வரும் ஒன்று என்பதுடன் இது தொடர்கதையும் கூட. அனைவரின் எண்ணமும் ஒன்றுபோல் இருப்பதில்லை என்பதால் இதற்கு முடிவே கிடையாது. இது எல்லாம் தேவைகளையும், ஒருவருடைய சிந்தனைகளையும் பொறுத்து அந்தந்த சூழ்நிலைகளில் எடுக்கப்படும் முடிவு.

நம் வீட்டுச் செல்லப் பிராணிகளின் சில இரகசிய மொழிகள்!!!

எனினும், சில விஷயங்கள் பூனைகளைக் காட்டிலும் நாய்களுக்குச் சாதகமாக இருக்கின்றன என்பதுடன் அதற்கான காரணங்களும் மிகவும் வித்தியாசமாக இருக்கின்றன. பூனைகள் நாய்களை விட குறைவானவை என்று பொருள் அல்ல. உங்கள் செல்லப்பிராணிகளிடம் சில குணாதிசயங்களை விரும்பினால் அதற்கான காரணங்களையும் உங்கள் தரப்பு வாதங்களையும் நீங்கள் பொதுவாக வைத்திருப்பீர்கள்.

குரைக்கும் நாயை அமைதிப்படுத்த சில வழிகள்!!!

சரி, நாய்கள் ஏன் பூனைகளை விடச் சிறந்தவை? இதற்கான காரணங்கள் பூனை விரும்பிகளுக்கு வித்தியாசமாகவும், நாய் விரும்பிகளுக்கு பெருமையாகவும் இருக்கும்.

செல்ல நாய்கள் தன் வாலை ஆட்டுவதற்கு என்ன அர்த்தம் என்று தெரியுமா?

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
விளையாட்டுத் துணை

விளையாட்டுத் துணை

நாய்கள் எப்போது ஒரு உற்ற தோழனாகப் பார்க்கப்படுபவை. நீங்கள் விளையாடுவதற்கு ஒரு துணையைத் தேடினால், நாய்கள் அதில் பூனைகளைக் காட்டிலும் அதிகம் விரும்பப்படும். ஒரு பூனை எப்போதாவது தன் எஜமானருடன் பந்தை பிடித்து விளையாடுவதைப் பார்த்திருக்கிறீர்களா? ஒரு நாய் எப்போதும் தன் எஜமானருடன் இருப்பதுடன் மகிழ்ச்சியுடன் விளையாடவும் செய்யும். வளர்ந்தவர்களானாலும் சரி, குழந்தைகளானாலும் சரி. நாய் ஒரு நல்ல நண்பன்.

நடைப் பயிற்சித் தோழன்

நடைப் பயிற்சித் தோழன்

உங்கள் நடைப் பயிற்சிக்கு ஆள் தேவையா? உங்களிடம் ஒரு நாய் இருந்தால் அதைப் பற்றி நீங்கள் கவலை கொள்ளவே தேவையில்லை. நாய்க்கு தினமும் நடைப் பயிற்சி வேண்டும் என்பது மட்டுமல்லாமல், அது உங்களுடன் எங்கு வேண்டுமானாலும் துணையாக வருவதற்கு மகிழ்ச்சியுடன் காத்திருக்கும்.

உடல்நல ஊக்குவிப்பாளன்

உடல்நல ஊக்குவிப்பாளன்

இது ஒரு வித்தியாசமான காரணமாக தோன்றலாம். ஆனால் பூனைகளை ஒப்பிடுகையில் நாய்களுக்கு மிகவும் பொருந்தக்கூடிய காரணம். நீங்கள் நாய் வைத்திருந்தால், அதனை தினமும் நடைபயிற்ச்சிக்கு அழைத்துச் செல்ல வேண்டியிருக்கும். இந்த சாக்கில் நீங்களும் உடற்பயிற்சி செய்ய நேரிடும். நாயுடன் ஓடுவது விளையாட்டான காரியம் அல்ல. அதற்கு ஈடுகொடுக்கும் போது உங்கள் உடல் நலமும் முன்னேறுவதுடன் உங்கள் நிலைத் தன்மையும் அதிகரிக்கும்.

அவைகளை சீர்செய்ய வேண்டியிருக்கும்

அவைகளை சீர்செய்ய வேண்டியிருக்கும்

தங்கள் செல்லப் பிராணிகளை சீராக வைத்திருப்பவர்களுக்கு இதுவும் ஒரு காரணம். பூனைகள் தங்களை மிகவும் நாசூக்காக வைத்துக் கொள்ளவே விரும்பும். அவற்றை கொஞ்சவோ சீப்பைக் கொண்டு அவற்றின் முடியை சீர் செய்யவோ அனுமதிக்காது. அதே சமயம் இதையெல்லாம் செய்ய ஒரு நாய் எப்போதும் ஆவலுடன் இருக்கும். எனவே நீங்கள் உங்கள் செல்லப் பிராணியை சீராக வைத்துக் கொள்ள விரும்பினால் உங்கள் தேர்வு நாயாகவே இருக்கும்.

முன்யோசனை உள்ளவை

முன்யோசனை உள்ளவை

நீங்கள் ஒரு நாயை வைத்திருந்தால் பாதுகாப்பாக உணர்வீர்கள். நாய் எப்போதும் விசுவாசத்துடன் இருக்கும் என்பதுடன், தன் எஜமானைக் காப்பதற்கு எதையும் செய்யும். உண்மையில் பல குடும்பங்கள் தங்கள் குழந்தைகளை நாயின் பாதுகாவலில் நம்பிக்கையுடன் விட்டுச் செல்கின்றனர்.

உங்களை தவிக்கவிடாது

உங்களை தவிக்கவிடாது

துன்பம் வரும் போது முதலில் விலகி ஓடுவது பூனையாகத் தான் இருக்கும். எஜமானருக்கு என்ன ஆனது என்பதைப் பற்றி கவலைப்படாமல் தன் பாதுகாப்பை பற்றி மட்டுமே கவலைப்படும். அதே சமயம் நாய்கள் உங்களை அதுப்போன்று தவிக்க விடாது. அது உங்களுடைய ஒவ்வொரு தருணத்திலும் கூடவே இருப்பதுடன், தேவைப்பட்டால் உதவியும் செய்யும்.

நல்ல காவலாளி

நல்ல காவலாளி

நாய் வைத்திருக்கும் ஒருவரிடம் பூனையை விட நாய் ஏன் சிறந்தது என்று கேட்டுப் பாருங்கள். அவை நல்ல காவலாளி என்ற பதில் நிச்சயம் வரும். நீங்கள் வீட்டில் இருந்தாலும் இல்லாவிட்டாலும் அது எப்போதும் காவல் காத்துக் கொண்டே இருக்கும். உங்களுடைய பொருட்களை எல்லா சமயங்களிலும் நன்கு பார்த்துக் கொள்ளும்.

குறிப்பு

குறிப்பு

இவையெல்லாம் நாய் பூனையை விடச் சிறந்தது என்பதற்கான வித்தியாசமான காரணங்களாக இருந்தாலும், இந்த விவாதம் இதோடு முடிவதில்லை. இதே காரணங்களுக்காகவே பூனை வளர்ப்பவர்கள் நாய்களை விரும்பாமலும் போகலாம். இதெல்லாம் ஒவ்வொருவரின் தனிப்பட்ட விருப்பம் மற்றும் தேர்வு என்பதுடன் பூனை மற்றும் நாய் வளர்ப்பவர்கள் அவற்றை வளர்ப்பதற்கு அவர்களுக்கே உண்டான காரணங்களை வைத்திருப்பார்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

English summary

Strange Reasons Why Dogs Are Better Than Cats

Here are some strange reasons as to why dogs are better than cats. Read to know what the reasons are.
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more